ମାଲକାନଗିରି ପୋଲିସକୁ ବଡ଼ ସଫଳତା, SLR ସହ ୫୨ଟି ଅଫୁଟା ଗୁଳି ଜବତ
ମାଲକାନଗିରି: ମାଲକାନଗିରି ପୋଲିସକୁ ମିଳିଛି ବଡ଼ ସଫଳତା । ମାଲକାନଗିରି ଜିଲ୍ଲା ମୋଟୁ ଥାନା ଅନ୍ତର୍ଗତ ଜିନେଲଡ଼ା ଠାରେ ମାଓବାଦୀମାନେ ବିସ୍ପୋରକ ସାମଗ୍ରୀ ମାଟି ତଳେ ପୋତି ରଖିବା ସହ କୋଣସି ଯୋଜନା କରୁଥିବାର ସୂଚନା ପାଇଥିଲେ ମାଲକାନଗିରି ଏସପି ।
ପରେ ଏସପିଙ୍କ ନେତୃତ୍ଵରେ ଡି ଭି ଏଫ୍ ର ଏକ ଟିମ ଅପରେସନ ଆରମ୍ଭ କରିଥିଲେ ।
ସୂଚନା ଅନୁଯାୟୀ ଜଙ୍ଗଲ ମଧ୍ୟରେ ମାଟି ତଳୁ ଏକ ମାଓବାଦୀ ଡମ୍ପ ଉଦ୍ଧାର କରିଥିଲା ପୋଲିସ । ସେଥିରେ ଗୋଟିଏ ଅତ୍ୟାଧୁନିକ SLR ବନ୍ଧୁକ ,୫୨ ଟି ଜୀବନ୍ତ ଗୁଳି ,ମୋବାଇଲ ଫୋନ ,କିଟ ବ୍ୟଗ, ପରି ଅନେକ ମାଓ ସାମଗ୍ରୀ ଥିଲା ।
ମାଓବାଦୀ ପୁଣି ସଂଘଟିତ ହୋଇ ପୋଲିସ ଉପରେ ଆକ୍ରମଣ କରିବା ପାଇଁ ଏପରି ବିଭିନ୍ନ ଯୋଜନା କରିଥିବାର ନଜିର ରହିଛି । ଅନ୍ୟପଟେ ମାଓବାଦୀଙ୍କ ଯୋଜନା ପଣ୍ଡ କରିଛି ମାଲକାନଗିରି ପୋଲିସ ।