(Video)ତଟକା ପରିବା ଭାବି ଘରକୁ ଆଣୁଥିବା ପରିବା ହେଇପାରେ କେମିକାଲ ଯୁକ୍ତ, ଦେଖନ୍ତୁ କିଭଳି କେମିକାଲ ଦେଇ ସତେଜ କରାଯାଉଛି ପରିବା
ନୂଆଦିଲ୍ଲୀ: ପନିପରିବା ବିକ୍ରେତାମାନେ ପନିପରିବାକୁ ସତେଜ ରଖିବା ପାଇଁ ଏହା ଉପରେ ରାସାୟନିକ ପଦାର୍ଥ ବ୍ୟବହାର କରନ୍ତି। ଅନେକ ଥର ଆମେ ନିଜେ ପନିପରିବା କିଣିବା ସମୟରେ ସତର୍କ ରହିଥାଉ ଏବଂ ବଜାରରେ ସୁନ୍ଦର ସବୁଜ ରଙ୍ଗ ପନିପରିବା ଦେଖି କିଣିଥାଉ କିନ୍ତୁ ବେଳେବେଳେ ଆମେ ନିଜେ ଜାଣି ନଥାଉ କେଉଁ ପନିପରିବା ଭଲ। ପନିପରିବାରେ ରାସାୟନିକ ପଦାର୍ଥ ମିଶ୍ରଣର ଭିଡିଓ ପ୍ରାୟତଃ ସୋସିଆଲ ମିଡିଆରେ ଭାଇରାଲ ହୁଏ। ଆଜିକାଲି ସୋସିଆଲ ମିଡିଆରେ ଏକ ଭିଡିଓ କ୍ଲିପ୍ ଖୁବ ଭାଇରାଲ ହେଉଛି।
ଭାଇରାଲ ହେଉଥିବା ଭିଡିଓରେ ଏହା ଦେଖିବାକୁ ମିଳେ ଯେ ଜଣେ ବ୍ୟକ୍ତି ଏକ ଶୁଖିଲା ପତ୍ରର ଉଦ୍ଭିଦକୁ ତରଳ ପଦାର୍ଥରେ ବୁଡ଼ାଇ ଦିଅନ୍ତି। ଏହା ପରେ ଏହାକୁ ଏକ ପ୍ଲାଷ୍ଟିକ୍ କ୍ୟାରେଟ୍ ଉପରେ ରଖାଯାଏ । ଆଉ ବାସ କିଛି ସମୟ ପରେ ଏହି ଉଦ୍ଭିଦର ପତ୍ରଗୁଡ଼ିକ ସବୁଜ ହେବା ଆରମ୍ଭ କରେ। ଝାଉଁଳି ଯାଇଥିବା ପତ୍ର ପୁଣି ଥରେ ସତେଜ ହେଇଯାଏ । ଲୋକମାନେ ଏହି ଭିଡିଓ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି।
A two minute real life horror story. 😱 pic.twitter.com/gngzaTT56q
— Amit Thadhani (@amitsurg) March 17, 2023
ଭିଡ଼ିଓ ଦେଖି ଯାହା ଲାଗୁଛି ସବୁଜ ପତ୍ରଯୁକ୍ତ ପନିପରିବାକୁ ଦୀର୍ଘ ସମୟ ପର୍ଯ୍ୟନ୍ତ ତାଜା ରଖିବା ପାଇଁ, ଏହା ପ୍ରାୟତ ଏଥିରେ ରାସାୟନିକ ପଦାର୍ଥ ମିଶାଯାଏ।
ଏହି ଭିଡିଓକୁ ଜଣେ ଟ୍ୱିଟର ବ୍ୟବହାରକାରୀ ସେୟାର କରିଛନ୍ତି। ହଜାର ହଜାର ଉପଭୋକ୍ତା ଏହାକୁ ପସନ୍ଦ କରିଥିବାବେଳେ ଲକ୍ଷ ଲକ୍ଷ ଲୋକ ଏହାକୁ ଦେଖିଛନ୍ତି । ଅନେକ ଉପଭୋକ୍ତା ଭିଡିଓ ଉପରେ ମନ୍ତବ୍ୟ ଦେଉଛନ୍ତି। କେତେକ ଉପଭୋକ୍ତା ବିଶ୍ୱାସ କରନ୍ତି ଯେ ଏହି ରାସାୟନିକ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇଥିବ ।
ଜଣେ ଉପଭୋକ୍ତା ମନ୍ତବ୍ୟ ଦେଇଛନ୍ତି ଯେ “ଏହା କେଉଁ ରାସାୟନିକ ଅଟେ? ଏହି ସବୁ ଖାଦ୍ୟ ଖାଇବା ଦ୍ୱାରା ଆମର ରୋଗ ପ୍ରତିରୋଧକ ଶକ୍ତି ହ୍ରାସ ପାଉଛି।” ତେବେ ଆପଣ ମଧ୍ୟ ବଜାରରୁ ପରିବା ଆଣିଲା ବେଳ ଭଲ ଭାବରେ ଦେଖି ଆଣନ୍ତୁ କାରଣ ଯାହା ଆଖିକୁ ଦିଶେ ତାହା ସବୁବେଳେ ଭଲ ଏଭଳି ଭାବିବା ଭୁଲ ।ଏହି ଭିଡ଼ିଓ ଦେଖିବା ପରେ ବହୁ ଲୋକ ସଚେତନ ହେବା ସହିତ କିଭଳି ଅର୍ଗାନିକ ପରିବା ଖାଇବା ଆବଶ୍ୟକ ତାହା ଉପରେ ମଧ୍ୟ ମନ୍ତବ୍ୟ ଦେଇଛନ୍ତି ।
