Jioର ଧମାକାଦାର ଅଫର; ଡାଟା ଲିମିଟର ଆଉ ନୋଟେନସନ୍, ଏତିକି ଟଙ୍କାରେ ଅନଲିମିଟେଡ୍…

ନୂଆଦିଲ୍ଲୀ: ଭାରତର ସର୍ବବୃହତ ଟେଲିକମ୍ କମ୍ପାନୀ ହେଉଛି ରିଲାଏନ୍ସ ଜିଓ । ଏହି କମ୍ପାନୀର ସର୍ବାଧିକ 49 କୋଟି ଗ୍ରାହକ ଅଛନ୍ତି । କିନ୍ତୁ ଜୁଲାଇ ମାସରେ ଜିଓ ଏହାର ପ୍ରିପେଡ୍ ଏବଂ ପୋଷ୍ଟପେଡ୍ ରିଚାର୍ଜ ପ୍ଲାନର ମୂଲ୍ୟ ବୃଦ୍ଧି କରିବା ଫଳରେ ଗ୍ରାହକଙ୍କ ସଂଖ୍ୟାରେ ହ୍ରାସ ପାଇଛି । ପ୍ଲାନ ମହଙ୍ଗା ହେବା କାରଣରୁ ଶହଶହ ଉପଭୋକ୍ତା ଜିଓ ଛାଡି ବିଏସଏଲ ସହିତ ଯୋଡି ହେଉଛନ୍ତି । ଜିଓ ସହିତ ଜଡିତ ଥିବା ଲୋକମାନେ ନିଜ କମ୍ପାନୀରୁ ଶସ୍ତା ରିଚାର୍ଜ ଯୋଜନା ଖୋଜୁଛନ୍ତି । ଏହାରି ଭିତରେ ଗ୍ରାହକଙ୍କୁ ଦୀପାବଳି ଅଫର ଦେଇଛି କମ୍ପାନୀ ।

ଅଧିକ ଇଣ୍ଟରନେଟ ବ୍ୟବହାର କରୁଥିବା ଗ୍ରାହକଙ୍କ ପାଇଁ ଜିଓ ଶସ୍ତା ପ୍ଲାନ ରୋଲଆଉଟ କରିଛି । ମାତ୍ର 200 ଟଙ୍କାରେ ମାସେ ପର୍ଯ୍ୟନ୍ତ ଅନଲିମିଟେଡ୍ ଡାଟା ବ୍ୟବହାର କରିପାରିବେ । ଏହି ପ୍ଲାନରେ ଗ୍ରାହକ ଯେତିକି ଚାହିଁବେ ସେତିକି ବ୍ୟବହାର କରିପାରିବେ । ଏଥିରେ ଆଉ ଦୈନିକ ସୀମା ବିଷୟରେ ଚିନ୍ତା କରିବାକୁ ପଡିବ ନାହିଁ । ଦିନକୁ 8ରୁ 10 ଜିବି ଡାଟା ମଧ୍ୟ ବ୍ୟବହାର କରିପାରିବେ । ଏହି ପ୍ଲାନର ଦାମ୍ ମାତ୍ର 198 ଟଙ୍କା ରହିଛି । ଏହି ପ୍ଲାନରେ ଅନଲିମିଟେଡ୍ ଡାଟା, କଲିଂ, ଦୈନିକ 100 ମେସେଜର ସୁବିଧା ମିଳିବ । ଏହାର ଅର୍ଥ ହେଉଛି ଉପଭୋକ୍ତାମାନେ ସେମାନଙ୍କର 2 ଜିବି ଦୈ ନିକ ଇଣ୍ଟରନେଟ୍ ଡାଟା ବ୍ୟତୀତ ଅସୀମିତ 5G ଡାଟା ଉପଭୋଗ କରିପାରିବେ । ଏଥିପାଇଁ ଅଧିକ ଖର୍ଚ୍ଚ କରିବାକୁ ପଡିବ ନାହିଁ । ଏହା ଜିଓର ସବୁଠୁ ଶସ୍ତା ପ୍ଲାନ ବୋଲି କୁହାଯାଉଛି ।  ପ୍ଲାନର ବୈଧତା 14 ଦିନ ଅଟେ । ଏହାର ଅର୍ଥ ହେଉଛି ଏହି ଯୋଜନା ରିଚାର୍ଜ କରିବା ପରେ, ଆପଣ ଆଗାମୀ 14 ଦିନ ପାଇଁ ଅନଲିମିଟେଡ୍ ଡାଟା ବ୍ୟବହାର କରିପାରିବେ ।

ଏହି କ୍ରମରେ ଯଦି 28 ଦିନିଆ ପ୍ଲାନ ବିଷୟରେ ଯୋଜନା କରୁଛନ୍ତି ତେବେ ଏଥିପାଇଁ 349 ଟଙ୍କା ଖର୍ଚ୍ଚ କରିବାକୁ ପଡିବ ।  ଜିଓର ଏହି ପ୍ରିପେଡ୍ ଯୋଜନାରେ 28 ଦିନ ପାଇଁ ପ୍ରତିଦିନ 100SMS ଏବଂ 2GB ଡାଟା ସହିତ ଅସୀମିତ କଲିଂ ପାଇବେ । ଏହା ବ୍ୟତୀତ ଅସୀମିତ 5G ଡାଟା ସଂପୂର୍ଣ୍ଣ ମାଗଣା ପାଇବେ ।