ବୈବାହିକ ଦୁଷ୍କର୍ମ ଅପରାଧ କି ନୁହେଁ? କେନ୍ଦ୍ରକୁ ଜବାବ ମାଗିଲେ ସୁପ୍ରିମକୋର୍ଟ
ନୂଆଦିଲ୍ଲୀ: ବୈବାହିକ ବଳତ୍କାର ଅପରାଧ ପ୍ରସଙ୍ଗରେ ଆଜି ସୁପ୍ରିମକୋର୍ଟ ଏକ ବଡ଼ ପଦକ୍ଷେପ ନେଇଛନ୍ତି । ଏହି ମାମଲାର ଶୁଣାଣି ଫେବୃଆରୀ ୧୫ରେ ହେବ ବୋଲି କେନ୍ଦ୍ରକୁ ସୂଚନା ଦିଆଯିବା ସହ ଏହାର ଅନ୍ତିମ ଶୁଣାଣି ମାର୍ଚ୍ଚ ୧୪ କରାଯିବ ବୋଲି ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ୩ମାର୍ଚ୍ଚରେ ଏହି ମାମଲାର ସମସ୍ତ ଲିଖିତ ତଥ୍ୟ ଗୁଡ଼ିକ ଦାଖଲ କରିବା ପାଇଁ ସୁପ୍ରିମକୋର୍ଟ ଶୁଣାଣି କରି ନିର୍ଦ୍ଦେଶ ଦେଇଛନ୍ତି । ଏନେଇ କେନ୍ଦ୍ର ତରଫରୁ ଥିବା ସଲିସିଟର ଜେନେରାଲ ତୁଷାର ମେହେଟା କହିଛନ୍ତି ଯେ, ଏହି ମାମଲାର ଏକ ବଡ଼ ଶୁଣାଣି ହେବ ।
ବୈବାହିକ ଦୁଷ୍କର୍ମ ମାମଲାରେ ଜଷ୍ଟିସ ଡି.ୱାଇ ଚନ୍ଦ୍ରଚୂଡ଼, ଜଷ୍ଟିସ ପିଏମ ନରସିହ୍ନା ଏବଂ ଜଷ୍ଟିସ ଜେ.ବି ପାରନ୍ଦିବାଲଙ୍କ ବେଞ୍ଚରେ ଶୁଣାଣି କରିଥିଲେ । ୨୦୨୧ମସିହା ସେପ୍ଟେମ୍ବର ୧୬ ତାରିଖରେ ବୈବାହିକ ଦୁଷ୍କର୍ମ ଏକ ଅପରାଧ କି ନୁହେଁ ତାକୁ ନେଇ ପ୍ରଶ୍ନ ଉଠିଥିଲା, ଏହି ପ୍ରଶ୍ନକୁ ନେଇ ସୁପ୍ରିମକୋର୍ଟ ପରୀକ୍ଷଣ କରିବା ପାଇଁ ପ୍ରସ୍ତୁତ ହୋଇଯାଇଥିଲା । ଏହି ମାମଲାରେ କେନ୍ଦ୍ରକୁ ନୋଟିସ ଦେଇ ଏହି ମାମଲାର ଶୁଣାଣି କରି ଦିଲ୍ଲୀ ହାଇକୋର୍ଟର ୨ଜଣ ଜର୍ଜ ୨୦୨୨ ମେ ମାସରେ ଭିନ୍ନ ଭିନ୍ନ ମତ ପରିବେଷଣ କରିଥିଲେ ।
ଦିଲ୍ଲୀ ହାଇକୋର୍ଟ ଜର୍ଜ ଜଷ୍ଟିସ ରାଜୀନ ଶକଧର ବୈବାହିକ ରେପକୁ ଅପବାଦ କରି ବାତିଲ କରିଦେଇଥିଲେ ଏବଂ ଅନ୍ୟପଟେ ଜଷ୍ଟିସ ହରିଶଙ୍କର ଆଇପିସି ଧାରକୁ ଆଧାର କରି ମତ ଦେଇଥିଲେ ଯେ, ଏହା ଅସାମ୍ବିଧାନିକ ନୁହେଁ ଏବଂ ଏହା ବୁଝାମଣା ଉପରେ ଆଧାରିତ ଅଟେ ।ଆବେଦନକାରୀ ଆଇପିସିର ଧାରା ୩୭୫ (ବଳାତ୍କାର) ଅନୁଯାୟୀ ବ୍ୟତିକ୍ରମ ଭାବରେ ବୈବାହିକ ବଳାତ୍କାରର ସାମ୍ବିଧାନିକତାକୁ ଚ୍ୟାଲେଞ୍ଜ କରିଥିଲେ।
ଏହି ବିଭାଗ ଅନୁଯାୟୀ, ବିବାହିତା ମହିଳାଙ୍କ ସ୍ୱାମୀ ଦ୍ୱାରା କରାଯାଇଥିବା ଯୌନ କାର୍ଯ୍ୟ ବଳାତ୍କାର ବୋଲି ଧରାଯିବ ନାହିଁ, ଯଦି ପତ୍ନୀ ନାବାଳକ ନଥାନ୍ତି। ଉଲ୍ଲେଖନୀୟ କଥା ହେଉଛି, ବୈବାହିକ ବଳାତ୍କାରକୁ ଅପରାଧ ବୋଲି ଘୋଷଣା କରିବା ପ୍ରସଙ୍ଗରେ ବାରମ୍ବାର ନିଜର ପକ୍ଷ ଉପସ୍ଥାପନ କରିବାକୁ କେନ୍ଦ୍ର ସରକାରଙ୍କ ମନୋଭାବକୁ ନେଇ ହାଇକୋର୍ଟ ଅସନ୍ତୋଷ ବ୍ୟକ୍ତ କରିଥିଲେ। କେନ୍ଦ୍ରକୁ ସମୟ ଦେବାକୁ ମନା କରି କୋର୍ଟ ଏହାର ରାୟ ସଂରକ୍ଷିତ ରଖିଥିଲେ। ବେଞ୍ଚ ଆଗରେ କେନ୍ଦ୍ର ଯୁକ୍ତି ଯେ, ଏହି ପ୍ରସଙ୍ଗରେ ସେମାନଙ୍କ ମତାମତ ଲୋଡି ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ଚିଠି ପଠାଇଛି ।