ପାକିସ୍ତାନରେ ଆତଙ୍କବାଦୀଙ୍କୁ ହତ୍ୟା କରୁଛି ଭାରତ, ପୁଲୱାମା ଆକ୍ରମଣ ପରେ ୨୦ ଜଣ ଆତଙ୍କବାଦୀ ନିହତ : ରିପୋର୍ଟ

ନୂଆଦିଲ୍ଲୀ: ଭାରତ ସରକାରଙ୍କ ନିର୍ଦ୍ଦେଶରେ ପାକିସ୍ତାନରେ ଆତଙ୍କବାଦୀଙ୍କୁ ହତ୍ୟା କରାଯାଉଛି । ବ୍ରିଟିଶ ଖବରକାଗଜ ଗାର୍ଡିଆନ ପକ୍ଷରୁ ଏହି ଦାବି କରାଯାଇଛି । ଏହା ଭାରତୀୟ ଏବଂ ପାକିସ୍ତାନୀ ଗୁପ୍ତଚର ଏଜେଣ୍ଟଙ୍କ ଉଦେ୍ଧଶ୍ୟରେ କହିଛି ଯେ ବିଦେଶୀ ମାଟିରେ ଥିବା ଆତଙ୍କବାଦୀଙ୍କୁ ହଟାଇବା ପାଇଁ ଏହି ହତ୍ୟା ଭାରତର ବ୍ୟାପକ ରଣନୀତିର ଏକ ଅଂଶ । ଦାବି କରାଯାଇଛି ଯେ, ୨୦୨୦ ପରେ ଏପର୍ଯ୍ୟନ୍ତ ପାକିସ୍ତାନରେ ୨୦ ଜଣ ଆତଙ୍କବାଦୀ ନିହତ ହୋଇଛନ୍ତି ।

ଗାର୍ଡିଆନ ରିପୋର୍ଟରେ ଉଭୟ ଦେଶର ଗୁପ୍ତଚର ଅଧିକାରୀଙ୍କ ସହ ସାକ୍ଷାତକାର ଏବଂ ପାକିସ୍ତାନୀ ଅନୁସନ୍ଧାନକାରୀଙ୍କ ଦ୍ୱାରା ସେୟାର ହୋଇଥିବା ହୋଇଥିବା ଡକ୍ୟୁମେଣ୍ଟ ବିଷୟରେ ଉଲ୍ଲେଖ କରାଯାଇଛି । ଏଥିରେ କୁହାଯାଇଛି ଯେ ଭାରତର ଗୁପ୍ତଚର ଏଜେନ୍ସି ର’ ଜାତୀୟ ସୁରକ୍ଷା ପାଇଁ ସାହସିକ ପଦକ୍ଷେପ ଭାବରେ ୨୦୧୯ ପରେ ବିଦେଶରେ କାର୍ଯ୍ୟ ଆରମ୍ଭ କରିଛି ।

ପାକିସ୍ତାନରେ ୨୦ ଟି ହତ୍ୟା ହୋଇଛି, ଏଗୁଡିକୁ ନୂଆ ଦାବି ସହ ଯୋଡା ଯାଉଛି :-
ୱାଶିଂଟନ୍ ଏବଂ ଓଟୱା କାନାଡାରେ ଶିଖ ଆତଙ୍କବାଦୀ ହତ୍ୟାରେ ଭାରତ ସମ୍ପୃକ୍ତ ଥିବା ଏବଂ ଗତ ବର୍ଷ ଆମେରିକାରେ ଅନ୍ୟ ଜଣେ ଶିଖ ଆତଙ୍କବାଦୀଙ୍କୁ ହତ୍ୟା କରିବାରେ ବିଫଳ ହୋଇଥିବା ଅଭିଯୋଗ କରିଛନ୍ତି । ତାଜା ଦାବିଗୁଡିକ ୨୦୨୦ ଠାରୁ ପାକିସ୍ତାନରେ ଅଜ୍ଞାତ ବନ୍ଧୁକଧାରୀଙ୍କ ଦ୍ୱାରା ପ୍ରାୟ ୨୦ ଟି ହତ୍ୟା ସହ ଜଡିତ । ଅତୀତରେ ଏହି ହତ୍ୟାକାଣ୍ଡ ସହ ଭାରତ ଅନୌପଚାରିକ ଭାବରେ ଜଡିତ ଥିଲା କିନ୍ତୁ ଏହା ପ୍ରଥମ ଥର ପାଇଁ ଭାରତୀୟ ଗୁପ୍ତଚର କର୍ମଚାରୀମାନେ ପାକିସ୍ତାନରେ ହୋଇଥିବା ଅପରେସନ୍ ବିଷୟରେ ଉଲ୍ଲେଖ କରିଛନ୍ତି ଏବଂ ଏହି ହତ୍ୟାକାଣ୍ଡରେ ର’ର ପ୍ରତ୍ୟକ୍ଷ ସମ୍ପୃକ୍ତି ଥିବା ପ୍ରମାଣରୁ ଜଣାପଡିଛି । ଏହି ଅଭିଯୋଗରୁ ଜଣାପଡିଛି ଯେ ଖାଲିସ୍ତାନ ଆନ୍ଦୋଳନରେ ଶିଖ ଆତଙ୍କବାଦୀମାନେ ଉଭୟ ଭାରତୀୟ ବିଦେଶୀ କାର୍ଯ୍ୟର ଏକ ଅଂଶ ଭାବରେ ଉଭୟ ପାକିସ୍ତାନ ଏବଂ ପାଶ୍ଚାତ୍ୟ ଦେଶକୁ ଟାର୍ଗେଟ କରିଥିଲେ ।

ଅନ୍ୟପଟେ ପାକିସ୍ତାନରେ ହୋଇଥିବା ଟାର୍ଗେଟ ହତ୍ୟା ପଛରେ ହାତ ଅଛି ବୋଲି ଭାରତ ମନା କରିଦେଇଛି । ଭାରତୀୟ ବୈଦେଶିକ ମନ୍ତ୍ରଣାଳୟ ଏହି ଅଭିଯୋଗକୁ ମିଥ୍ୟା ଏବଂ ଭାରତ ବିରୋଧୀ ପ୍ରଚାର ବୋଲି ବର୍ଣ୍ଣନା କରିଛି । ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ଏହା ମଧ୍ୟ କହିଛନ୍ତି ଯେ, ଅନ୍ୟ ଦେଶରେ ଟାର୍ଗେଟରେ ହତ୍ୟା କରିବା ଭାରତ ସରକାରଙ୍କ ନୀତି ନୁହେଁ ।