ବାପ୍ରେ ଏଲନ୍ ମସ୍କଙ୍କର ଘଣ୍ଟାକର ଦରମା ଏତେ ..! ଭାରତୀୟଙ୍କ ବର୍ଷକ ସାଲାରୀ ବି ତା’ ଠାରୁ କମ୍ ପଡିଯିବ
ନୂଆଦିଲ୍ଲୀ:ଟେକ୍ ଅରବପତି ଏଲନ ମସ୍କଙ୍କ ଘଣ୍ଟାକର ଆୟ ବିଷୟରେ ଶୁଣିଲେ ଆପଣଙ୍କ ହୋସ୍ ଉଡିଯିବ । କାରଣ ପ୍ରତି ମିନିଟ୍ରେ ସେ ୬,୮୮୭ ଡଲାର, ପ୍ରତି ଘଣ୍ଟାରେ ୪,୧୩,୨୨୦ ଡଲାର, ପ୍ରତିଦିନରେ ସେ ୯୯,୧୭,୨୮୦ ଡଲାର ଓ ପ୍ରତି ସପ୍ତାହରେ ୬,୯୪,୨୦, ୯୬୦ ଡଲାର ଆୟ କରିଥାନ୍ତି । ଗୁରୁବାର ଏକ ନୂଆ ରିପୋର୍ଟରେ ଏ ବିଷୟରେ ଖୁଲାସା ହୋଇଛି । ଫିନବୋଲ୍ଡ ଦ୍ୱାରା ମିଳିଥିବା ତଥ୍ୟ ଅନୁଯାୟୀ ଫେବୃୟାରୀ ୨୦୨୪ ମଧ୍ୟଭାଗ ସୁଦ୍ଧା ଏଲନ ମସ୍କଙ୍କ ମୋଟ ସମ୍ପତ୍ତି ୧୯୮.୯ ଅରବ ଡଲାର ରହିଛି । ମସ୍କଙ୍କ ମୋଟ ସଂପତ୍ତିର ଆକଳନ ବିଭିନ୍ନ ଉଦ୍ୟୋଗରେ ତାଙ୍କ ସେୟାର ଆଧାରରେ କରାଯାଏ । ଟେସଲାରେ ତାଙ୍କ ଅଂଶ ୨୦.୫%, ଷ୍ଟାରଲିଙ୍କରେ ୫୪%, ସ୍ପେସଏକ୍ସରେ ୪୨%, ଏକ୍ସରେ ୭୪%, ଦି ବୋରିଂ କମ୍ପାନୀରେ ୯୦%, ଏକ୍ସଏଆଇରେ ୨୫% ଓ ନ୍ୟୁରାଲିଙ୍କରେ ୫୦% ରହିଛି ।
ତେବେ ରିପୋର୍ଟରେ କୁହାଯାଇଛି ଏଲନ ମସ୍କଙ୍କ ପ୍ରତି ସେକେଣ୍ଡର ଆୟ ଗଣନା କରିବା ଲାଗି ତାଙ୍କର ମୋଟ ଆୟକୁ ଏକ ବର୍ଷରେ ସେକେଣ୍ଡ ସଂଖ୍ୟାରେ ବିଭାଜିତ କରାଯାଇଥାଏ । ଏହି ଅନୁସାରେ ତାଙ୍କର ପ୍ରତି ସେକେଣ୍ଡର ଆୟ ୧୧୪.୮୦ ଡଲାର ରହିଛି । ବିଶ୍ୱର ସବୁଠାରୁ ଧନୀ ବ୍ୟକ୍ତି ତାଲିକାରେ ଦ୍ୱିତୀୟ ସ୍ଥାନକୁ ଖସିବା ପରେ ବି ମସ୍କଙ୍କ ଆୟ ଉପରେ ରିପୋର୍ଟରେ ଜୋର ଦିଆଯାଇଛି ।
