ଗୋଆରେ ଲାଗୁ ଅଛି ୟୁନିଫର୍ମ ସିଭିଲ କୋଡ୍, ଯେଉଁଠି ହିନ୍ଦୁମାନେ ବହୁବିବାହ ଆଇନରୁ ମୁକ୍ତ
ନୁଆଦିଲ୍ଲୀ: ଦେଶରେ ଏବେ ପୁଣି ଥରେ ୟୁନିଫର୍ମ ସିଭିଲ କୋଡ(ୟୁସିସି) ଲାଗୁ ହେବା ନେଇ ଚର୍ଚ୍ଚା ଆରମ୍ଭ ହୋଇଗଲାଣି । ଉତ୍ତରାଖଣ୍ଡ ସରକାର ୟୁସିସି ଲାଗୁ କରିବା ଲାଗି ଏକ କମିଟି ଗଠନ କରିସାରିଲେଣି । ଅନେକ ବିଜେପି ଶାସିତ ରାଜ୍ୟ ଏହି ୟୁନିଫର୍ମ ସିଭିଲ କୋଡକୁ ସମର୍ଥନ କରୁଛନ୍ତି । ଭାରତରେ ଗୋଆ ପ୍ରଦେଶରେ ଏହି ଆଇନ୍ ସ୍ୱାଧୀନତା ପୁର୍ବରୁ ଲାଗୁ ଅଛି ।
ଗୋଆର ଏହି ଆଇନରେ, ଯାହା ୧୫୦ ବର୍ଷରୁ ଅଧିକ ପୁରୁଣା, ଯାହା ଆଜିର ସାଧାରଣ ନିୟମ ବିରୁଦ୍ଧ ଅଟେ । ଉଦାହରଣ ସ୍ୱରୂପ, ଏହି ୟୁନିଫର୍ମ ସିଭିଲ୍ କୋଡରେ ହିନ୍ଦୁମାନଙ୍କୁ ବହୁବିବାହର ସ୍ୱାଧୀନତା ଦିଆଯାଇଛି କିନ୍ତୁ ମୁସଲମାନମାନଙ୍କୁ ଅନୁମତି ନାହିଁ ।
ୟୁନିଫର୍ମ ସିଭିଲ୍ କୋଡର ଅର୍ଥ ହେଉଛି ଛାଡପତ୍ର, ବିବାହ, ସନ୍ତାନ ଗ୍ରହଣ ଏବଂ ସମ୍ପତ୍ତି ବଣ୍ଟନ ଭଳି ସମସ୍ତ ନାଗରିକଙ୍କ ପାଇଁ ଏକ ସାଧାରଣ ନିୟମ ରହିବା ଉଚିତ୍ । ଏବେ ଏହାକୁ ଅନେକ ବିଜେପି ଶାସିତ ରାଜ୍ୟ ଏକ ଆଇନ୍ କୁ ଲାଗୁ କରିବାକୁ ଆଗ୍ରହ କରୁଛନ୍ତି । ଫେବୃଆରୀରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ଘୋଷଣା କରିଥିଲେ ଯେ ଯଦି ବିଜେପି ରାଜ୍ୟରେ ନିର୍ବାଚନ ଜିତିବ ତେବେ ୟୁନିଫର୍ମ ସିଭିଲ କୋଡ କାର୍ଯ୍ୟକାରୀ ହେବ। ନିର୍ବାଚନରେ ଜିତିବା ପରେ ଉତ୍ତରପ୍ରଦେଶରେ ୟୁନିଫର୍ମ ସିଭିଲ କୋଡ ପ୍ରସ୍ତୁତ କରିବାକୁ ଏକ କମିଟି ଗଠନ କରିବାକୁ ମଧ୍ୟ ଘୋଷଣା କରିଛନ୍ତି। ତେବେ ୟୁନିଫର୍ମ ସିଭିଲ୍ କୋଡ୍ ଗୋଆରେ ୧୮୬୯ ମସିହାରୁ ବଳବତ୍ତର ରହିଛି ଏବଂ ଏହା ଏକ ପର୍ତ୍ତୁଗୀଜ୍ ନିୟମ ।
୧୮୬୯ ମସିହାରେ, ପର୍ତ୍ତୁଗୀଜମାନେ ୟୁନିଫର୍ମ ସିଭିଲ୍ କୋଡ୍ ସୃଷ୍ଟି କରିଥିଲେ ଏବଂ ପରେ ଏହାକୁ ସେମାନଙ୍କ ଉପନିବେଶରେ ମଧ୍ୟ କାର୍ଯ୍ୟକାରୀ କରିଥିଲେ । ଗୋଆରେ ମଧ୍ୟ ଏହି ନିୟମ ୧୮୬୯ ରେ କାର୍ଯ୍ୟକାରୀ କରାଯାଇଥିଲା । ଏହି ନିୟମ ଅନୁଯାୟୀ, ନାଗରିକ ପ୍ରାଧିକରଣରେ ବିବାହ ପଞ୍ଜିକୃତ ହେବା ଆବଶ୍ୟକ । ଏହା ଅଧୀନରେ, ଯଦି ଛାଡପତ୍ର ହୁଏ, ତେବେ ମହିଳା ମଧ୍ୟ ସ୍ୱାମୀଙ୍କ ସମ୍ପତ୍ତିର ଅଧା ପାଇବାକୁ ହକଦାର । ଏହା ବ୍ୟତୀତ, ପିତାମାତାଙ୍କୁ ସେମାନଙ୍କର ସମ୍ପତ୍ତିର ଅତିକମରେ ଅଧା ମାଲିକଙ୍କୁ ନିଜ ପିଲାମାନଙ୍କୁ ଦେବାକୁ ପଡିବ, ଯେଉଁଥିରେ ଝିଅମାନେ ମଧ୍ୟ ଅନ୍ତର୍ଭୁକ୍ତ ହେବେ ।
ତେବେ ଏହି ଆଇନ୍ ହିନ୍ଦୁ ମାନଙ୍କୁ ଏକ ସ୍ୱାଧିନତା ଦେଇଥିଲା ଯାହାକୁ ନେଇ ବିବାଦ ଲାଗି ରହିଛି । ଏହି ୟୁନିଫର୍ମ ସିଭିଲ କୋଡରେ ମୁସଲମାନମାନଙ୍କୁ ବହୁବିବାହୀ ହେବାକୁ ଅନୁମତି ଦିଆଯାଇ ନାହିଁ, କିନ୍ତୁ ହିନ୍ଦୁମାନଙ୍କୁ ବିଶେଷ ପରିସ୍ଥିତିରେ ଛାଡ ଦିଆଯାଇଛି। ଯଦି ଜଣେ ହିନ୍ଦୁଙ୍କ ପତ୍ନୀ ୨୧ ବର୍ଷ ବୟସ ପଯ୍ୟନ୍ତ ଏକ ସନ୍ତାନ ପ୍ରସବ ନକରନ୍ତି କିମ୍ବା ୩୦ ବର୍ଷ ବୟସ ପର୍ଯ୍ୟନ୍ତ ପୁଅକୁ ଜନ୍ମ ନ ଦିଅନ୍ତି, ତେବେ ସେ ପୁନର୍ବାର ବିବାହ କରିପାରିବେ ।