ଧୂମପାନ ନକରି ହେଉଛି ଫୁସଫୁସ କର୍କଟ: ବାୟୁ ପ୍ରଦୂଷଣ ପାଲଟିଛି ଭାରତର ନୂଆ ଭିଲେନ୍
ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ବାୟୁ ପ୍ରଦୂଷଣ ସ୍ୱାସ୍ଥ୍ୟ ପ୍ରତି ବିପଦ ସାଜିଛି । ବିଶେଷଜ୍ଞମାନେ ଚେତାବନୀ ଦେଇଛନ୍ତି ଯେ, ଫୁସଫୁସ କର୍କଟ ରୋଗ (ବିଶେଷକରି ଧୂମପାନକାରୀମାନଙ୍କ ମଧ୍ୟରେ) ଦ୍ରୁତ ଗତିରେ ବଢ଼ୁଛି ଏବଂ ଏହାର ମୁଖ୍ୟ କାରଣ ହେଉଛି ବାୟୁ ପ୍ରଦୂଷଣ । ଗୁରୁବାର ଦିନ ଦିଲ୍ଲୀର ବାୟୁ ଗୁଣବତ୍ତା ସାମାନ୍ୟ ଉନ୍ନତ ହୋଇଛି ଏବଂ ଏହାକୁ ‘ଅତ୍ୟନ୍ତ ଖରାପ’ ଶ୍ରେଣୀରେ ରେକର୍ଡ କରାଯାଇଛି (ଏକ୍ୟୁଆଇ ୩୭୯), କିନ୍ତୁ ଅନେକ କ୍ଷେତ୍ରରେ ପ୍ରଦୂଷଣ ବିପଜ୍ଜନକ ସ୍ତରରେ ରହିଛି ।
ଫୋର୍ଟିସ୍ ମେମୋରିଆଲ୍ ରିସର୍ଚ୍ଚ ଇନଷ୍ଟିଚ୍ୟୁଟର ଡକ୍ଟର ରାହୁଲ କହିଛନ୍ତି ଯେ, ଭାରତରେ ବାୟୁ ପ୍ରଦୂଷଣର ମାତ୍ରା ବୃଦ୍ଧି ହେଉଛି ଫୁସଫୁସ କର୍କଟ ରୋଗର ବୃଦ୍ଧିର କାରଣ । ପିଏମ୨.୫ ପରି ପ୍ରଦୂଷକ ପଦାର୍ଥର ଦୀର୍ଘକାଳୀନ ସଂସ୍ପର୍ଶରେ ଆସିବା ଫୁସଫୁସ ଟିସୁକୁ କ୍ଷତି ପହଞ୍ଚାଏ ଏବଂ କର୍କଟ ରୋଗର ଆଶଙ୍କା ବଢ଼ାଇଥାଏ । ଇକ୍ଲିନିକାଲ୍ ମେଡିସିନ୍ ଜର୍ଣ୍ଣାଲରେ ପ୍ରକାଶିତ ଏକ ଅଧ୍ୟୟନରୁ ଜଣାପଡିଛି ଯେ ଭାରତରେ ଅଧିକାଂଶ ଫୁସଫୁସ କର୍କଟ ରୋଗୀ ଧୂମପାନ କରନ୍ତି ନାହିଁ । ଏହା ସହିତ ପାଶ୍ଚାତ୍ୟ ଦେଶ ତୁଳନାରେ ପ୍ରାୟ ୧୦ ବର୍ଷ ପୂର୍ବେ ଭାରତୀୟ ରୋଗୀଙ୍କଠାରେ ଏହି ରୋଗ ଦେଖାଯାଉଛି ।
ଗମ୍ଭୀର ସମସ୍ୟା ବୃଦ୍ଧି ପାଇଲା :-
ମେଡିକାଲ ଅଙ୍କୋଲୋଜିର ମୁଖ୍ୟ ଡକ୍ଟର ଅଶୋକ ଗୁପ୍ତା କହିଛନ୍ତି ଯେ, ଧୂମପାନ ନ କରୁଥିବା ବ୍ୟକ୍ତିଙ୍କ ଫୁସଫୁସ କର୍କଟ ପ୍ରାୟତଃ ଆଡେନୋକାର୍କିନୋମା ‘ପ୍ରକାରର ହୋଇଥାଏ, ଯାହା ସାଧାରଣତଃ ଫୁସଫୁସର ବାହ୍ୟ ଅଂଶରୁ ଆରମ୍ଭ ହୋଇଥାଏ । ଏହି ରୋଗ ଆରମ୍ଭରେ ଲକ୍ଷଣହୀନ ରହିଥାଏ, ଯେଉଁ କାରଣରୁ ଏହା ବିଳମ୍ବରେ ଚିହ୍ନଟ ହୁଏ ।
