ଘରେ ଏକୁଟିଆ ଥିବା ବେଳେ ଶରୀରରେ ଲାଗିଗଲା ନିଆଁ, ମାନସିକ ଅନଗ୍ରସର ଯୁବତୀ ହୋଇଗଲେ ଜୀବନ୍ତ ଦଗ୍ଧ
କଟକ (ଭାସ୍କର ନ୍ୟୁଜ୍): ସୋମବାର ରାତିରେ କଟକ ସହର ଖଟ୍ବିନ୍ ସାହି ଖ୍ରୀଷ୍ଟିଆନ୍ ସାହିରେ ଜଣେ ଯୁବତୀ ଜୀବନ୍ତ ଦଗ୍ଧ ହୋଇଛନ୍ତି । ବାପ-ମା’ ପଦାକୁ ଯାଇଥିବାବେଳେ ହଠାତ୍ ଘରେ କୌଣସି କାରଣରୁ ନିଆଁ ଲାଗିଯାଇଥିଲା । ଘରେ ଏକୁଟିଆ ରହିଥିବା ତାଙ୍କର ମାନସିକ ଅନଗ୍ରସର ଝିଅ ଏହାକୁ ଲିଭାଇବାରେ ସମର୍ଥ ହୋଇପାରିନଥିଲା । ଫଳରେ ଅଗ୍ନିକାଣ୍ଡରେ ସେ ଜୀବନ୍ତ ଦଗ୍ଧ ହୋଇଥିଲା । ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଶରୀରର ୮୦ରୁ ୯୦ ପ୍ରତିଶତ ଅଂଶ ଜଳି ଯିବାରୁ ଯୁବତୀଙ୍କ ମୃତ୍ୟୁ ଘଟିଥିବା ଜଣାପଡିଛି। ମୃତଦେହକୁ ବ୍ୟବଚ୍ଛେଦ ପରେ ପରିବାରଲୋକ ହସ୍ତାନ୍ତର କରାଯିବ ବୋଲି ସୂଚନା ମିଳିଛି।
