JEE ମେନ୍ ପାଇଁ ବଦଳିଲା ପରୀକ୍ଷା କେନ୍ଦ୍ର, ମହାକୁମ୍ଭ ପାଇଁ ନେବାକୁ ପଡ଼ିଲା ଏହି ନିଷ୍ପତ୍ତି

ଲକ୍ଷ୍ନୌ: ପ୍ରୟାଗରାଜରେ ହେବାକୁ ଥିବା ଯୁଗ୍ମ ପ୍ରବେଶିକା ପରୀକ୍ଷା (JEE ମେନ୍ 2025କୁ ନେଇ ଏକ ବଡ଼ ଖବର ଆସୁଛି। ନ୍ୟାସନାଲ ଟେଷ୍ଟିଂ ଏଜେନ୍ସି (NTA) 28 ରୁ 30 ଜାନୁଆରୀ, 2025 ମଧ୍ୟରେ ହେବାକୁ ଥିବା JEE ମେନ୍ ପରୀକ୍ଷା ପାଇଁ ପ୍ରୟାଗରାଜ କେନ୍ଦ୍ରଗୁଡ଼ିକୁ ବାରାଣସୀକୁ ସ୍ଥାନାନ୍ତରିତ କରିଛି।
ମହାକୁମ୍ଭମେଳା ଯୋଗୁଁ ଭକ୍ତଙ୍କ ପ୍ରବଳ ଭିଡ଼କୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି।

ପରୀକ୍ଷା ବିଜ୍ଞପ୍ତି: NTA ଦ୍ୱାରା କରାଯାଇଥିବା ଏକ ବିଜ୍ଞପ୍ତିରେ କୁହାଯାଇଛି ଯେ ମହାକୁମ୍ଭ ଯୋଗୁଁ ଅନେକ ପ୍ରାର୍ଥୀ ପରୀକ୍ଷା କେନ୍ଦ୍ରରେ ପହଞ୍ଚିବାରେ ଅସୁବିଧାର ସମ୍ମୁଖୀନ ହେଉଥିଲେ।

ଆସନ୍ତା ୨୮, ୨୯ ଏବଂ ୩୦ ଜାନୁଆରୀ ୨୦୨୫ ରେ ଅନୁଷ୍ଠିତ ହେବାକୁ ଥିବା ଯୁଗ୍ମ ପ୍ରବେଶିକା ପରୀକ୍ଷା (JEE ମେନ୍ ୨୦୨୫) ପାଇଁ ଆଡମିଟ୍ କାର୍ଡ଼ ପ୍ରକାଶ କରିଛି। ପ୍ରାର୍ଥୀମାନେ ଅଫିସିଆଲ୍ ୱେବସାଇଟ୍ jeemain.nta.nic.in କୁ ଯାଇ ସେମାନଙ୍କର ଆଡମିଟ୍ କାର୍ଡ଼ ଡାଉନଲୋଡ୍ କରିପାରିବେ।

ଦୁଇଟି ସିଫ୍ଟରେ ପରୀକ୍ଷା: JEE ମେନ୍ ପରୀକ୍ଷା ଦୁଇଟି ସିଫ୍ଟରେ ଅନୁଷ୍ଠିତ ହେବ। ପ୍ରଥମ ସିଫ୍ଟ ପରୀକ୍ଷା ସକାଳ ୯ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଅନୁଷ୍ଠିତ ହେବ। ସେହିପରି ଦ୍ୱିତୀୟ ସିଫ୍ଟ ପରୀକ୍ଷା ଅପରାହ୍ନ ୩ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଅନୁଷ୍ଠିତ ହେବ।

ତେବେ ବି.ଆର୍କ, ବି.ପ୍ଲାନିଂ ପାଠ୍ୟକ୍ରମ ପାଇଁ ଜେଇଇ ମେନ୍ ପେପର ୨ ପରୀକ୍ଷା ସନ୍ଧ୍ୟା ୦୬:୩୦ ପର୍ଯ୍ୟନ୍ତ ଅନୁଷ୍ଠିତ ହେବ।

ଆଡମିଟ୍ କାର୍ଡ଼: ଜାନୁଆରୀ ୨୨, ୨୩ ଏବଂ ୨୪, ୨୦୨୫ ରେ ଅନୁଷ୍ଠିତ ହେବାକୁ ଥିବା ପ୍ରଥମ ଅଧିବେଶନ ପାଇଁ ପ୍ରବେଶ ପତ୍ର ଜାନୁଆରୀ ୧୮ ରେ ଉପଲବ୍ଧ କରାଯାଇଥିଲା।

ଏଥିରେ ପ୍ରାର୍ଥୀଙ୍କ ନାମ, ଜନ୍ମ ତାରିଖ, ପରୀକ୍ଷା କେନ୍ଦ୍ର ବିବରଣୀ, ତାରିଖ ଏବଂ ସମୟ ଭଳି ଗୁରୁତ୍ୱପୂର୍ଣ୍ଣ ସୂଚନା ରହିଛି। ଆଡମିଟ୍ କାର୍ଡ଼ ଡାଉନଲୋଡ୍ କରିବା ପାଇଁ ପ୍ରାର୍ଥୀମାନଙ୍କୁ ସେମାନଙ୍କର ଆବେଦନ ନମ୍ବର ଏବଂ ପାସୱାର୍ଡ ଦେବାକୁ ପଡିବ।

ପରୀକ୍ଷା ହଲରେ ପ୍ରବେଶ କରିବା ପାଇଁ ପ୍ରାର୍ଥୀମାନେ ସେମାନଙ୍କର ପ୍ରବେଶ ପତ୍ର ଆଣିବା ବାଧ୍ୟତାମୂଳକ।