ISRO Recruitment 2025 : ୧୦ମ ପାସ୍ କରି ISROରେ କରିପାରିବେ ଚାକିରି, ମିଳିବ ମୋଟା ଅଙ୍କର ଦରମା
ଇସ୍ରୋରେ ବଡ଼ ସୁଯୋଗ; ଡେରି ନ କରି ଆବେଦନ କରନ୍ତୁ । ଜାଣନ୍ତୁ ଆବେଦନ ପକ୍ରିୟା ସମ୍ପର୍କରେ ସବୁ ତଥ୍ୟ ।
ବେଙ୍ଗାଲୁରୁ: ଭାରତୀୟ ମହାକାଶ ଗବେଷଣା ସଂସ୍ଥାରେ ଚାକରି କରିବାକୁ ଚାହୁଁଥିବା ଆଶାୟୀଙ୍କ ପାଇଁ ଆସିଛି ବଡ଼ ସୁଯୋଗ । ତିନିଟି ପଦ ପାଇଁ ଭର୍ତ୍ତି ବିଜ୍ଞପ୍ତି ବାହାରିଛି । ଆସିଷ୍ଟାଣ୍ଟ, ଡ୍ରାଇଭର, ଫାୟାର ମ୍ୟାନ୍ ଏବଂ କୁକ ପଦ ପାଇଁ ଚାକିରି ବିଜ୍ଞାପନ ପ୍ରକାଶ ପାଇଛି ।
ଇସ୍ରୋର ଅଫିସିଆଲ ୱେବସାଇଟ୍ (vssc.gov.in)କୁ ଯାଇ ଆଶାୟୀ ପ୍ରାର୍ଥୀ ଆବେଦନ କରିପାରିବେ । ୧୬ଟି ପଦ ଖାଲିଥିବା ବିଜ୍ଞାପନରେ ଉଲ୍ଲେଖ କରାଯାଇଛି । ଆସିଷ୍ଟାଣ୍ଟ ପଦରେ ୨ ଜଣ, ଡ୍ରାଇଭର ପଦରେ ୧୦, ଫାୟାର ମ୍ୟାନରେ ୩ ଏବଂ କୁକରେ ଜଣଙ୍କୁ ଚାକିରି ମିଳିବ ।
ଆସିଷ୍ଟାଣ୍ଟ ପଦ ପାଇଁ ଆବେଦନକାରୀ ଗ୍ରାଜୁଏଟ୍ ହୋଇଥିବା ଆବଶ୍ୟକ । ସେହିପରି ଡ୍ରାଇଭର ପଦ ପାଇଁ ଦଶମ ପାସ କରିବା ସାଙ୍ଗକୁ ଡ୍ରାଇଭିଂ ଲାଇସେନ୍ସ ରହିବା ଜରୁରୀ । ଉଭୟ ଫାୟାର ମ୍ୟାନ୍ ଓ କୁକ୍ ପାଇଁ ୧୦ମ ଶ୍ରେଣୀ ପାସ୍ କରିବା ଜରୁରୀ ।
ଆବେଦନ କରିବା ପାଇଁ ଆବେଦନକାରୀଙ୍କ ବୟସ ବିଭିନ୍ନ ପଦ ପାଇଁ ଅଲଗା ରହିଛି । ଆସିଷ୍ଟାଣ୍ଟ ପାଇଁ ୧୮ରୁ ୨୮ ବର୍ଷ ବୟସ ହୋଇଥିବା ଆବଶ୍ୟକ ସେହିପରି ଡ୍ରାଇଭର ଓ କୁକ ପାଇଁ ବୟସ ସୀମା ୧୮ରୁ ୩୫ ଏବଂ ଫାୟାର ମ୍ୟାନ୍ ପାଇଁ ବୟସ ୧୮ରୁ ୨୫ ହେବା ଦରକାର ବୋଲି ବିଜ୍ଞାପନରେ କୁହାଯାଇଛି ।
ଆସିଷ୍ଟାଣ୍ଟ ପଦ ପାଇଁ ୨୫,୫୦୦ରୁ ୮୧,୧୦୦ ପର୍ଯ୍ୟନ୍ତ ଦରମା ମିଳିବ । ବାକି ସବୁ ପଦରେ ୧୯,୯୦୦ରୁ ୬୩,୨୦୦ ଟଙ୍କା ଦରମା ମିଳିବ । ଚାକିରି ପାଇଁ ଲିଖିତ ପରୀକ୍ଷା ହେବାକୁ ପଡ଼ିବ । ଏହାସହ ସ୍କିଲ ଟେଷ୍ଟ ଏବଂ ମେଡିକାଲ ଏଗଜାମିନେଶନ୍ ଆଧାରରେ ନିଯୁକ୍ତି ମିଳିବ ।