କେମିତି ହୋଇଥିଲା କେକେଙ୍କ ମୃତ୍ୟୁ? କନସର୍ଟରେ ଲଗାତାର ପୋଛୁଥିଲେ ଝାଳ, ଦେଖନ୍ତୁ ଶେଷ Video
ନୂଆଦିଲ୍ଲୀ: ଅତି ସରଳ ଦେଖାଯାଉଥିବା ଜୀବନ କେତେବେଳେ ଯେ କଷ୍ଟଦାୟକ ହୋଇଯିବ, ତାହା କିଏ ବା ଜାଣିଛି । କାଲି ପର୍ଯ୍ୟନ୍ତ ଯେଉଁ କେକେଙ୍କ ଗୀତ ଶୁଣି ଆପଣ ନିଜ ଯାତ୍ରାକୁ ସହଜ କରୁଥିଲେ, ଆଜି ସେ ସବୁଦିନ ପାଇଁ ଚୁପ୍ ହୋଇଯାଇଛନ୍ତି । ମେ’ ୩୧ ରାତି ଗାୟକଙ୍କ ଜୀବନର ଶେଷ ରାତି ବୋଲି ପ୍ରମାଣିତ ହୋଇଛି ଓ ଏହି ଖବରକୁ ଗ୍ରହଣ କରିବା ସମସ୍ତଙ୍କ ପାଇଁ କଷ୍ଟକର ହୋଇଛି । କେକେଙ୍କ ମୃତ୍ୟୁକୁ ନେଇ ସମସ୍ତ ସ୍ତବ୍ଧ ହୋଇଛନ୍ତି । ଏହି କାରଣରୁ ସୋସିଆଲ ମିଡିଆରେ ତାଙ୍କ ସହ ଜଡ଼ିତ ଅନେକ ଫଟୋ ଓ ଭିଡିଓ ସେୟାର କରାଯାଉଛି ।
‘ୟାରୋନ୍’ ଓ ‘ପଲ’ ଭଳି ସୁପରହିଟ୍ ଗୀତରୁ ନିଜ କ୍ୟାରିଅର ଆରମ୍ଭ କରିଥିବା କେକେ ମଙ୍ଗଳବାର ଦିନ କୋଲକାତାର ବିବେକାନନ୍ଦ କଲେଜରେ କନସର୍ଟ ପାଇଁ ପହଞ୍ଚିଥିଲେ । ଇଭେଣ୍ଟ ସମୟରେ କେକେ ନିଜର ଦମଦାର୍ ପ୍ରଦର୍ଶନ ଯୋଗୁଁ ଲୋକଙ୍କୁ ନାଚିବାକୁ ବାଧ୍ୟ କରିଥିଲେ । ପ୍ରଦର୍ଶନ ସମୟରେ କେକେ ମଧ୍ୟ ଫୁଲ୍ ଜୋଶରେ ଥିଲେ । ପରେ ଧିରେ ଧିରେ ତାଙ୍କର ସ୍ୱାସ୍ଥ୍ୟ ବିଗିଡ଼ିବାରେ ଲାଗିଥିଲା ।
Watch: KK was not feeling comfortable during the concert is clearly visible from this video. Fans are complaining against the Nazrul Manch Authority along with the authority of both the college.#KK #KKLive #KKRIP #KKKolkata pic.twitter.com/j5zq3ruI19
— Tirthankar Das (@tirthaMirrorNow) May 31, 2022
ସୋସିଆଲ ମିଡିଆରେ କେକେଙ୍କ ଶେଷ ଇଭେଣ୍ଟର ଅନେକ ଭିଡିଓ ଭାଇରାଲ ହେବାରେ ଲାଗିଛି । ସେଥିରେ କେକେ ଏକ ଟାୱେଲରେ ମୁହଁର ଝାଳ ପୋଛୁଥିବା ନଜର ଆସିଛନ୍ତି । ଭିଡିଓରେ କେକେଙ୍କ ସ୍ୱାସ୍ଥ୍ୟ ଖରାପ ହେଉଥିବା ଦେଖିବାକୁ ମିଳିଛି । କେବେ ସେ ଉପରକୁ ଅନାଉଁଛନ୍ତି ତ, କେତେବେଳେ ବୋତଲରୁ ପାଣି ପିଉଛନ୍ତି । ଠିକ୍ ଅନୁଭବ କରିବା ପାଇଁ ସେ ଷ୍ଟେଜରେ ଏପଟ ସେପଟ ଚାଲୁଛନ୍ତି ।
#EXCLUSIVE
The very moment when playback singer KK was being taken back to hotel after he complained about his health condition. He has been declared brought dead by the doctors of CMRI. #KK #NewsToday #KKsinger #KKDies #kkdeath #SingerKK@ANI @MirrorNow @TimesNow @htTweets pic.twitter.com/zX5A2ZPvTW— Tirthankar Das (@tirthaMirrorNow) May 31, 2022
ଷ୍ଟେଜରେ ପାଣି ପିଇବା ଓ ଚାଲିବା ପରେ ବି କେକେ ଠିକ୍ ଅନୁଭବ ନକରିବାକୁ ତାଙ୍କୁ ହୋଟେଲକୁ ନିଆଯାଇଥିଲା । ଭିଡିଓରେ କେକେଙ୍କୁ କନସର୍ଟରୁ ବାହାରକୁ ଅଣାଯାଉଥିବା ଦେଖିବାକୁ ମିଳିଛି । କେକେଙ୍କ ମୁହଁରେ ଝାଳ ଥିବା ବେଳେ ଚେହେରାରୁ ସ୍ୱାସ୍ଥ୍ୟ ଖରାପ ଥିବା ଜଣାପଡୁଥିଲା । ରିପୋର୍ଟ ଅନୁସାରେ, ଇଭେଣ୍ଟ ପରେ ସେ ତଳେ ପଡିଯାଇଥିଲେ । ଏହା ଫଳରେ ତାଙ୍କ ମୁଣ୍ଡ ଓ ମୁହଁରେ ଆଘାତର ଚିହ୍ନ ରହିଛି । କେକେଙ୍କ ସ୍ୱାସ୍ଥ୍ୟ ବିଗିଡ଼ିବାରୁ ତାଙ୍କୁ କୋଲକାତାର ସିଏମଆରଆଇ ମେଡିକାଲକୁ ନିଆଯାଇଥିଲା । କିନ୍ତୁ ଦୁଃଖର କଥା ହେଉଛି କି, ସେତେବେଳେକୁ ତାଙ୍କ ନିଶ୍ୱାସ ସବୁଦିନ ପାଇଁ ବନ୍ଦ ହୋଇସାରିଥିଲା ।
