(video)ପ୍ରାଣପ୍ରତିଷ୍ଠା ପୂର୍ବରୁ ରିଲିଜ୍ ହେଲା କୈଳାସ ଖେରଙ୍କ ଭଜନ ‘ରାମ କା ଧାମ’, ରାମ ଭକ୍ତଙ୍କ ହୃଦୟ ତନ୍ତ୍ରୀରେ ଭରିଦେବ ଅପୂର୍ବ ଆବେଗ
ନୂଆଦିଲ୍ଲୀ: କୈଳାସ ଖେର ରାମଭକ୍ତଙ୍କ ହୃଦୟରେ ଭକ୍ତି ସଞ୍ଚାର କରିବାକୁ ଓ ଅଯୋଧ୍ୟାର ଭବ୍ୟ ରାମ ମନ୍ଦିର ପ୍ରତି ସମସ୍ତଙ୍କ ମନରେ ଉତ୍ସାହ ଭରି ଦେବାକୁ ମନମୋହକ ଗୀତ ‘ରାମ କା ଧାମ’ ରିଲିଜ୍ କରିଛନ୍ତି । ଏହି ଗୀତରେ କରସେବା ଠାରୁ ଆରମ୍ଭ କରି ରାମ ମନ୍ଦିର ନିର୍ମାଣ ପର୍ଯ୍ୟନ୍ତ ପୁରା କାହାଣୀ ରହିଛି ।
ଆଜି ଠାରୁ ଅଯୋଧ୍ୟାରେ ରାମଲଲାଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଆରମ୍ଭ ହୋଇଯାଇଛି । ଆଜି ସର୍ବପ୍ରଥମେ ପ୍ରାୟଶ୍ଚିତ ପୂଜା ହେବ । ପ୍ରାୟଶ୍ଚିତ ପୂଜା ସେହି ବିଧି ହୋଇଥାଏ ଯେଉଁଥିରେ ଶାରୀରିକ, ଆନ୍ତରିକ, ମାନସିକ ଓ ବାହ୍ୟ ଏହି ୩ ତରିକାରେ ପ୍ରାୟଶ୍ଚିତ କରାଯାଏ । ଆଜି ଆଚାର୍ଯ୍ୟଙ୍କ ଦ୍ୱାରା କର୍ମକୁଟି ପୂଜା ବି କରାଯିବ । ଏହାପରେ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ବିଧିବଦ୍ଧ ଭାବରେ ଆରମ୍ଭ କରାଯିବ । ୨୨ ଜାନୁୟାରୀରେ ଅଭିଜିତ ମୁହୂର୍ତ୍ତରେ ରାମଲଲାଙ୍କ ପ୍ରାଣ ପ୍ରତିଷ୍ଠା କରାଯିବ । ଏଭଳି ଏକ ସମୟରେ ପୁରା ଦେଶ ପ୍ରଭୁ ଶ୍ରୀରାମଙ୍କ ଭକ୍ତିରେ ତଲ୍ଲୀନ ହୋଇଯାଇଛି । ଏହି କ୍ରମରେ ରାମ ଭକ୍ତଙ୍କ ହୃଦୟରେ ଉତ୍ସାହକୁ ଦ୍ୱିଗୁଣିତ କରିବା ଲାଗି କୈଳାସ ଖେରଙ୍କ ଏକ ମନମୋହକ ଗୀତ ‘ରାମ କା ଧାମ’ ଆଜି ରିଲିଜ୍ ହୋଇଛି ।
बोलो जय श्री राम…
मर्यादा की मूरत राम,
पूर्ण पुरुष की सूरत राम।
व्याकुल चिंतित मेरे हृदय का,
एक मात्र वही विश्राम।राम राम राम
बोलो जय श्री राम।गायक कैलाश खेर की आवाज़ में सुनिए कारसेवा और पुनर्निर्माण से लेकर राम मंदिर बनने तक की पूरी कहानी।
यूट्यूब लिंक👇🏻… pic.twitter.com/J08h7RA3Tb
— BJP (@BJP4India) January 16, 2024
ଅନୁ ମଲ୍ଲିକଙ୍କ ସଙ୍ଗୀତ ନିର୍ଦ୍ଦେଶନା ଓ କୈଳାସ ଖେରଙ୍କ ମଧୁର କଣ୍ଠସ୍ୱରରେ ଏହି ଗୀତ କେବଳ ଏକ କଳାତ୍ମକ ରଚନା ନୁହେଁ ବରଂ ଭକ୍ତିର ସାଗର ବି ଅଟେ । ବିଜେପି ପକ୍ଷରୁ ଏହାର ସୋସିଆଲ ମିଡିଆ ହ୍ୟାଷଣ୍ଡଲ ଏକ୍ସରେ ଏହି ଗୀତର ଭିଡିଓ ସେୟାର କରାଯାଇଛି ଓ କ୍ୟାପସନରେ ଲେଖାଯାଇଛି, ‘ବୋଲୋ ଜୟ ଶ୍ରୀରାମ..ମର୍ଯ୍ୟାଦା କି ମୂରତ ରାମ, ପୂର୍ଣ୍ଣ ପୁରୁଷ କି ସୁରତ ରାମ’ ।
