ମଦ କିଣିବାକୁ ଆସିଥିବା ମହିଳା କହିଲେ ଔଷଧ କାମ କରିବନି, ମଦ କାମ କରିବ
ନୁଆଦିଲ୍ଲୀ, ୧୯ ।୪ (ଓଡିଶା ଭାସ୍କର) : : ରାଜଧାନୀ ଦିଲ୍ଲୀରେ କରୋନା ସଂକ୍ରମଣ ଦ୍ରୁତ ଗତିରେ ବଢ଼ିବାକୁ ଲାଗିଛି । ଏହାକୁ ଦେଖି ସୋମବାର ଦିଲ୍ଲୀ ସରକାର ରାଜ୍ୟରେ ୬ ଦିନ ଲକଡାଉନ୍ ଘୋଷଣା କରିଛନ୍ତି । ଲକଡାଉନ୍ ଲାଗିବା ଫଳରେ ପୁର୍ବବର୍ଷ ପରି ଏଥର ମଧ୍ୟ ମଦ ଦୋକାନ ଆଗରେ ଲୋକଙ୍କ ଲମ୍ବା ଲାଇନ୍ ଦେଖିବାକୁ ମିଳିଛି । ବର୍ତ୍ତମାନ ଦିଲ୍ଲୀରେ ମେଡିସିନ୍ ଦୋକାନଠାରୁ ମଦ ଦୋକାନ ଆଗରେ ଅଧିକ ଭିଡ ଦେଖିବାକୁ ମିଳିଛି । ଲକଡାଉନ୍ ଘୋଷଣା ହେବା ପରଠାରୁ ଲୋକେ ମଦ କିଣିବାକୁ ଦୋକାନରେ ଭିଡ ଲଗାଇଛନ୍ତି ।
One week #lockdown impact in Delhi. #GoleMarket
Delhi Police Deployed. #lockdowndelhi pic.twitter.com/THjpkKjp4S— Ashoke Raj (@Ashoke_Raj) April 19, 2021
ଦିଲ୍ଲୀର ପ୍ରାୟ ସବୁ ମଦ ଦୋକାନ ଆଗରେ ଲମ୍ବା ଲାଇନ୍ ଦେଖିବାକୁ ମିଳିଛି । କରୋନା ନିୟମକୁ ଫୁ କରି ଲୋକେ ମଦ କିଣିବାରେ ବ୍ୟସ୍ତ ଅଛନ୍ତି । ଦରିଆଗଞ୍ଜ, ଗୋଲ ମାର୍କେଟ୍, ଲକ୍ଷ୍ମୀନଗର ଆଦି ସ୍ଥାନରେ ଏହି ଭଳି କିଛି ଦୃଶ୍ୟ ଦେଖିବାକୁ ମିଳିଛି । ସେଠାରେ ଥିବା କିଛି ଲୋକ କରୋନାକୁ ନେଇ ଅଜବ ଗଜବ କଥା କହୁଛନ୍ତି । ମଦ କିଣିବାକୁ ଆସିଥିବା ଜଣେ ଯୁବକ କହିଛି ଯେ, ସେ ତା ପାଇଁ କିଣିବାକୁ ଆସିନି ବରଂ ତା ମାଲିକଙ୍କ ପାଇଁ କିଣିବାକୁ ଆସିଛି । ସେହିପରି ଆଉ ଜଣେ କହିଛନ୍ତି ଯେ, କରୋନା ସମୟରେ ଅର୍ଥବ୍ୟବସ୍ଥାକୁ ସହଯୋଗ କରିବା ପାଇଁ ମଦ କିଣିବାକୁ ଆସିଛି ।
#WATCH Delhi: A woman, who has come to purchase liquor, at a shop in Shivpuri Geeta Colony, says, “…Injection fayda nahi karega, ye alcohol fayda karegi…Mujhe dawaion se asar nahi hoga, peg se asar hoga…” pic.twitter.com/iat5N9vdFZ
— ANI (@ANI) April 19, 2021
ଏଥିସହିତ ଜଣେ ମହିଳା ମଦ କିଣିବାକୁ ଆସିଥିବା ବେଳେ ସେ କହିଛନ୍ତି ଯେ, କରୋନା ଇଞ୍ଜେକସନ୍ କାମ କରିବନି ବରଂ ମଦର ଗୋଟିଏ ପେକ୍ ପିିଇଲେ କରୋନା ହେବ ନାହିଁ । ମଦରେ ଆଲକୋହଲ୍ ରହିଥାଏ, ତେଣୁ କରୋନା ହେବ ନାହିଁ । ଯେଉଁ ମାନେ ମଦ ପିଇବେ ସେମାନେ ଠିକ୍ ରହିବେ । ତେଣୁ ଲକଡାଉନ୍ ସମୟରେ ମଦ ଦୋକାନ ଖୋଲା ରଖିବା ଦରକାର ଯାହା ଫଳରେ ସେ ଡାକ୍ତରଙ୍କ ପାଖକୁ ଯିବାରୁ ବଞ୍ଚିଯିବେ ।
ସୁଚନାଯୋଗ୍ୟ ଯେ, ଦିଲ୍ଲୀରେ ଆଜି କେଜ୍ରିୱାଲ୍ ସରକାର ଲକଡାଉନ୍ ଲାଗୁ କରିଛନ୍ତି । ଆଜି ରାତି ୧୦ଟାରୁ ସୋମବାର ସକାଳ ୫ଟା ଯାଏଁ ଲକଡାଉନ୍ ଜାରି ରହିବ । ଏହି ସମୟରେ ଜରୁରୀକାଳୀନ ସେବା ବ୍ୟତୀତ ସବୁ କାର୍ଯ୍ୟକଳାପ ବନ୍ଦ ରହିବ । ରାଜ୍ୟରେ ଦୁଇ ଦିନ ଭିତରେ ୫୦ ହଜାର ଆକ୍ରାନ୍ତ ଚିହ୍ନଟ ପରେ ସରକାର କଠୋର ପଦକ୍ଷେପ ଗ୍ରହଣ କରିଛନ୍ତି ।