ବାହାରିଲା ଜେଇଇ ମେନ ରେଜଲ୍ଟ, ପରୀକ୍ଷା ଦେଇଥିଲେ ୮ଲକ୍ଷ ଛାତ୍ରଛାତ୍ରୀ
ନୂଆଦିଲ୍ଲୀ: ନେସନାଲ ଟେଷ୍ଟିଂଗ ଏଜେନ୍ସି ତରଫରୁ ଜଏଣ୍ଟ ପ୍ରଦେଶ ପରୀକ୍ଷାର ରେଜଲ୍ଟ ପ୍ରକାଶ ପାଇଛି । ଛାତ୍ରଛାତ୍ରୀମାନେ ଅଫିସିଆଲ ୱେବସାଇଟ … କୁ ଯାଇ ରେଜଲ୍ଟ ଚେକ କରିପାରିବେ । ପ୍ରଥମ ସେସନରେ ଜେଇଇ ମେନ ୨୦୨୩ ପେପର-୧ ପାଇଁ ୮.୬ ଲକ୍ଷ ଛାତ୍ରଛାତ୍ରୀ ରେଜିଷ୍ଟ୍ରେସନ କରିଥିଲେ ଯେଉଁଥିରୁ ୨.୬ଲକ୍ଷ ଛାତ୍ରୀ ଏବଂ ୬ଲକ୍ଷ ଛାତ୍ର ପରୀକ୍ଷା ଦେଇଥିଲେ ।
ଜେଇଇ ମେନ ୨୦୨୩ ପରୀକ୍ଷା ୧୩ଟି ଭାଷାରେ ଅୟୋଜନ କରାଯାଇଥିଲା । ପେପର-୧ ପାଇଁ ସମୁଦାୟ ୮,୬୦,୦୫୮ ଅଶାବାଦୀରୁ ୮,୨୩,୮୫୦ ଜଣ କମ୍ପ୍ୟୁଟର ଅଧାରରେ ପରୀକ୍ଷା ଦେଇଥିଲେ । ତେବେ ବର୍ତ୍ତମାନ ସେସନ-୧ର ରେଜଲ୍ଟ ପ୍ରକାଶ ପାଇଛି । ରେଜଲ୍ଟ ପ୍ରକାଶ ନେଇ ନ୍ୟାସନାଲ ଟେଷ୍ଟିଂ ଏଜେନ୍ସି ସୂଚନା ଦେଇଛି । ଯେଉଁମାନେ ଜାନୁଆରୀରେ ପରୀକ୍ଷା ଦେଇଥିଲେ ସେହିମାନେ ନିଜର ରେଜଲ୍ଟ ଦେଖିପାରିବେ ।
ତେବେ ଜେଇଇର ପ୍ରଥମ ସେସନ ରେଜଲ୍ଟ ବାହାରିବା ପରେ ଦ୍ୱିତୀୟ ସେସନ ପାଇଁ ରେଜିଷ୍ଟ୍ରେସନ ପ୍ରକ୍ରିୟା ଆରମ୍ଭ ହେବାକୁ ଯାଉଛି । ଦ୍ୱିତୀୟ ପର୍ଯ୍ୟାୟର ପରୀକ୍ଷା ପାଇଁ ଅପ୍ରେଲ ୮, ୧୦,୧୧ ଏବଂ ୧୨ ତାରିଖକୁ ଚୟନ କରାଯାଇଛି । ତେଣୁ ଫେବୃଆରୀ ୭ ତାରିଖରୁ ଆବେଦନ ପ୍ରକ୍ରିୟା ଆରମ୍ଭ ହୋଇପାରେ ବୋଲି କୁହାଯାଉଛି ।
