Breaking: ଗିରଫ ହେଲା ମୁଖ୍ୟ ଅଭିଯୁକ୍ତ ରମା, ରସୁଲଗଡ଼ ଛକ ଉପରେ ସହଦେବକୁ ବିଭତ୍ସ ଭାବେ କରିଥିଲା ହତ୍ୟା

ଭୁବନେଶ୍ୱର: ଭୁବନେଶ୍ୱରର ବହୁ ଚର୍ଚ୍ଚିତ ସହଦେବ ନାଏକ ହତ୍ୟାକାଣ୍ଡ ମାମଲା। ୪୦ ଦିନ ପରେ ଆତ୍ମସମର୍ପଣ କଲା ମୁଖ୍ୟ ଅଭିଯୁକ୍ତ ରମା ନାଏକ। ଆତ୍ମସମର୍ପଣ ପରେ ଗିରଫ କଲା ମଞ୍ଚେଶ୍ୱର ଥାନା ପୋଲିସ।

ଦିବାଆଲୋକରେ ସର୍ବସାଧାରଣ ସମ୍ମୁଖରେ ବିଚ୍ ରାସ୍ତା ଉପରେ ସହଦେବ ନାଏକର ଗଣ୍ଡିରୁ ମୁଣ୍ଡକୁ ଅଲଗା କରିଦେଇଥିଲା। ରସୁଲଗଡ ବ୍ରିଜ ଉପରେ ବୋହି ଥିଲା ରକ୍ତର ବନ୍ୟା।

ରାସ୍ତା ଉପରେ ଛିଡା ହୋଇ ଦେଖୁଥିଲେ ଶହ ଶହ ଲୋକ ହେଲେ କେହି ହେଲେ ସହଦେବକୁ ବଞ୍ଚାଇ ପାରିଲେନାହିଁ। ଝିଅକୁ ସ୍କୁଲରେ ଛାଡ଼ି ଆସିବା ବାଟରେ ସୁପାରି ଲଗାଇ ସହଦେବକୁ ହାଣି ମାରିଦେଇଥିଲା ମୁଖ୍ୟ ଅଭିଯୁକ୍ତ ରମା ନାଏକ।

ଘଟଣା ଘଟିଥିଲା ଜାନୁଆରୀ ମାସ ୮ ତାରିଖ ସକାଳ ସମୟରେ। ପରେ ୨୪ ଘଣ୍ଟା ମଧ୍ୟରେ ସହଦେବକୁ ରାସ୍ତା ଉପରେ ହାଣିଥିବା ଦୁଇ ଅଭିଯୁକ୍ତକୁ ଗରିଫ କରିଥିଲା ପୋଲିସ। ପରେ ଆଉ ତିନି ଜଣଙ୍କୁ ମଧ୍ୟ ଗିରଫ କରାଯାଇଥିଲା।

ବାରମ୍ୱାର ପରିବାର ପକ୍ଷରୁ ରମା ନାଏକ ନାଁରେ ଅଭିଯୋଗ ଆସୁଥିଲେ ସୁଦ୍ଧା ରମାକୁ ଗିରଫ କରିବାରେ ଅସଫଳ ଥିଲା ପୋଲିସ। ଯେହେତୁ ସେହି ଦିନଠାରୁ ଫେରାର ଥିଲା ରମା ସେଥିପାଇଁ ପୋଲିସର ତାର ଟେର ପାଇନଥିଲା।

ହେଲେ ଘଟଣା ଘଟିବାର ଦୀର୍ଘ ୪୦ ଦିନ ପରେ ଆଜି ସକାଳୁ ନିଜେ ନିଜ ଦୋଷ ମାନିବା ସହ ଆତ୍ମସମର୍ପଣ କରିଛି ସହଦେବକୁ ହତ୍ୟା କରିଥିବା ମୁଖ୍ୟ ଅଭିଯୁକ୍ତ ରମା ନାଏକ। ଆତ୍ମସମର୍ପଣ ପରେ ମଞ୍ଚେଶ୍ୱର ପୋଲିସ ରମାକୁ ଗିରଫ କରିଛି। ଏହି ଗରିଫକୁ ଲଗେଇ ମୋଟ ୭ଜଣ ଗିରଫ ହୋଇଛନ୍ତି।