ସ୍ଥଗିତ ହେଲା JEE ମେନ୍ ମେ ୨୦୨୧ ସେସନ୍
ନୂଆଦିଲ୍ଲୀ, ୪ା୫ : ସ୍ଥଗିତ ହେଲା JEE ମେନ୍ ୨୦୨୧ । ନ୍ୟାସନାଲ୍ ଟେଷ୍ଟିଂ ଏଜେନ୍ସି ପକ୍ଷରୁ ଚଳିତ ମାସରେ ହେବାକୁ ଯାଉଥିବା ପରୀକ୍ଷାକୁ ଆଜି ସ୍ଥଗିତ ରଖାଯାଇଛି । JEE ମେନ୍ ପରୀକ୍ଷା ଚଳିତ ମାସ ୨୪, ୨୫, ୨୬ ଏବଂ ୨୮ ତାରିଖରେ ହେବାର ଥିଲା । କିନ୍ତୁ କରୋନା ମହାମାରୀ କାରଣରୁ ଏହାକୁ ବର୍ତ୍ତମାନ ପାଇଁ ସ୍ଥଗିତ ରଖାଯାଇଛି । ଏନେଇ କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିୟାଲ ଟୁଇଟ୍ କରି ସୁଚନା ଦେଇଛନ୍ତି । ତେବେ ଏ ସମ୍ପର୍କିତ ଅଧିକ ସୁଚନା ପାଇଁ ଅଫିସିଆଲ ୱେବସାଇଟ୍ ପରିଦର୍ଶନ କରନ୍ତୁ ବୋଲି କୁହାଯାଇଛି ।
Looking at the present situation of COVID-19 and keeping students safety in mind, JEE (Main) – May 2021 session has been postponed .
Students are advised to keep visiting the official website of NTA for further updates.@DG_NTA pic.twitter.com/utMUGrmJNi— Dr. Ramesh Pokhriyal Nishank (@DrRPNishank) May 4, 2021
ତେବେ ଖାଲି JEE ମେନ୍ ନୁହେଁ ବରଂ ଏହାପୁର୍ବରୁ ମଧ୍ୟ ସିବିଏସଇ ପରୀକ୍ଷା ଏବଂ ବିଭିନ୍ନ ପରୀକ୍ଷାକୁ କରୋନା ସଂକ୍ରମଣ ପାଇଁ ସ୍ଥଗିତ ରଖାଯାଇଛି । JEE ମେନ୍ ପରୀକ୍ଷା ଦେବାକୁ ଥିବା ଛାତ୍ରଛାତ୍ରୀ ମାନଙ୍କୁ ଆହୁରି ମଧ୍ୟ କୁହାଯାଇଛି ଯେ, ବର୍ତ୍ତମାନ ପରୀକ୍ଷାକୁ ସ୍ଥଗିତ ରଖାଯାଇଥିବାରୁ ଏପଟିଏ ଅଭ୍ୟାସ ଆପ୍ ରୁ ପ୍ରଶ୍ନ ଉତ୍ତର ପ୍ରାକ୍ଟିସ୍ କରନ୍ତୁ ।
