ବନ୍ଦ ହୋଇଯିବ ଆପଣଙ୍କର PAN Card: ଇନକମ୍ ଟ୍ୟାକ୍ସ ବିଭାଗ ପକ୍ଷରୁ ଜାରି ହେଲା ଚେତାବନୀ
ନୂଆଦିଲ୍ଲୀ: ବର୍ତ୍ତମାନ ସମୟରେ ଆର୍ଥିକ କାରବାର ପାଇଁ ପ୍ୟାନ କାର୍ଡ ବହୁତ ଜରୁରୀ । ପାନ କାର୍ଡ ନଥିଲେ ଅନେକ ସମୟରେ ବହୁ ଅସୁବିଧାର ସମ୍ମୁଖୀନ ହେବାକୁ ପଡ଼ିଥାଏ । ପାନ୍ ନମ୍ବର ମାଧ୍ୟମରେ ଇନକମ୍ ଟ୍ୟାକ୍ସ ବିଭାଗ ନିକଟରେ ସମସ୍ତ ଡାଟା ଉପଲବ୍ଧ ହୋଇଥାଏ । ତେବେ ପ୍ୟାନ-ଆଧାର ଲିଙ୍କ କରିବା ପାଇଁ ଆୟକର ବିଭାଗ ପକ୍ଷରୁ କାର୍ଡଧାରୀଙ୍କୁ ଆଲର୍ଟ କରାଯାଉଛି ।
ତେବେ ଯଦି ଆପଣମାନେ ପାନ କାର୍ଡକୁ ନେଇ ଭବିଷ୍ୟରେ କୌଣସି ଅସୁବିଧାର ସମ୍ମୁଖୀନ ନ ହେବାକୁ ଚାହାନ୍ତି ତେବେ ଆୟକର ବିଭାଗର ନିୟମ ମାନିବା ନିହାତି ଜରୁରୀ । ନିୟମ ନ ମାନିଲେ ଆପଣ ପାନ କାର୍ଡ ଡିଆକ୍ଟିଭେଟ୍ ହୋଇପାରେ । ବିଭାଗ ପକ୍ଷରୁ ଟ୍ୱିଟ୍ କରି ଏ ବାବଦରେ କାର୍ଡଧାରୀଙ୍କୁ ଆଲର୍ଟ କରାଯାଇଛି । ଆସନ୍ତା ମାର୍ଚ୍ଚ ମାସ ୩୧ ତାରିଖ ସୁଦ୍ଧା ପାନ-ଆଧାର ଲିଙ୍କ କରିବାକୁ ଟ୍ୱିଟ୍ କରି ଅନୁରୋଧ କରାଯାଇଛି । ଯେଉଁମାନେ ଏହା ନ କରିବେ ସେମାନଙ୍କର କାର୍ଡ ଆସନ୍ତା ଏପ୍ରିଲ ମାସ ପହିଲାରୁ ବନ୍ଦ କରିଦିଆଯିବ ବୋଲି କୁହାଯାଇଛି ।
ଗତ ୧୭ ତାରିଖରେ ଇନକମ୍ ଟ୍ୟାକ୍ସ ବିଭାଗର ଅଫିସିଆଲ ଟ୍ୱିଟର ହ୍ୟାଣ୍ଡେଲରେ ସମସ୍ତ କାର୍ଡଧାରୀଙ୍କୁ ଏ ବାବଦରେ ସୂଚନା ଦିଆଯାଇଛି । ଆୟକର ଅଧିନିୟମ ୧୯୬୧ ଅନୁସାରେ, ପାନ କାର୍ଡ ଧାରୀ (ଯେଉଁମାନେ ରିହାତି ଶ୍ରେଣୀରେ ନାହାନ୍ତି) ଆସନ୍ତା ମାର୍ଚ୍ଚ ୩୧ ସୁଦ୍ଧା ପାନ-ଆଧାର ସଂଯୋଗ କରାଇ ନିଅନ୍ତୁ । ଯେଉଁମାନେ ଲିଙ୍କ କରାଇ ନଥିବେ ସେମାନଙ୍କର କାର୍ଡକୁ ନିଷ୍କ୍ରିୟ କରି ଦିଆଯିବ ବୋଲି କୁହାଯାଇଛି ।
As per Income-tax Act, 1961, it is mandatory for all PAN holders, who do not fall under the exempt category, to link their PAN with Aadhaar before 31.3.2023.
From 1.04.2023, the unlinked PAN shall become inoperative.Urgent Notice. Don’t delay, link it today! pic.twitter.com/h7T6AAeDnc
— Income Tax India (@IncomeTaxIndia) January 17, 2023
