ସମ୍ପର୍କ ବଜାୟ ରଖିବାରେ ଟପରେ ରହିଛି ଭାରତ, ଏହି ଦେଶରେ ହୋଇଛି ଅଧିକ ଛାଡ଼ପତ୍ର: ଦେଖନ୍ତୁ ସମ୍ପୂର୍ଣ୍ଣ ଲିଷ୍ଟ
ନୂଆଦିଲ୍ଲୀ: ପାରିବାରିକ ବ୍ୟବସ୍ଥା ଏବଂ ମୂଲ୍ୟବୋଧକୁ ବଜାୟ ରଖୁଥିବା ଦେଶମାନଙ୍କ ମଧ୍ୟରେ ସମ୍ପର୍କ ବଞ୍ଚାଇବାରେ ଭାରତ ବିଶ୍ୱରେ ଟପରେ ରହିଛି । ଭାରତରେ ଛାଡପତ୍ର ମାମଲା ମାତ୍ର ୧ ପ୍ରତିଶତ ଥିବାବେଳେ ଅନେକ ଦେଶ ଅଛି ଯେଉଁଠାରେ ୯୪ ପ୍ରତିଶତ ସମ୍ପର୍କ ଭାଙ୍ଗିଯାଉଛି ।
ଡାଟା ଅନୁଯାୟୀ, ଏସୀୟ ଦେଶମାନଙ୍କରେ ସମ୍ପର୍କ କମ୍ ଭାଙ୍ଗିଥିବାବେଳେ ୟୁରୋପ ଏବଂ ଆମେରିକାର ପରିବାର ଅଧିକ ବିଚ୍ଛିନ୍ନ ହେଉଛି । ରିପୋର୍ଟ ଅନୁଯାୟୀ, ଭାରତ ପରେ ଭିଏତନାମର ନମ୍ବର ରହିଛି, ଯେଉଁଠାରେ କେବଳ ୭ ପ୍ରତିଶତ ସମ୍ପର୍କ ଛାଡପତ୍ରରେ ଶେଷ ହୁଏ । ଏହା ବ୍ୟତୀତ ତାଜିକିସ୍ତାନରେ ୧୦ ପ୍ରତିଶତ, ଇରାନରେ ୧୪ ଏବଂ ମେକ୍ସିକୋରେ ୧୭ ପ୍ରତିଶତ ସମ୍ପର୍କରେ ଛାଡପତ୍ର ହୋଇଛି ।
ଛାଡପତ୍ର ସଂଖ୍ୟା କମ୍ ଥିବା ୧୦ ଟି ଦେଶ ମଧ୍ୟରେ ଇଜିପ୍ଟ, ଦକ୍ଷିଣ ଆଫ୍ରିକା, ବ୍ରାଜିଲ, ତୁର୍କୀ ଏବଂ କଲମ୍ବିଆ ମଧ୍ୟ ରହିଛି । ପଡୋଶୀ ଦେଶ ପାକିସ୍ତାନ ଏହି ରିପୋର୍ଟରେ ଅନ୍ତର୍ଭୂକ୍ତ କରାଯାଇ ନ ଥିବାବେଳେ ଜାପାନର ୩୫% ସମ୍ପର୍କରେ ଛାଡପତ୍ର କୁହାଯାଇଛି । ଏହା ବ୍ୟତୀତ ଜର୍ମାନୀରେ ୩୮ ପ୍ରତିଶତ ସମ୍ପର୍କ ଭାଙ୍ଗିଛି ଏବଂ ବ୍ରିଟେନର ସଂଖ୍ୟା ହେଉଛି ୪୧ ପ୍ରତିଶତ । ଅନ୍ୟପକ୍ଷରେ ଚୀନରେ ବିବାହର ୪୪ ପ୍ରତିଶତ ଛାଡପତ୍ରରେ ଶେଷ ହୁଏ । ଯୁକ୍ତରାଷ୍ଟ୍ର ଆମେରିକାରେ ଏହି ସଂଖ୍ୟା ୪୫ ପ୍ରତିଶତ ହୋଇଥିବାବେଳେ ଡେନମାର୍କ, ଦକ୍ଷିଣ କୋରିଆ ଏବଂ ଇଟାଲୀରେ ୪୬ ପ୍ରତିଶତ ସମ୍ପର୍କ ଚାଲୁନାହିଁ ।
ସମ୍ପର୍କ ବଜାୟ ରଖିବାରେ ସବୁଠାରୁ ଖରାପ ଦେଶ ହେଉଛି ୟୁରୋପ । ପର୍ତ୍ତୁଗାଲରେ ଛାଡପତ୍ର ମାମଲାର ୯୪ ପ୍ରତିଶତ ରିପୋର୍ଟ ହୋଇଛି । ଏହା ବ୍ୟତୀତ ସ୍ପେନ୍ ଶେଷର ଦ୍ୱିତୀୟ ସ୍ଥାନରେ ଅଛି, ଯେଉଁଠାରେ ୮୫ ପ୍ରତିଶତ ସମ୍ପର୍କ ଚାଲୁନାହିଁ । ଏହା ବ୍ୟତୀତ, ଲକ୍ସେମବର୍ଗର ୭୯ ପ୍ରତିଶତ ବିବାହ ଆଜୀବନ ରହେ ନାହିଁ । କେବଳ ଏତିକି ନୁହେଁ, ରୁଷରେ ୭୩ ପ୍ରତିଶତ ସଂଖ୍ୟା ଛାଡ଼ପତ୍ର ହୋଇଛି ଏବଂ ପଡୋଶୀ ଦେଶ ୟୁକ୍ରେନରେ ୭୦ ପ୍ରତିଶତ ବିବାହ ଭାଙ୍ଗିଯାଏ ।
Divorce rate:
🇮🇳India: 1%
🇻🇳Vietnam: 7%
🇹🇯Tajikistan: 10%
🇮🇷Iran: 14%
🇲🇽Mexico: 17%
🇪🇬Egypt: 17%
🇿🇦South Africa: 17%
🇧🇷Brazil: 21%
🇹🇷Turkey: 25%
🇨🇴Colombia: 30%
🇵🇱Poland: 33%
🇯🇵Japan: 35%
🇩🇪Germany: 38%
🇬🇧United Kingdom: 41%
🇳🇿New Zealand: 41%
🇦🇺Australia: 43%
🇨🇳China: 44%…— World of Statistics (@stats_feed) May 1, 2023
ସମାଜବିଜ୍ଞାନୀଙ୍କ ଅନୁଯାୟୀ, ଭାରତରେ ଦୀର୍ଘ ସମ୍ପର୍କର କାରଣ ହେଉଛି ସାଂସ୍କୃତିକ ଦିଗ, ଯେଉଁଥିରେ ପାରିବାରିକ ବ୍ୟବସ୍ଥାକୁ ବଜାୟ ରଖିବା ଉପରେ ଗୁରୁତ୍ୱ ଦିଆଯାଉଛି । ଏହା ବ୍ୟତୀତ, ବହୁ ସଂଖ୍ୟକ ଛାଡପତ୍ର ମାମଲା ଆଇନଗତ ପ୍ରକ୍ରିୟା ଦେଇ ଗତି କରେ ନାହିଁ ଏବଂ ସ୍ୱାମୀ-ସ୍ତ୍ରୀ ନିଜେ ଅଲଗା ରହିବା ଆରମ୍ଭ କରନ୍ତି । ଏହି କାରଣରୁ, ଅନେକ ଥର ଏହି ସଂଖ୍ୟା ପ୍ରକାଶ କରାଯାଇନଥାଏ । ତେବେ ଏହା ପରେ ମଧ୍ୟ ଅନ୍ୟ ଦେଶ ତୁଳନାରେ ଭାରତରେ ଛାଡପତ୍ର ମାମଲା ବହୁତ କମ୍ ରହିଛି ।
