କାନପୁର ଟେଷ୍ଟ ମ୍ୟାଚକୁ ନିଜ ନାମରେ କଲା ଭାରତୀୟ ଟିମ, ୭ ୱିକେଟରେ ହାରିଲା ବାଂଲାଦେଶ

ନୂଆଦିଲ୍ଲୀ: ଭାରତୀୟ ଟିମ ବାଂଲାଦେଶକୁ କାନପୁର ଟେଷ୍ଟ ମ୍ୟାଚରେ ୭ ୱିକେଟରେ ହରାଇବା ସହ ଟେଷ୍ଟ ସିରିଜକୁ ୨-୦ରେ ନିଜ ନାମରେ କରିଛି। କାନପୁରର ଗ୍ରୀନ ପାର୍କ ଷ୍ଟାଡିୟମରେ ଖେଳାଯାଇଥିବା ସିରିଜର ଦ୍ୱିତୀୟ ଟେଷ୍ଟ ମ୍ୟାଚର ୫ମ ଦିନ ମ୍ୟାଚରେ ଟିମ ଇଣ୍ଡିଆ ବାଂଲାଦେଶ ଟିମର ଦ୍ୱିତୀୟ ଇଂନିସକୁ ୧୪୬ ରନରେ ସ୍କୋରରେ ରୋକିଥିଲା, ଏଥିପାଇଁ ଭାରତକୁ ମାତ୍ର ୯୫ ରନର ଟାର୍ଗେଟ ମିଳିଥିଲା। ଟିମ ଇଣ୍ଡିଆ ଏହି ଲକ୍ଷ୍ୟକୁ ମାତ୍ର ୨ଟି ୱିକେଟ ହରାଇ ହାସଲ କରିଥିଲା। ଭାରତୀୟ ଟିମ ପାଇଁ ଏହି ମ୍ୟାଚରେ ଜସପ୍ରୀତ ବୁମରାହ, ରବିଚନ୍ଦ୍ରନ ଅଶ୍ୱିନ ଏବଂ ରବୀନ୍ଦ୍ର ଜାଡେଜାଙ୍କ ପକ୍ଷରୁ ଆକର୍ଷଣୀୟ ବୋଲିଂ କରୁଥିବା ଦେଖିବାକୁ ମିଳିଥିଲା। ଟାର୍ଗେଟକୁ ପିଛା କରି ଯଶସ୍ୱୀ ଜୈସୱାଲଙ୍କ ବୋଲିଂରେ ୫୧ ରନର ଇଂନିସ ଦେଖିବାକୁ ମିଳିଥିଲା।

ଏହି ମ୍ୟାଚର ପ୍ରଥମ ଦିନ ମାତ୍ର ୩୫ ଓଭରର ଖେଳ ହୋଇପାରିଥିଲା। ଏହାପରେ ଆଗାମୀ ଦୁଇଦିନ ପର୍ଯ୍ୟନ୍ତ ବର୍ଷା ଯୋଗୁଁ ଗୋଟିଏ ବି ବଲ ପକାଯାଇପାରିନଥିଲା। ଏହାପରେ ମ୍ୟାଚର ଚତୁର୍ଥ ଦିନ ଭାରତ ବାଂଲାଦେଶକୁ ୨୩୩ ରନରେ ଅଟକାଇଦେଇଥିଲା।

ଏହାପରେ ଟିମ ଇଣ୍ଡିଆ ଆକର୍ଷଣୀୟ ବ୍ୟାଟିଂ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା। ଭାରତ ୩୪.୪ ଓଭରରେ ୯ ୱିକେଟ ହରାଇ ୨୮୫ ରନରେ ଇଂନିସକୁ ଘୋଷଣା କରିଥିଲା। ଏହାପରେ ବାଂଲାଦେଶକୁ ଦ୍ୱିତୀୟ ଇଂନିସରେ ସେ ୧୪୬ ରନରେ ରୋକିଥିଲା। ଏହି ଅନୁସାରେ ଭାରତକୁ ମାତ୍ର ୯୫ ରନର ଟାର୍ଗେଟ ମିଳିଥିଲା, ଯେଉଁଥିରେ ଜୈସୱାଲଙ୍କ ୫୦ ଦମରେ ଖୁବ ସହଜରେ ନିଜ ନାମରେ କରିଛି। ଜୈସୱାଲ ୫୧ ରନ କରି ଆଉଟ ହୋଇଯାଇଥିଲେ।