ଭାରତ ପ୍ରଥମ ଥର ପାଇଁ ଜିତିଲା ୧୦୭ପଦକ , ଆଜି ଏହାର ଉଦ୍ଯାପନ ସମାରୋହ, ଜଣାନ୍ତୁ କ’ଣ ରହିଛି ବିଶେଷ …
ନୂଆଦିଲ୍ଲୀ : ଦୁଇ ସପ୍ତାହର ସାନନ୍ଦର ଆୟୋଜନ ପରେ, ଏସିଆନ୍ ଗେମ୍ସ ୨୦୨୩ରବିବାର ଦିନ ହାଙ୍ଗଜୋ ଅଲିମ୍ପିକ୍ କ୍ରୀଡା କେନ୍ଦ୍ର ଷ୍ଟାଡିୟମରେ ଉଦ୍ଯାପନ ସମାରୋହ ସହିତ ଶେଷ ହେବ । ଏସିଆନ୍ ଗେମ୍ସର ଉଜାପନ ସମାରୋହ ଭାରତୀୟ ସମୟ ଅନୁସାରେ ଅପରାହ୍ନ ୫.୩୦ ରେ ଆରମ୍ଭ ହେବ । ଏହି ଇଭେଣ୍ଟର ଲାଇଭ୍ ଷ୍ଟ୍ରିମିଂ ଏବଂ ଟେଲିକାଷ୍ଟ ମଧ୍ୟ ଭାରତରେ ଉପଲବ୍ଧ ହେବ । ‘ହାର୍ଟଟୁ ହାର୍ଟ’ ସ୍ଲୋଗାନ ସହିତ, ସମାପ୍ତି ସମାରୋହରେ ପରସ୍ପର ପ୍ରତି ସୌହାର୍ଦ୍ଦ୍ୟ ଏବଂ ସମ୍ମାନର ଭାବନା ଉପରେ ଧ୍ୟାନ ଦିଆଯିବ । ଏହି ସମାରୋହରେ ସମସ୍ତଙ୍କ ଦୃଷ୍ଟି ଏଥଲିଟ ଏବଂ ୱାଲେଣ୍ଟିୟରମାନଙ୍କ ଉପରେ ରହିବ ।
ଏସିଆନ୍ ଗେମ୍ସ ୨୦୨୩ ର ସମାପ୍ତି ସମାରୋହ ଏକ ଘଣ୍ଟାରୁ ଅଧିକ ସମୟ ଧରି ଚାଲିବ । ଏଥିରେ ଚୀନର ବିକାଶ ଟେକ୍ନୋଲୋଜି ତଥା ସଂସ୍କୃତି ମାଧ୍ୟମରେ ପ୍ରଦର୍ଶିତ ହେବ । ଉଜାପନ ସମାରୋହରେ, ହାଙ୍ଗଜୋ ଅଲିମ୍ପିକ କ୍ରୀଡା କେନ୍ଦ୍ରର ଷ୍ଟାଡିୟମ ଫ୍ଲୋରରେ ହଜାରେରୁ ଅଧିକ ଉଜ୍ଜ୍ୱଳ ବିନ୍ଦୁ ସହିତ ଏକ ପରଦାରେ ପରିଣତ ହେବ ଯାହା କି ଖେଳର ସ୍ମରଣୀୟ ମୂହୁର୍ତ୍ତଗୁଡିକ ଦେଖାଇବ । ଏହା ବ୍ୟତୀତ ଉଦଘାଟନୀ ସମାରୋହରେ ଏକ ଡିଜିଟାଲ ଟର୍ଚ୍ଚ ଧାରକ ସହିତ ସମାପ୍ତ ହେବ । ଏହି ସମାରୋହରେ ୨ ହଜାରରୁ ଅଧିକ କଳାକାର ପ୍ରଦର୍ଶନ କରିବେ |
ହାଙ୍ଗଜୋ ଏସିଆନ୍ ଗେମ୍ସ ଭାରତ ପାଇଁ ସ୍ମରଣୀୟ ହୋଇ ରହିଛି । ପ୍ରଥମ ଥର ପାଇଁ ଏହି ଖେଳରେ ୧୦୦ରୁ ଅଧିକ ପଦକ ଜିତି ଭାରତ ଇତିହାସ ସୃଷ୍ଟି କରିଛି । ୧୦୭ଟି ପଦକ ସହିତ ଭାରତ ଏସିଆନ ଗେମ୍ସର ଅଭିଯାନ ଶେଷ କରିଛି । ୨୦୨୩ ଏସୀୟ ଗେମ୍ସରେ ଭାରତ ମୋଟ ୧୦୭ଟି ପଦକ ଜିତିଥିଲା, ସେଥିମଧ୍ୟରେ ୨୮ ଟି ସ୍ୱର୍ଣ୍ଣ, ୩୮ ଟି ରୌପ୍ୟ ଏବଂ ୪୧ ଟି ବ୍ରୋଞ୍ଜ ପଦକ ରହିଛି । ଏହାପୂର୍ବରୁ, ଏସୀୟ ଗେମ୍ସରେ ଭାରତର ସର୍ବୋତ୍ତମ ରେକର୍ଡ ଜାକର୍ତ୍ତା ୨୦୧୮ ରେ ୭୦ ପଦକ ଥିଲା ।
