Smartphone ବ୍ୟାକ୍ କଭରରେ ଟଙ୍କା କି କିଛି କାର୍ଡ ରଖୁଥିଲେ ସାବଧାନ, ହୋଇଯିବ ବ୍ଲାଷ୍ଟ
ସ୍ମାର୍ଟଫୋନର କଭରରେ ଟଙ୍କା ଏବଂ କିଛି କାର୍ଡ ରଖୁଛନ୍ତି କି, ହୋଇଯାଆନ୍ତୁ ସାବଧାନ, ନଚେତ ଭୋଗିବେ ସମସ୍ୟା
ନୂଆଦିଲ୍ଲୀ: ଆଜିକାଲି ସ୍ମାର୍ଟଫୋନ ଆମ ଜୀବନର ଏକ ଅଙ୍ଗ ପାଲଟିସାରିଲାଣି । ସ୍ମାର୍ଟଫୋନ ବିନା ଆମେ ଗୋଟିଏ ଘଣ୍ଟା ବି କାଟିପାରୁନୁ । ତେବେ ବହୁ ସମୟରେ ଦେଖିବାକୁ ମିଳେ ଯେ, ଲୋକେ ସ୍ମାର୍ଟଫୋନ କଭର ତଳେ ଟଙ୍କା ଏବଂ କାର୍ଡ ରଖିଥାଆନ୍ତି । କିନ୍ତୁ ସେମାନେ ଜାଣିନାହାନ୍ତି ଯେ, ଏଭଳି ରଖିବା ତାଙ୍କ ପାଇଁ ସମସ୍ୟା ସୃଷ୍ଟି କରିବ ବୋଲି ।
ଓଭର ହିଟିଂ ଇସ୍ୟୁ: ଗରମ ଦିନେ ସାଧାରଣତଃ ଇଲେକ୍ଟ୍ରୋନିକ୍ସ ଗାଜେଟ୍ସରେ ଓଭର ହିଟିଂ ଇସ୍ୟୁ ରହିଥାଏ । କିନ୍ତୁ ଏହା ବ୍ଲାଷ୍ଟ ସେତେବେଳେ ହୁଏ, ଯେତେବେଳେ ଆମେ ଏହାର ଯତ୍ନ ନେଇପାରୁନଥାଉ । ଯଦି ଆପଣ ମୋବାଇଲ ପଛପଟ କଭରରେ କିଛି ଜିନିଷ ରଖୁଛନ୍ତି, ତେବେ ଏହାକୁ ତୁରନ୍ତ ପରିବର୍ତ୍ତନ କରନ୍ତୁ ।
ଗୋଟିଏ ଭୁଲରେ ବଡ଼ ଧରଣର କ୍ଷତି: ଫୋନ କଭରରେ ନୋଟ କିମ୍ବା ଏଟିଏମ ରଖିବାରେ ସ୍ମାର୍ଟଫୋନ ହିଟ ଠିକ୍ ଭାବେ ରିଲିଜ ହୋଇପାରିନଥାଏ ଏବଂ ଏଥିରେ ବ୍ଲାଷ୍ଟ ହେବାର ସମ୍ଭାବନା ଅଧିକ ବଢିଯାଇଥାଏ ।
ଯେତେବେଳେ ଆମେ ଫୋନରେ ଗେମ୍ କିମ୍ବା ଅଧିକ କିଛି କାମ କରିଥାଉ, ଏହି ସମୟରେ ଫୋନର ପ୍ରୋସେସର ଅଧିକ ଜୋରରେ କାମ କରିଥାଏ । ଫୋନରୁ ବାହାରୁଥିବା ଉଷ୍ମତା ସିଧାସଳଖ ଫୋନର ବ୍ୟାକ୍ ପ୍ୟାନେଲରେ ପଡିଥାଏ ।
ଯଦି ଆପଣ ଏହି ସମୟରେ ଆପଣଙ୍କ ଫୋନ କଭରରେ କିଛି ଜିନିଷ ରଖୁଛନ୍ତି, ଏହା ବାହାରକୁ ଆସିବାକୁ ଦେଇନଥାଏ ।
ଫୋନର ବ୍ୟାକ କଭରରେ କୌଣସି ଜିନିଷ ରଖନ୍ତୁ ନାହିଁ । ଏହା ଏକ ଏକ୍ସଟ୍ରା ଲେୟାର ସୃଷ୍ଟି କରିଥାଏ । ଯେଉଁ କାରଣରୁ ଫୋନରୁ ଉଷ୍ମତା ବାହାରକୁ ଆସିବା ପରିବର୍ତ୍ତେ ଏହା ଭିତରେ ରହିଥାଏ ।
ଏଥିପାଇଁ ଫୋନ ଠିକ୍ ଭାବେ କାମ ନ ଦେଇ ବନ୍ଦ ହୋଇଯାଇଥାଏ କିମ୍ବା ବେଳେବେଳେ ଏହା ଫୋନ ବ୍ଲାଷ୍ଟ କରିବାରେ ସାହାଯ୍ୟ କରିଥାଏ ।