୬୦୩ ଟଙ୍କାରେ ଏଲପିଜି ସିଲିଣ୍ଡର: ମୋଦୀ ସରକାରଙ୍କ ଏହି ଯୋଜନା ଆଗରେ ଫିକା ପଡିଲା ପଡୋଶୀ ଦେଶ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା (ପିଏମୟୁୱାଇ) ଅଧୀନରେ ରୋଷେଇ ଗ୍ୟାସର ମୁଣ୍ଡପିଛା ହାରାହାରି ବ୍ୟବହାର ଏପ୍ରିଲ-ଅକ୍ଟୋବରରେ ବାର୍ଷିକ ୩.୮ ସିଲିଣ୍ଡର ରିଫିଲ ପର୍ଯ୍ୟନ୍ତ ଉନ୍ନତି ହୋଇଛି, ଯାହା ୨୦୧୯-୨୦ (ଏଫୱାଇ୨୦) ରେ ୩.୦୧ ରିଫିଲ ଏବଂ ଚଳିତବର୍ଷ ୨୩ ରେ ୩.୭୧ ରିଫିଲ ୍ଥିଲା ।
ନିକଟରେ ପେଟ୍ରୋଲିୟମ ମନ୍ତ୍ରୀ ହରଦୀପ ସିଂ ପୁରୀ ସଂସଦକୁ ଏହି ସୂଚନା ଦେଇଛନ୍ତି । ହରଦୀପ ସିଂ ପୁରୀ ଏହା ମଧ୍ୟ କହିଛନ୍ତି ଯେ, ଗରିବ ପରିବାର ପାଇଁ ଇନ୍ଧନକୁ ସୁଲଭ ମୂଲ୍ୟରେ ରଖିବା ପାଇଁ ସରକାରଙ୍କ ପଦକ୍ଷେପ ଏହାର ମୂଲ୍ୟ ପାକିସ୍ତାନ ଏବଂ ଶ୍ରୀଲଙ୍କା ପରି ପଡୋଶୀ ଦେଶ ତୁଳନାରେ ଶସ୍ତା ରଖିବାରେ ପ୍ରଭାବଶାଳୀ ରହିଛି ।
୩୦୦ ଟଙ୍କା ସବସିଡି :-
ସରକାର ପିଏମୟୁୱାଇ ହିତାଧିକାରୀଙ୍କ ପାଇଁ ୧୪.୨ କିଲୋଗ୍ରାମ ଏଲପିଜି ସିଲିଣ୍ଡର ମୂଲ୍ୟ ଉପରେ ୩୦୦ ଟଙ୍କା ସବସିଡି ପ୍ରଦାନ କରୁଛନ୍ତି । ଏହି ସବସିଡି ପରେ ଦେଶର ରାଜଧାନୀ ଦିଲ୍ଲୀର ହିତାଧିକାରୀମାନେ ୬୦୩ ଟଙ୍କାରେ ଏଲପିଜି ସିଲିଣ୍ଡର ପାଇଛନ୍ତି । ପିଏମୟୁୱାଇ ନଥିବା ଘରୋଇ ଗ୍ରାହକଙ୍କ ପାଇଁ ଏହାର ମୂଲ୍ୟ ୯୦୩ ଟଙ୍କା । ହରଦୀପ ପୁରୀ ଦେଇଥିବା ତଥ୍ୟ ଅନୁଯାୟୀ ପାକିସ୍ତାନରେ ଏଲପିଜି ସିଲିଣ୍ଡରର ମୂଲ୍ୟ ୧,୦୫୯.୪୬ ଟଙ୍କା, ଶ୍ରୀଲଙ୍କାରେ ୧,୦୩୨.୩୫ ଟଙ୍କା ଏବଂ ନେପାଳରେ ୧,୧୯୮.୫୬ ଟଙ୍କା ରହିଛି ।
