ଜଗତପୁର: ଦ୍ରୁତ ଗତିରେ ଆସି କାର୍ ଏବଂ ବାଇକ୍ ଉପରେ ମାଡ଼ିଗଲା ଟ୍ରକ୍, ଜଣେ ମୃତ ୬ ଆହତ
କଟକ: ଜଗତପୁର ଜଗତପୁର ଖଇରା ପୋଲ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ଦ୍ରୁତ ଗତିରେ ଆସୁଥିବା ଏକ ଟ୍ରକ୍ ଦୁଇଟି କାର୍ ଏବଂ ୫ ବାଇକ୍ ଉପରେ ମାଡ଼ିଯାଇଛି । ଯାହା ଫଳରେ ପ୍ରାୟ ୭ ଜଣ ଆହତ ଆହତ ହୋଇଥିବା ସୂଚନା ମିଳିଛି ।
ସୂଚନା ଅନୁଯାୟୀ ଟ୍ରକ୍ଟି ବାମପଟେ ଯାଉଥିବା ବେଳେ ଭାରସାମ୍ୟ ହରାଇ ଡାହାଣ ପଟେ ଥିବା କାର୍ ଓ ବାଇକ୍କୁ ଧକା ଦେବା ପରେ ଏକ ଦୋକାନରେ ପଶି ଯାଇଥିଲା । ଏହି ଘଟଣାରେ ୭ ଜଣ ଆହତ ହୋଇଥିବା ବେଳେ ସେମାନଙ୍କୁ କଟକ ଏସସିବି ମେଡିକାଲରେ ଭର୍ତ୍ତି କରାଯାଇଛି ।
ତେବେ ପ୍ରତ୍ୟେକ୍ଷଦର୍ଶୀଙ୍କ କହିବା ମୁତାବକ ଟ୍ରକ୍ଟି ଦ୍ରୁତ ଗତିରେ ଆସି ଏହି ଦୁର୍ଘଟଣା ଘଟାଇଥିଲା । ତେବେ କେଉଁ କାରଣରୁ ଏହି ଦୁର୍ଘଟଣା ଘଟିଲା ସେ ବିଷୟରେ କୌଣସି ସୂଚନା ମିଳିପାରି ନାହିଁ । ତେବେ ପ୍ରତ୍ୟକ୍ଷଦର୍ଶୀଙ୍କ କହିବା ମୁତାବକ ଟ୍ରକ୍ଟି ଦ୍ରୁତ ଗତିରେ ଆସୁଥିଲା, ଯେଉଁଥି ପାଇଁ ଭିଡ଼ ସ୍ଥାନ ଥିବାରୁ ଭାରସାମ୍ୟ ହରାଇ ଏହି ଦୁର୍ଘଟଣା ଘଟାଇଥାଇ ପାରେ । ତେବେ ଆଉ କିଛି ଅନୁସାରେ ଟ୍ରକଟି ଅନ୍ୟ ଏକ ସ୍ଥାନରେ ଦୁର୍ଘଟଣା ଘଟାଇ ଭୟଭୀତ ହୋଇ ଦ୍ରୁତ ଗତିରେ ଯିବା ସମୟରେ ଖଇରା ପୋଲ ନିକଟରେ ଏହି ଦୁର୍ଘଟଣା ଘଟାଇଛି।
