(Video) ଘୋଡ଼ା ଉପରେ ବସି ଷ୍ଟଣ୍ଟ କରିବା ବରକୁ ପଡ଼ିଲା ମହଙ୍ଗା: ବାହାଘର ମଣ୍ଡପ ପରିବର୍ତ୍ତେ ପହଞ୍ଚିଗଲା ମେଡିକାଲ୍
ନୂଆଦିଲ୍ଲୀ: ଆଜିକାଲି ବିବାହ ଋତୁ ଚାଲିଥିବା ବେଳେ ପ୍ରତିଦିନ ବିବାହ ସମ୍ବନ୍ଧୀୟ କିଛି ନା କିଛି ଭିଡିଓ ମିଳିଯାଉଛି । ସେଥିରୁ କିଛି ଭିଡିଓ ମଜାଦାର ହୋଇଥିବା ବେଳେ ଆଉ କିଛି ଭିଡିଓକୁ ଦେଖି ଆପଣ ଆଶ୍ଚର୍ଯ୍ୟ ମଧ୍ୟ ହେଉଛନ୍ତି । କେଉଁଠାରେ ବର-କନ୍ୟାଙ୍କ ରୋମାଣ୍ଟିକ୍ ଡ୍ୟାକ୍ସ ଚାଲିଛି ତ’ ଆଉ କେଉଁଠାରେ ବରଯାତ୍ରୀଙ୍କ ଅଜବ ନାଚ ଦେଖିବାକୁ ମିଳୁଛି ।
ଏହାରି ମଧ୍ୟରେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ବାହାଘରର ଅଜବ ନୀତି ଦେଖି ଲୋକେ ଆଶ୍ଚର୍ଯ୍ୟ ହୋଇଛନ୍ତି । ଯେଉଁଥିପାଇଁ ବର ବରଯାତ୍ରୀ ଧରି ଯିବା ସମୟରେ କିଛି ଏପରି ଘଟିଯାଇଛି, ଯାହାଫଳରେ ବରକୁ ଘୋଡ଼ାରେ ବସି ଯିବା ପରିବର୍ତ୍ତେ ଆମ୍ବୁଲାନ୍ସରେ ମେଡିକାଲ ଯସିବାକୁ ପଡ଼ିଛି ।
ଭାଇରାଲ ହେଉଥିବା ଭିଡିଓ ସୋସିଆଲ ମିଡିଆର ଅନେକ ପ୍ଲାଟଫର୍ମରେ ସେୟାର କରାଯାଇଛି । ଏହି ଭିଡିଓରେ ବର ଏକ ଘୋଡା ଉପରେ ଶେରୱାନି ପିନ୍ଧିଥିବାର ନଜର ଆସିଛନ୍ତି । ବରଯାତ୍ରୀ ବାହାରିବା ପୂର୍ବରୁ ଏକ ବିବାହ ରୀତି କରିବା ପାଇଁ ଘୋଡାକୁ ଖଟିଆ ଉପରେ ଚଢ଼ାଯାଉଥିଲା । ଏହି ସମୟରେ ଏକ ଛୋଟ ଭୁଲ ଯୋଗୁଁ ଘୋଡ଼ାଟି ଖଟିଆରୁ ଖସିଯାଇ ତଳେ ପଡ଼ିଗଲା । ବର ଉପରେ ବସିଥିବାରୁ ସେ ଘୋଡା ତଳେ ଚାପିହୋଇଥିଲେ ।
ଘୋଡା ତଳେ ଚାପି ହୋଇଯିବାରୁ ବର ଜଣକ ଗୁରୁତର ଭାବେ ଆହତ ହୋଇଥିଲେ । ଏହି କାରଣୁ ତାଙ୍କୁ ବାହାଘର ମଣ୍ଡପ ନେଇଯିବା ପରିବର୍ତ୍ତେ ଆମ୍ବୁଲାନ୍ସ ଯୋଗେ ସିଦା ମେଡିକାଲ ନିଆଯାଇଥିଲା । ଭିଡିଓକୁ ସୋସିଆଲୁ ମିଡିଆରେ ଅମନ ପ୍ରଜାପତି ନାମକ ଇନଷ୍ଟାଗ୍ରାମ ଆକାଉଣ୍ଟରୁ ସେୟାର କରାଯାଇଛି । ଭିଡିଓଟି ବର୍ତ୍ତମାନ ପର୍ଯ୍ୟନ୍ତ ୧୪ ଲକ୍ଷରୁ ଅଧିକ ଭ୍ୟୁ ପାଇଛି ।]
View this post on Instagram
