ତିରୁପତି ବାଲାଜୀ ମନ୍ଦିରର ଟୋକନ୍ ସିଷ୍ଟମ କିପରି? ଜାଣନ୍ତୁ ଦିବ୍ୟାଙ୍ଗଙ୍କ ପାଇଁ କ’ଣ ରହିଛି ଦର୍ଶନ ବ୍ୟବସ୍ଥା
ନୂଆଦିଲ୍ଲୀ: ଆନ୍ଧ୍ର ପ୍ରଦେଶ ସ୍ଥିତ ତିରୁପତି ମନ୍ଦିରରେ ଶୃଙ୍ଖଳିତ ଦର୍ଶନ ପାଇଁ ତିରୁମାଲା ତିରୁପତି ଦେବସ୍ଥାନମ୍(TTD) ଟୋକନ ବ୍ୟବସ୍ଥା ଲାଗୁ କରିଛି ।
ଆସନ୍ତା ଜାନୁଆରୀ ୧୦ରୁ ୧୯ ତାରିଖ ପର୍ଯ୍ୟନ୍ତ ବୈକୁଣ୍ଠ ଏକାଦଶୀ ଏବଂ ବୈକୁଣ୍ଠ ଦ୍ୱାର ଦର୍ଶନମ୍ ଆୟୋଜିତ ହେବ ।
ନିକଟରେ ମନ୍ଦିରରେ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଅସମ୍ଭାଳ ଭିଡ଼ ଏବଂ ଦଳାଚକଟା ଘଟଣାକୁ ନେଇ ଟୋକନ୍ ବ୍ୟବସ୍ଥା ପାଇଁ ନିଷ୍ପତ୍ତି ନିଆଯାଇଛି ।
ଟୋକନ୍ ସିଷ୍ଟମ୍ କାହିଁକି ପ୍ରଚଳନ କରାଯାଇଥିଲା?
ତିରୁମାଲା ମନ୍ଦିରରେ ତୀର୍ଥଯାତ୍ରୀ ଓ ଙ୍କ ଦୀର୍ଘ ପ୍ରତୀକ୍ଷାକୁ ସହଜ ଏବଂ ସୁଖଦ କରିବା ପାଇଁ ଟୋକନ୍ ସିଷ୍ଟମ୍ ଆରମ୍ଭ କରାଯାଇଛି। ତିରୁମାଲାରେ ଲମ୍ବା ଧାଡ଼ି ସର୍ବଦା ଏକ ବଡ଼ ସମସ୍ୟା ରହି ଆସିଛି ।
ଏହାର ସମାଧାନ କରିବା ପାଇଁ TTD, ବିଶେଷଜ୍ଞ ଏବଂ ସମୟ ପରିଚାଳନା ପରାମର୍ଶଦାତାଙ୍କ ସହିତ ପରାମର୍ଶ କରିବା ପରେ ଏହି ନୂତନ ଯୋଜନା କାର୍ୟ୍ୟକାରୀ କରିଛି ।
ଏହା ଅଧୀନରେ ଯେକୌଣସି ବ୍ୟକ୍ତି ୫୦ ଟଙ୍କାର ଟୋକନ୍ ନେଇ ଦର୍ଶନ କରିପାରିବେ। ଏହି ଟୋକନ୍ ଅନୁଯାୟୀ ଦର୍ଶନ କରିବାକୁ ଗୋଟିଏ ଦିନରୁ ଅଧିକ ସମୟ ଲାଗିଥାଏ । ପ୍ରବଳ ଭିଡ଼ ହେତୁ ଦର୍ଶନ ପାଇଁ ୨-୩ ଘଣ୍ଟା ସମୟ ମଧ୍ୟ ଲାଗିଥାଏ ।
୩୦୦ ଟଙ୍କାରେ VIP ଟୋକନ୍: ୫୦ ଟଙ୍କାର ଟୋକନ୍ ପରେ, ଆଉ ଏକ ବ୍ୟବସ୍ଥା ଅଛି ଯାହାକୁ VIP ବର୍ଗରେ ରଖାଯାଇଛି । ଏହି ବ୍ୟବସ୍ଥା ଅନ୍ତର୍ଗତ ଜଣଙ୍କ ପିଛା ୩୦୦ ଟଙ୍କାର ଏକ VIP ଟୋକନ୍ କିଣିବାକୁ ପଡ଼ିଥାଏ । ଏହି ବ୍ୟବସ୍ଥାରେ ଶୀଘ୍ର ଦର୍ଶନର ସମ୍ଭାବନା ରହିଛି ।
VIP ଟୋକନ୍ ସିଷ୍ଟମରେ ମଧ୍ୟ ଆଗୁଆ ବୁକିଂ କରାଯାଇପାରିବ । ଯାହା ଦ୍ଵାରା ତୀର୍ଥଯାତ୍ରୀମାନେ କିଛି ଘଣ୍ଟା ମଧ୍ୟରେ ଅସୁବିଧାମୁକ୍ତ ଦର୍ଶନ ପାଇବାର ଆଶା କରିପାରିବେ।
ଟିକେଟ୍ ଅନଲାଇନ୍ ସିଷ୍ଟମ, ପୋଷ୍ଟ ଅଫିସ ଏବଂ APT ଅନଲାଇନ୍ କେନ୍ଦ୍ର ମାଧ୍ୟମରେ ବୁକ୍ କରାଯାଇପାରିବ।
ବୃଦ୍ଧ ଏବଂ ଦିବ୍ୟାଙ୍ଗଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା: ଏହା ବ୍ୟତୀତ ବୃଦ୍ଧ ଏବଂ ଦିବ୍ୟାଙ୍ଗଙ୍କ ପାଇଁ ମଧ୍ୟ ସ୍ୱତନ୍ତ୍ର ଦର୍ଶନ ବ୍ୟବସ୍ଥା କରାଯାଇଛି । ଏହି ସ୍ୱତନ୍ତ୍ର ଦର୍ଶନ ଅନ୍ତର୍ଗତ ୬୫ ବର୍ଷରୁ ଉର୍ଦ୍ଧ୍ୱ ଦିବ୍ୟାଙ୍ଗ ଏବଂ ବୟସ୍କ ତୀର୍ଥଯାତ୍ରୀଙ୍କ ପାଇଁ ମନ୍ଦିର ନିକଟରେ ଏକ ପୃଥକ ପ୍ରବେଶ ଦ୍ୱାର ଦେଇ ଦର୍ଶନ କରିବାର ସୁବିଧା ରହିଛି ।
ଏହି ବର୍ଗରେ ଆସୁଥିବା ତୀର୍ଥଯାତ୍ରୀମାନଙ୍କୁ ପ୍ରତିଦିନ ଦୁଇଟି ଭିନ୍ନ ସ୍ଲଟରେ ପ୍ରବେଶ ଅନୁମତି ଦିଆଯାଇଥାଏ । ଗୋଟିଏ ସକାଳ ୧୦:୦୦ ରେ ଏବଂ ଅନ୍ୟଟି ଅପରାହ୍ନ ୩:୦୦ ରେ ।
ଏଥିପାଇଁ ୧୪୦୦ ଟୋକନ୍ ପ୍ରଦାନ କରାଯାଉଛି । ଶୁକ୍ରବାର ଏବଂ ବୁଧବାର ଦିନ, କେବଳ ଅପରାହ୍ନ ୩:୦୦ ଟା ପାଇଁ ୧୦୦୦ ଟିକେଟ୍ ପ୍ରଦାନ କରାଯାଏ ।