ରାହୁଲ ଗାନ୍ଧୀରଙ୍କ ପୋଷ୍ଟ ଉପରେ ସ୍ପଷ୍ଟୀକରଣ ଦେଲା ଭାରତୀୟ ସେନା, କହିଲା ଅଗ୍ନିବୀର ଅଜୟଙ୍କ ପରିବାରଙ୍କୁ ମିଳିଛି ୯୮.୩୯ ଲକ୍ଷ କ୍ଷତିପୂରଣ

ନୂଆଦିଲ୍ଲୀ: ବୁଧବାର ଭାରତୀୟ ସେନା ସୋସିଆଲ ମିଡିଆ ପୋଷ୍ଟରେ କରାଯାଇଥିବା ଏକ ଦାବିକୁ ପ୍ରତ୍ୟାଖାନ କରିଛି । ଏଥିରେ ଉଲ୍ଲେଖ ଥିଲା ଯେ ଡ୍ୟୁଟି ସମୟରେ ପ୍ରାଣ ହରାଇଥିବା ଅଗ୍ନିବୀର ଅଜୟ କୁମାରଙ୍କ ସମ୍ପର୍କୀୟଙ୍କୁ କ୍ଷତିପୁରଣ ପ୍ରଦାନ କରାଯାଇ ନାହିଁ । ଅଜୟ କୁମାରଙ୍କ ପରିବାରଙ୍କୁ ଧାର୍ଯ୍ୟ କ୍ଷତିପୂରଣ ରାଶିରୁ ମାତ୍ର ୯୮.୩୯ ଲକ୍ଷ ଟଙ୍କା ପ୍ରଦାନ କରାଯାଇଥିବା କୁହାଯାଇଛି ।

ଲୋକସଭା ବିପକ୍ଷ ନେତା ରାହୁଲ ଗାନ୍ଧୀ ବୁଧବାର ସଂସଦରେ ଅଭିଯୋଗ କରିଥିଲେ କି ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ସହୀଦ ଅଗ୍ନିବୀରଙ୍କ ପରିବାରକୁ କ୍ଷତିପୂରଣ ପ୍ରଦାନ ପ୍ରସଙ୍ଗ ମାମଲାରେ ‘ମିଛି’ କହିଛନ୍ତି । ଏଥିପାଇଁ ତାଙ୍କୁ କ୍ଷମାପ୍ରାର୍ଥନା କରିବାକୁ ପଡ଼ିବ । ତେବେ ଏନେଇ ଭାରତୀୟ ସେନା ADG PIଙ୍କ ଏକ ବୟାନ ସାମ୍ନାକୁ ଆସିଛି । ଏଥିରେ ଉଲ୍ଲେଖ ରହିଛି, ‘ଭାରତୀୟ ସେନା ଅଗ୍ନିବୀର ଅଜୟ କୁମାରଙ୍କ ସବୋର୍ଚ୍ଚ ବଳିଦାନକୁ ସଲାମ କରୁଛି । ତାଙ୍କୁ ପୁର୍ଣ୍ଣ ସୈନ୍ୟ ସମ୍ମାନ ସହ ଶେଷ ବିଦାୟ ଦିଆଯାଇଥିଲା । ଏହା ସହ ତାଙ୍କ ସମ୍ପର୍କୀୟଙ୍କୁ ପୂର୍ବରୁ କ୍ଷତିପୂରଣ ବାବଦକୁ ୯୮.୩୯ ଲକ୍ଷ ଟଙ୍କା ପ୍ରଦାନ କରାଯାଇଛି । ଅଗ୍ନିବୀର ଯୋଜନାର ପ୍ରାବଧାନ ଅନୁଯାୟୀ ପ୍ରାୟ ୬୭ ଲକ୍ଷ ଟଙ୍କାର ଆର୍ଥିକ ସହାୟତା ଏବଂ ଅନ୍ୟାନ୍ୟ ଲାଭ ପୋଲିସ ଭେରିଫିକେସନ୍ ପରେ ପ୍ରଦାନ କରାଯିବ । କ୍ଷତିପୂରଣର ମୋଟ୍ ରାଶି ହେଉଛି ୧.୬୫ କୋଟି ଟଙ୍କା ।’

*CLARIFICATION ON EMOLUMENTS TO AGNIVEER AJAY KUMAR*

Certain posts on Social Media have brought out that compensation hasn't been paid to the Next of Kin of Agniveer Ajay Kumar who lost his life in the line of duty.

It is emphasised that the Indian Army salutes the supreme… pic.twitter.com/yMl9QhIbGM

— ADG PI – INDIAN ARMY (@adgpi) July 3, 2024

ତେବେ ବୟାନରେ ଏହି କଥା ଉପରେ ଜୋର ଦିଆଯାଇଛି କି ସହୀଦ ହୋଇଥିବା ଅନ୍ୟ ସୈନିକଙ୍କ ପରିବାରଙ୍କ ସହ ଅଗ୍ନିବୀରଙ୍କ ପରିବାରଙ୍କୁ ମଧ୍ୟ ଶୀଘ୍ର ଆର୍ଥିକ ସହାୟତା ପ୍ରଦାନ କରାଯିିବ । ଅପରପକ୍ଷରେ ରାହୁଲ ଗାନ୍ଧୀ ‘ଏକ୍ସ’ରେ ଏକ ଭିଡ଼ିଓ ପୋଷ୍ଟ କରି ଲେଖିଛନ୍ତି, ‘ସତ୍ୟର ସୁରକ୍ଷା ହେଉଛି ପ୍ରତ୍ୟେକ ଧର୍ମର ଆଧାର ! ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଅଗ୍ନିବୀରଙ୍କ ପରିବାରଙ୍କୁ ସହାୟତା ପ୍ରଦାନ କରିବା ନେଇ ସଂସଦରେ ମିଛ କହିଥିଲେ । ସହୀଦ ଅଗ୍ନିବୀର ଅଜୟଙ୍କ ବାପା ଏହାର ସତ କହିଛନ୍ତି । ପ୍ରତିରକ୍ଷା ମନ୍ତ୍ରୀଙ୍କୁ ସଂସଦ, ଦେଶ, ସେନା ଏବଂ ସହୀଦ ଅଗ୍ନିବୀରଙ୍କ ପରିବାରଙ୍କ ଠାରୁ କ୍ଷମାପ୍ରାର୍ଥନା କରିବାକୁ ହେବ ।’ ଅନ୍ୟ ଏକ ପୋଷ୍ଟରେ ସେ ଆହୁରି ମଧ୍ୟ କହିଛନ୍ତି ଯେ କେନ୍ଦ୍ର ସରକାର ଅଗ୍ନିବୀରଙ୍କ ପରିବାରଙ୍କୁ ସହୀଦର ମର୍ଯ୍ୟାଦା ଦିଅନ୍ତି ନାହିଁ । ଅଗ୍ନିବୀର ୟୁଜ୍ ଆଣ୍ଡ୍ ଥ୍ରୋ ଶ୍ରମିକ । ଏହି ଯୋଜନାକୁ ନେଇ ଅନେକ ଜବାନଙ୍କ ମନରେ ଭୟ ରହିଛି । ଏହାର ପ୍ରତିଉତ୍ତରରେ ରାଜନାଥ ସଂହ କହିଥିଲେ କି ରାହୁଲଙ୍କୁ ସଂସଦକୁ ବିଭ୍ରାନ୍ତ କରିବା ଉଚିତ ନୁହେଁ । ଡ୍ୟୁଟି ସମୟରେ ସହୀଦ ହୋଇଥିବା ପ୍ରତ୍ୟେକ ଅଗ୍ନିବୀରଙ୍କ ପରିବାରଙ୍କୁ ୧ କୋଟି ଟଙ୍କା କ୍ଷତିପୂରଣ ମିଳିଥାଏ ।

सत्य की रक्षा हर धर्म का आधार है!

लेकिन रक्षा मंत्री राजनाथ सिंह ने शहीद अग्निवीर के परिवार को सहायता मिलने के बारे में संसद में झूठ बोला।

उनके झूठ पर शहीद अग्निवीर अजय सिंह के पिता जी ने खुद सच्चाई बताई है।

रक्षा मंत्री को संसद, देश, सेना और शहीद अग्निवीर अजय सिंह जी के… pic.twitter.com/H2odxpfyOO

— Rahul Gandhi (@RahulGandhi) July 3, 2024