ବିଦ୍ୟାଙ୍କ ନାଁରେ ସେନାର ଫାୟାରିଙ୍ଗ ରେଞ୍ଜ; ଏମିତି ଆସିଲା ପ୍ରତିକ୍ରିୟା
ନୂଆଦିଲ୍ଲୀ: ବଲିଉଡ ତଥା ଜାତୀୟ ପୁରସ୍କାର ପ୍ରାପ୍ତ ଅଭିନେତ୍ରୀ ବିଦ୍ୟା ବାଲାନଙ୍କ ନାଁରେ ଏକ ଫାୟାରିଂ ରେଞ୍ଜକୁ ନାମିତ କରିଥିଲା ଭାରତୀୟ ସେନା । ଜମ୍ମୁ କଶ୍ମୀରର ବାରାମୁଲ୍ଲା ଜିଲ୍ଲାର ଗୁଲମାର୍ଗରେ ରହିଥିବା ଶୁଟିଂ ରେଞ୍ଜକୁ ବିଦ୍ୟାଙ୍କ ନାମରେ ନାମିତ କରାଯାଇଛି । ଏହାକୁ ନେଇ ସୋସିଆଲ ମିଡିଆରେ ମିଶ୍ରିତ ପ୍ରତିକ୍ରିୟା ଦେଖିବାକୁ ମିଳିଛି । ଫିଲ୍ମଫେୟାର ଭଳି ସଂସ୍ଥା ଏହାକୁ ସମର୍ଥନ କରିଥିବା ବେଳେ ଏକାଧିକ ବ୍ୟବହାର କାରୀ ସେନାର ଏଭଳି ପଦକ୍ଷେପକୁ ନିନ୍ଦା କରିଛନ୍ତି ।
Kudos!
The Indian Army has named a firing range after @vidya_balan in Gulmarg, Kashmir. pic.twitter.com/XxtTZa9978— Filmfare (@filmfare) July 5, 2021
ବିଦ୍ୟା ବାଲାନଙ୍କ ନାମରେ ଫାୟାରିଂ ରେଞ୍ଜ ନାମିତ କରିଥିବାରୁ ଭାରତୀୟ ସେନାକୁ ଧନ୍ୟବାଦ ବୋଲି ଫିଲ୍ମଫେୟାର ଲେଖିଛି । ତେବେ ଏକାଧିକ ବ୍ୟବହାରକାରୀ ଏହାକୁ କଡା ନିନ୍ଦା କରିଛନ୍ତି । ଭାରତୀୟ ସିନେମାକୁ ସମ୍ମାନ ଉଦ୍ଦେଶ୍ୟରେ ଏଭଳି କରାଯାଇଥିବା ସେନା ପକ୍ଷରୁ କୁହାଯାଇଛି । ନିକଟରେ ଭାରତୀୟ ସେନା ପକ୍ଷରୁ ଆୟେଜିତ ଗୁଲମାର୍ଗ ଶୀତକାଳୀନ ମହୋତ୍ସବରେ ବିଦ୍ୟା ନିଜ ସ୍ୱାମୀ ସିଦ୍ଧାର୍ଥ ରୟ କପୁରଙ୍କ ସହିତ ଅଂଶଗ୍ରହଣ କରିଥିଲେ । ତେବେ ଏହା ସତ୍ତେ୍ୱ ବି ଏକାଧିକ ବ୍ୟବହାରକାରୀ ଏହାକୁ ନିନ୍ଦା କରିଛନ୍ତି ।
VIDYA BALAN FIELD FIRING RANGES. Next? Sunny Leone… https://t.co/QkYVHT5xeF
— Col Sanjay Pande (@ColSanjayPande) July 6, 2021
ସେନା ପ୍ରତି କୌଣସି ଅବଦାନ ନଥିବା ସତ୍ତେ୍ୱ ବିଦ୍ୟାଙ୍କୁ ଏଭଳି ସମ୍ମାନ ଦେବାର କୌଣସି ଅର୍ଥ ନାହିଁ, ଏହା ବଦଳରେ କ୍ୟାପଟେନ ବିକ୍ରମ ବାତ୍ରା ଅଥବା ଅନ୍ୟ ଶହୀଦଙ୍କ ନାମରେ ଏହି ଫାୟାରିଂ ରେଞ୍ଜକୁ ନାମିତ କରାଯାଇ ପାରିଥାନ୍ତା । ଏପରି ଚାଲିଲେ ଭବିଷ୍ୟତରେ ସନ୍ନି ଲିଓନିଙ୍କ ନାମରେ ମଧ୍ୟ ଫାୟାରିଂ ରେଞ୍ଜ ଦେଖିବାକୁ ମିଳିବ ବୋଲି ଜଣେ ବ୍ୟବହାରକାରୀ ମତ ଦେଇଛନ୍ତି । ଏହାକୁ ଟ୍ରୋଲ କରି ଆଉ ଜଣେ ଲେଖିଛନ୍ତି ଏବେ ରାଫେଲର ନାମ ପରିବର୍ତ୍ତନ କରାଯାଇ ରାଣୀ ବାୟୁମତି ରଖାଯାଉ । ତେବେ ସେନାର ଜନୈକ ଅଧିକାରୀ ମେଜର ମାନିକ ଏମ ଜଲି ଏହି ଖବରକୁ ଖଣ୍ଡନ କରିଛନ୍ତି । ବିଦ୍ୟାଙ୍କ ନାମରେ କୌଣସି ଫାୟାରିଂ ରେଞ୍ଜ ନାମିତ କରାଯାଇନାହିଁ । ବିଦ୍ୟାଙ୍କ ସ୍ୱାଗତ ପାଇଁ ରଖାଯାଇଥିବା ଫଳକକୁ ମିଥ୍ୟା ଖବର ପ୍ରଚାରରେ ବ୍ୟବହାର କରାଯାଉଥିବା ନେଇ ମାନିକ କହିଛନ୍ତି ।