ହଲିଉଡ଼ ଆକ୍ଟର କ୍ରିଶ୍ଚିଆନ୍ ଓଲିଭର ଏବଂ ତାଙ୍କ ୨ ଝିଅଙ୍କ ବିମାନ ଦୁର୍ଘଟଣାରେ ମୃତ୍ୟୁ
ନୂଆଦିଲ୍ଲୀ: ବିଶିଷ୍ଟ ହଲିଉଡ଼ ଆକ୍ଟର କ୍ରିଶ୍ଚିଆନ୍ ଓଲିଭର(Christian Oliver)ଙ୍କ ସହ ତାଙ୍କ ଦଇ ଝିଅଙ୍କ ଏକ ବିମାନ ଦୁର୍ଘଟଣାରେ ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଛି । ସ୍ଥାନୀୟ ପୋଲିସର ସୂଚନାନୁଯାୟୀ ବିମାନଟି ଉଡ଼ାଣ ଭରିବାର କିଛି ସମୟ ପରେ କାରିବିଆନ୍ ସାଗରରେ ଖସିପଡ଼ିଥିଲା । ଏହି ଦୁର୍ଘଟଣାରେ ବିମାନର ପାଇଲଟଙ୍କ ମଧ୍ୟ ମୃତ୍ୟୁ ହୋଇଛି । ଖବର ପାଇ ମତ୍ସ୍ୟଜୀବୀ ଓ ତଟରକ୍ଷକ ଘଟଣାସ୍ଥଳରେ ପହଞ୍ଚି ୪ଟି ମୃତ ଦେହକୁ ଉଦ୍ଧାର କରିଥିଲେ ।
କ୍ରିଶ୍ଚିଆନ୍ ଓଲିଭରଙ୍କୁ ୫୧ ବର୍ଷ ବୟସ ହୋଇଥିବା ବେଳେ ତାଙ୍କ ଝିଅ ମଦିତା(୧୦) ଏବଂ ଏନିକା(୧୨) ବର୍ଷର ବୋଲି ଜଣାପଡ଼ିଛି । ଓଲିଭର ତାଙ୍କ ପରିବାରଙ୍କ ସହ ଛୁଟି ବିତାଉଥିବା ପ୍ରକାଶ । ଓଲିଭରଙ୍କ ମୃତ୍ୟୁ ଖବର ତାଙ୍କ ପ୍ରଶଂସକଙ୍କୁ ଦୁଃଖିତ କରିଛି । ‘ଦି ଗୁଡ଼୍ ଜର୍ମାନ’, ୨୦୦୮ରେ ନିର୍ମିତ ଆକ୍ସନ କମେଡ଼ି ‘ସ୍ପୀଡ଼ ରେସର’, ଦି ବେବି ସିଟର୍ସ କ୍ଲାସ୍ ଏବଂ ସେଭ୍ଡ ବୟ ଦି ବେଲ: ଦି ନ୍ୟୁ କ୍ଲାସ୍ ଭଳି ଅନେକ ଫିଲ୍ମ ଓ ଟିଭି ସିରିଜରେ ଅଭିନୟ କରିଥିଲେ ।
