ରାମନବମୀରେ ଆମିଷ ଖାଇବାକୁ ନେଇ JNUରେ ହିଂସା: ଏବିଭିପି ଛାତ୍ରଙ୍କ ଭିଡିଓ ଶେୟାର କଲେ ଆଇସି ଘୋଷ
ନୂଆଦିଲ୍ଲୀ: ଲେଫ୍ଟ ୱିଙ୍ଗ ଛାତ୍ର ଛାତ୍ରୀ ଏବଂ ଏବିଭିପି ଛାତ୍ରଛାତ୍ରୀଙ୍କ ମଧ୍ୟରେ ପୁଣି ଘଟିଯାଇଛି ସଂଘର୍ଷ । ତେବେ କୌଣସି ଗୁରୁତର ପ୍ରସଙ୍ଗକୁ ନେଇ ନୁହେଁ ବରଂ ଆମିଷ ଖାଇବାକୁ ନେଇ ଦୁଇ ପକ୍ଷଙ୍କ ମଧ୍ୟରେ ଘଟିଛି ସଂଘର୍ଷ । ରାମନବମୀରେ ଆମିଷ ଖାଇବାକୁ ନେଇ ଉଭୟ ପକ୍ଷର ଛାତ୍ର ଗୋଷ୍ଠୀଙ୍କ ମଧ୍ୟରେ ହୋଇଥିଲା ସଂଘର୍ଷ । ବାମପନ୍ଥୀ ଛାତ୍ରଛାତ୍ରୀଙ୍କୁ ଆମିଷ ଖାଇବାକୁ ବାରଣ କରିବା ସହିତ ଏବିଭିପିର ଛାତ୍ରଛାତ୍ରୀ ହିଂସାକାଣ୍ଡ ଘଟାଇଥିଲେ । ଏହା ସହିତ କାବେରୀ ହଷ୍ଟେଲ କ୍ୟାମ୍ପସରେ ମେସ୍ ସେକ୍ରେଟାରୀଙ୍କୁ ମଧ୍ୟ ଏବିଭିପି ଛାତ୍ରଛାତ୍ରୀ ଆକ୍ରମଣ କରିଥିବାର ଅଭିଯୋଗ ଆସିଛି ।
ଅନ୍ୟ ପକ୍ଷରେ ହଷ୍ଟେଲ କ୍ୟାମ୍ପସରେ ବାମପନ୍ଥୀ ଛାତ୍ର ମାନେ ପ୍ରଭୁ ଶ୍ରୀରାମଙ୍କ ପୂଜା କରାଇ ଦେଉନଥିବା ନେଇ ଏବିଭିପି ପକ୍ଷରୁ ଅଭିଯୋଗ ଆସିଛି । ଏହି ଘଟଣା ପରେ ବିଶ୍ୱ ବିଦ୍ୟାଳୟ ପକ୍ଷରୁ ଏକ ନୋଟିସ୍ ମଧ୍ୟ ଜାରି କରାଯାଇଛି । ଖାଦ୍ୟପେୟ ଉପରେ କୌଣସି କଟକଣା ନାହିଁ । ବିଶ୍ୱ ବିଦ୍ୟାଳୟ କର୍ତ୍ତୃପକ୍ଷଙ୍କ ତରଫରୁ ଆମିଷ ଖାଇବା ଉପରେ କୌଣସି ରୋକ ନାହିଁ ବୋଲି ନୋଟିସରେ ସ୍ପଷ୍ଟ ଉଲ୍ଲେଖ ରହିଛି । ରାମ ନବମୀ ହେଉ କି ରମଜାନ୍ ସମସ୍ତଙ୍କୁ ସବୁକିଛି ଖାଇବାର ଅଧିକାର ରହିଛି ବୋଲି ସ୍ପଷ୍ଟ କରିଛନ୍ତି କର୍ତ୍ତଅପକ୍ଷ ।
ଜେଏନ୍ୟୁ ରେକ୍ଟର ଅଜୟ ଦୁବେ କହିଛନ୍ତି, ସମସ୍ତେ ନିଜର ଧର୍ମ ପାଳନ କରନ୍ତୁ । ମେସକୁ ଛାତ୍ର ସଂଘ ପରିଚାଳନା କରୁଥିବା ବେଳେ ମେନୁ ସେହିମାନେ ହିଁ ନିର୍ଦ୍ଧାରଣ କରିଥାନ୍ତି । ଏହି ଘଟଣାକୁ ନେଇ ହଷ୍ଟେଲ ୱାର୍ଡେନଙ୍କୁ ନୋଟିସ ଦିଆଯାଇଥିବା ବେଳେ ସମସ୍ତେ ନିଜ ନିଜ ଆସ୍ଥା ଓ ବିଶ୍ୱାସ ଅନୁସାରେ ପୂଜା କରି ପାରିବେ ବୋଲି କଲେଜ କର୍ତ୍ତୃପକ୍ଷ କହିଛି ।
ଉଭୟ ପକ୍ଷଙ୍କ ପକ୍ଷରୁ ଦୋଷାରୋପର ରାଜନୀତି ଜାରି ରହିଥିବା ବେଳେ ପରସ୍ଥିତି ନିୟନ୍ତ୍ରଣରେ ଥିବା କହିଛନ୍ତି ସାଉଥୱେଷ୍ଟ ଡିସିପି । ଉଭୟ ପକ୍ଷ ଶାନ୍ତିପୂର୍ଣ୍ଣ ଢଙ୍ଗରେ ଆନ୍ଦୋଳନ କରୁଥିବାରୁ କୌଣସି ଅଭିଯୋଗ ଆସିଲେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି ସେ କହିଛନ୍ତି । ଅନ୍ୟ ପକ୍ଷରେ ଜେଏନୟୁ ସଭାପତି ଆଇସି ଘୋଷ ଭିଡିଓଟିକୁ ଶେୟାର କରିବା ସହିତ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଦେଖନ୍ତୁ ଭିଡିଓ…..
ABVP hooligans stopped residents inside JNU from having non Veg food
ABVP also assaulted the mess secretary of the Hostel.
Unite against the hooliganism unleashed by ABVP inside campus premises.https://t.co/3MpRE9zXn4 pic.twitter.com/Fy3HU7qg8J
— Aishe (ঐশী) (@aishe_ghosh) April 10, 2022