ବିଗ୍ ବସଙ୍କ ଲାଡଲା ଗଲେ ହାରି, କରନଙ୍କୁ ମିଳିଲା ଦର୍ଶକଙ୍କ ଆର୍ଶୀବାଦ

ମୁମ୍ବାଇ: ସରିଛି ୧୦୪ ଦିନର ଡ୍ରାମା, ମାଡ଼ଗୋଳ । ଲୋକପ୍ରିୟ ରିଆଲିଟି ଶୋ’ ବିଗ୍ ବସ୍ ସିଜନ୍ ୧୮ ଶେଷ ହୋଇଯାଇଛି । ରବିବାର ଥିଲା ବିଗ୍ ବିସଙ୍କ ଘରେ କଣ୍ଡେଷ୍ଟାଣ୍ଟମାନଙ୍କର ଶେଷ ଦିନ । ତେବେ ଏହି ବହୁ ଚର୍ଚ୍ଚିତ ଶୋ’ ଜିତିଛନ୍ତି କରନ ବୀର ମେହେରା ।

କରନଙ୍କ ଫ୍ୟାନ୍ସଙ୍କ ପାଇଁ ଏହା ଅତ୍ୟନ୍ତ ଖୁସି ଦେଇଥିବ ନିଶ୍ଚୟ । କରନ ଯେଉଁଭଳି ଭାବେ ଖେଳୁଥିଲେ ତାକୁ ଦର୍ଶକ ବେଶ୍ ପସନ୍ଦ କରୁଥିଲେ । ଫାଇନ୍ରେ ଶୋ’ର ହୋଷ୍ଟ ସଲମାନ ଖାନ ଷ୍ଟେଜ୍ ଉପରେ ବିବିୟନ୍ ଏବଂ କରନ୍ଙ୍କ ହାତ ଧରିଥିଲେ । ସବୁ ସିଜନ୍ ପରି ସଲମାନ୍ ୱିନରଙ୍କ ହାତ ଟେକି ବିଜେତାଙ୍କ ନାମ ଘୋଷଣା କରିଥିଲେ ।

ଦର୍ଶକଙ୍କ ଭୋଟ ଆଧାରରେ ବିଗ ବସର ବିଜେତା ବଛାଯାଇଛି । ବିଜେତାଙ୍କୁ ୫୦ ଲକ୍ଷ ଟଙ୍କାର ପ୍ରାଇଜ ମନି ମିଳିଛି ।

ଲାଡଲା ହେଲେ କରନ: ଫାଇନାଲ ୱିକରେ ପହଞ୍ଚିଥିବା ୬ ଜଣ ଫାଇନାଲିଷ୍ଟଙ୍କ ଭିତରୁ ଇଶା ପ୍ରଥମେ ଘରୁ ବାହାର ହୋଇଥିଲେ । ଏହାପରେ ଚୁମ୍ ଡରାଙ୍ଗଙ୍କୁ ମଧ୍ୟ ଘର ଛାଡ଼ିବାକୁ ପଡ଼ିଥିଲା । ଶେଷରେ ବିଗ୍ ବସ୍ ହାଉସରୁ ବିଦା ହୋଇଥିଲେ, ଅଭିନାଶ ମିଶ୍ରା । ଟପ୍ ୩ ଫାଇନାଲିଷ୍ଟ ଭାବେ ବିବିୟନ, କରନ ଏବଂ ରଜତଙ୍କ ନାମ ଘୋଷଣା କରାଯାଇଥିଲା ।

କମ୍ ଭୋଟ ମିଳିବା କାରଣରୁ ରଜତ ଘରୁ ବାହାରିଯାଇଥିଲେ । ଯାହାପରେ ବିବିୟନ୍ ଏବଂ କରନଙ୍କ ମଧ୍ୟରୁ ସଲମାନ ବିଜେତା ଘୋଷଣା କରିଥିଲେ ।

କରନ ବୀରଙ୍କ ଖେଳକୁ ସମସ୍ତେ ପସନ୍ଦ କରୁଥିଲେ । ଘରେ ରହିବା ପାଇଁ ତାଙ୍କୁ ବହୁତ କଥା ଶୁଣିବାକୁ ପଡ଼ିଛି । କେତେବେଳେ ତାଙ୍କ ଶରୀରକୁ ଆଘାତ ଲାଗିଛି ତ ଆଉ କେତେବେଳେ ତାଙ୍କୁ ମାନସିକ ସ୍ତରରେ ଭାଙ୍ଗିବାକୁ ଚେଷ୍ଟା କରାଯାଇଛି ।
ହିନ୍ଦୀ ସିରିଏଲରେ ଅଭିନୟ କରୁଥିବା କରନ ପୂର୍ବରୁ ଖତରୋ କୋ ଖିଲାଡି ଶୋ’ ଜିତିଛନ୍ତି ।