ବୁଧ ଗ୍ରହରେ ଜୀବସତ୍ତା ସମ୍ଭବ କି! ନାସାର ବୈଜ୍ଞାନିକମାନେ କାହିଁକି କଲେ ଏପରି ଦାବି
ଓଡ଼ିଶା ଭାସ୍କର: ପୃଥିବୀ ବାହାରେ ଜୀବନର ସନ୍ଧାନ ମିଳିବା ବିଜ୍ଞାନ କ୍ଷେତ୍ରରେ ଅନନ୍ୟ ସଫଳତାର ଲକ୍ଷଣ । ମଙ୍ଗଳ, ଶନି ଏବଂ ବୃହସ୍ପତି ପରି ଗ୍ୟାସୀୟ ଗ୍ରହମାନଙ୍କୁ ନେଇ କିଛି ମାତ୍ରାରେ ବୈଜ୍ଞାନିକମାନେ ଆଶାୟୀ ଅଛନ୍ତି । ତେବେ ଶୁକ୍ର ଏବଂ ବୁଧ ପରି ପଥର ଗ୍ରହମାନଙ୍କରେ ଜୀବସତ୍ତା ପାଇଁ କୌଣସି ଉପାଦାନ ମହଜୁଦ ନାହିଁ । ତଥାପି, ବୈଜ୍ଞାନିକମାନେ ଶୁକ୍ର ଉପରେ ଜୀବନର ଲକ୍ଷଣ ଖୋଜୁଛନ୍ତି । କିନ୍ତୁ ସୂର୍ୟ୍ୟଙ୍କ ନିକଟତମ ଗ୍ରହ ବୁଧ ଗ୍ରହରେ ଜୀବନ କଳ୍ପନା କରାଯାଇ ପାରିବନାହିଁ। ତେବେ ଏହି ଗ୍ରହରେ ଗ୍ଲାସିଅରର ଉପସ୍ଥିତି ନେଇ ନାସା ସୂଚନା ଦେଇଛି ।
ସୂର୍ୟ୍ୟଙ୍କ ନିକଟତର ହେତୁ ବୁଧ ଗ୍ରହରେ ସର୍ବାଧିକ ଦିନର ତାପମାତ୍ରା ୪୩୦ ଡିଗ୍ରୀ ସେଲସିୟସରେ ପହଞ୍ଚିଥିବାବେଳେ ରାତିର ତାପମାତ୍ରା -୧୮୦ ଡିଗ୍ରୀ ସେଲସିୟସକୁ ଖସିଆସେ । ସମ୍ପ୍ରତି ଏକ ଆବିଷ୍କାରରେ ବୈଜ୍ଞାନିକମାନେ ଏପରି ପ୍ରମାଣ ପାଇଛନ୍ତି ଯାହା ସୂଚାଇ ଦେଉଛି ଯେ ବୁଧ ଗ୍ରହରେ ଲୁଣିଆ ଗ୍ଲାସିଅରରେ ରହିଛି । କିନ୍ତୁ ସୂର୍ୟ୍ୟଙ୍କ ଅତି ନିକଟବର୍ତ୍ତୀ ହେତୁ ଏହି ଗ୍ରହ ଏକ ଜ୍ୱଳନ୍ତ ଗ୍ରହ ଭାବରେ ପରିଗଣିତ ହୁଏ । ଏହା ମଧ୍ୟ ପ୍ରମାଣିତ କରେ ଯେ ଆମର ସୌର ପ୍ରଣାଳୀର ଏକ୍ସଟ୍ରିମ କଣ୍ଡିସନରେ, ବର୍ତ୍ତମାନ ପୃଥିବୀରେ କିମ୍ବା ଥରେ ଥରେ ଏପରି ପରିସ୍ଥିତି ବିଦ୍ୟମାନ ହୋଇପାରେ ।
ଏହି ନୂତନ ପ୍ରକାଶନ ଗ୍ରହର ବିବର୍ତ୍ତନ ଏବଂ ପୃଥିବୀ ବାହାରେ ଜୀବନର ସମ୍ଭାବନା ବିଷୟରେ ଆମର ବୁଝିବା ପାଇଁ ନୂତନ ଦିଗ ଖୋଲିଛି । ପ୍ଲାନେଟାରୀ ସାଇନ୍ସ ଇନଷ୍ଟିଚ୍ୟୁଟର ବୈଜ୍ଞାନିକମାନେ ମତଅନୁସାରେ ବୁଧ ଗ୍ରହରେ ମିଳୁଥିବା ଏହି ଲୁଣିଆ ଗ୍ଲାସିଅରଗୁଡିକ ଏପରି ଅବସ୍ଥା ହୋଇପାରେ ଯେଉଁଥିରେ ଜୀବନ ସମ୍ଭବ ହୋଇପାରେ । ଯେପରି ପୃଥିବୀର ଚରମ ଅବସ୍ଥାରେ ମଧ୍ୟ ମାଇକ୍ରୋ ଅର୍ଗାନିଜମ ଦେଖାଯାଏ।
ଏହି ଆବିଷ୍କାର ବୈଜ୍ଞାନିକମାନଙ୍କୁ ସୌରମଣ୍ଡଳର ଅନ୍ୟାନ୍ୟ ଗ୍ରହରେ ଜୀବନ ଖୋଜିବାକୁ ପ୍ରେରଣା ଦେଇଛି । କାରଣ ଏହି ଆବିଷ୍କାର ବ୍ରହ୍ମାଣ୍ଡରେ ଜୀବନର ଚିହ୍ନ ଖୋଜିବାର ପରିସରକୁ ବିସ୍ତାର କରିଛି ।
