ବିବାହ ପୂର୍ବରୁ ଦମ୍ପତ୍ତି ଗୋଟିଏ କଥା ବି ଯଦି ଲୁଚାନ୍ତି, ତେବେ ବିବାହ Cancel, ହାଇକୋର୍ଟଙ୍କ ବଡ଼ ନିଷ୍ପତ୍ତି

ନୂଆଦିଲ୍ଲୀ: ରାଜସ୍ଥାନ ହାଇକୋର୍ଟ ଏକ ଗୁରୁତ୍ୱପୂର୍ଣ୍ଣ ଶୁଣାଣି କରି ସ୍ପଷ୍ଟ କରିଛନ୍ତି ଯେ, ବିବାହ ପୂର୍ବରୁ ଗମ୍ଭୀର ମାନସିକ ରୋଗକୁ ଲୁଚାଇବା ଧୋକାଦେବା ଶ୍ରେଣୀରେ ଆସୁଛି।

କୋର୍ଟ ସିଜୋଫ୍ରେନିୟାରେ ପୀଡ଼ିତ ମହିଳାଙ୍କ ବିବାହକୁ ଶୂନ୍ୟ ଘୋଷଣା କରି କହିଛନ୍ତି ଯେ, ଏହି ରୋଗ କେବଳ ଅସ୍ଥାୟୀ ମାନସିକ ଚିନ୍ତା ନୁହେଁ, ବରଂ ଏଭଳି ଗମ୍ଭୀର ଅବସ୍ଥା, ଯାହା ସାମାନ୍ୟ ବୈବାହିକ ଜୀବନରେ ବାଧା ସୃଷ୍ଟି କରିପାରେ।

କୋର୍ଟ କାହିଁକି ଶୁଣାଇଲେ ଏହି ନିଷ୍ପତ୍ତି:
ଏହି ମାମଲା କୋଟାର ଏକ ଦମ୍ପତିଙ୍କ ସହ ଜଡ଼ିତ। ୨୦୨୩ରେ ହୋଇଥିବା ଏହି ବିବାହର କିଛି ସମୟ ପରେ ସ୍ୱାମୀକୁ ଜଣାପଡ଼ିଥିଲା ଯେ, ସ୍ତ୍ରୀ ମାନସିକ ରୋଗ ‘ସିଜୋଫ୍ରେନିୟା’ର ଚିକିତ୍ସା କରୁଥିଲା।

ଚିକିତ୍ସକଙ୍କ ଅନୁଯାୟୀ, ବିବାହ ପରେ ସ୍ତ୍ରୀଙ୍କ ବ୍ୟାବହାର ଅସାମାନ୍ୟ ଥିଲା ଏବଂ ରୋଗ ବିଷୟରେ ଏକ ପେପରରେ ଲେଖାଯାଇଥିଲା, ଯାହା ପରେ ଖୁଲାସା ହୋଇଥିଲା। ସ୍ୱାମୀ ଅଭିଯୋଗ ଅଣିଥିଲେ ଯେ, ରୋଗ ଲୁଚାଇବା କାରଣରୁ ବୈବାହିକ ସମ୍ବନ୍ଧ ମଧ୍ୟ ସ୍ଥାପନ କରାଯାଇପାରି ନଥିଲା।

ଏହା ବିପକ୍ଷରେ ସ୍ତ୍ରୀ କୋର୍ଟରେ ଦାବି କରିଥିଲା ଯେ, ତାଙ୍କୁ କୌଣସି ଗମ୍ଭୀର ରୋଗ ହୋଇନଥିଲା। ବିବାହର କିଛି ସମୟ ପୂର୍ବରୁ ତାଙ୍କର ମାଆ ଏବଂ ଭଉଣୀଙ୍କ ଦୁର୍ଘଟଣା ଯୋଗୁଁ ସେ ଦୁଃଖିତ ଥିଲେ। ଏଥିସହ ସେ ସ୍ୱାମୀ ଏବଂ ଶାଶୂଘରଙ୍କ ଉପରେ ଯୌତୁକ ନିର୍ଯାତନାର ଅଭିଯୋଗ ମଧ୍ୟ ଲଗାଇଥିଲେ।