ଆଜି ଶିଶୁ ବାଟିକାର ହେବ ଶୁଭାରମ୍ଭ, ମୁଖ୍ୟମନ୍ତ୍ରୀ ହେବେ ସାମିଲ

ଭୁବନେଶ୍ବର: ଆଜିଠୁ ଶିଶୁ ବାଟିକାରେ ଆରମ୍ଭ ହେବ ପାଠପଢ଼ା । ବିଦ୍ୟାଳୟରେ ପାଳନ ହେବ ପ୍ରବେଶ ଉତ୍ସବ । 2025-26 ଶିକ୍ଷାବର୍ଷ ପାଇଁ ସ୍କୁଲରେ ନାମଲେଖା ପ୍ରକ୍ରିୟା ଆରମ୍ଭ ହେବ ।

ପାରମ୍ପରିକ ରୀତିନୀତି ଅନୁସାରେ, ସ୍କୁଲରେ ପ୍ରବେଶ କରିବେ ଛାତ୍ରଛାତ୍ରୀ । ଆଜି ଖଡ଼ି ଛୁଆଁ କରି ପିଲାମାନେ ନିଜର ପାଠପଢା ଆରମ୍ଭ କରିବେ । ତେବେ ଏହି କାର୍ଯ୍ୟକ୍ରମରେ ଆଜି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମଧ୍ୟ ସାମିଲ ହେବେ।

ଭୁବନେଶ୍ବର ବଡ଼ଗଡ଼ ସ୍କୁଲରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ସାମିଲ ହେବ । ସେହିପରି ନବରଙ୍ଗପୁରରେ ଆୟୋଜିତ କାର୍ଯ୍ୟକ୍ରମରେ ଗଣଶିକ୍ଷା ମନ୍ତ୍ରୀ ସାମିଲ ହେବାର କାର୍ଯ୍ୟକ୍ରମ ରହିଛି ।

ଆଜି ବିଦ୍ୟାଳୟ ଏବଂ ଗଣଶିକ୍ଷା ବିଭାଗରେ ଲାଗୁ ହେବ ଜାତୀୟ ଶିକ୍ଷା ନୀତି 2020 । ଏହା ଅନୁସାରେ ଶିଶୁ ବାଟିକାରେ ପାଠପଢ଼ା ହେବ । ଯେଉଁସ୍ଥାନରେ ଛାତ୍ରଛାତ୍ରୀମାନେ ସ୍କୁଲ ଆସିବା ପାଇଁ ଇଚ୍ଛା ପ୍ରକାଶ କରୁନଥିବେ ସେଠାରେ ସେମାନଙ୍କୁ ଚିହ୍ନଟ କରାଯାଇ ଛାତ୍ରଛାତ୍ରୀଙ୍କୁ ସ୍କୁଲକୁ ଆସିବାକୁ ଉତ୍ସାହିତ କରାଯିବ । ଫୁଲ ଚନ୍ଦନ ଦେଇ ପିଲାଙ୍କୁ ସ୍କୁଲକୁ ସ୍ବାଗତ କରାଯିବ ।

ଶିକ୍ଷାବର୍ଷ ୨୦୨୫-୨୬ ରୁ, ଓଡ଼ିଶାର ସମସ୍ତ ପ୍ରାଥମିକ ବିଦ୍ୟାଳୟରେ ୫-୬ ବର୍ଷ ବୟସର ଛାତ୍ରଛାତ୍ରୀଙ୍କ ପାଇଁ ଶିଶୁ ବାଟିକା ଖୋଲାଯିବ ।