ଆତ୍ମହତ୍ୟା କରିବା ପାଇଁ ଟ୍ରାକ୍ ଉପରେ ଶୋଇଗଲେ ଯୁବକ, ସ୍ପିଡରେ ଆସିଲା ଟ୍ରେନ୍; ସେତିକି ବେଳେ ହେଲା ଚମତ୍କାର- ଦେଖନ୍ତୁ ଭିଡିଓ
ନୂଆଦିଲ୍ଲୀ: ମୁମ୍ବାଇର ଶିବଡ଼ୀ ରେଳୱେ ଷ୍ଟେସନ୍ ରେ ଜଣେ ଯୁବକ ଆତ୍ମହତ୍ୟା କରିବାକୁ ଚେଷ୍ଟା କରୁଥିବା ବେଳେ ହଠାତ୍ ଚମତ୍କାର ହୋଇଗଲା । ଏହାର ଏକ ଭିଡିଓ ଭାରତୀୟ ରେଳବାଇର ଟୁଇଟର୍ ହ୍ୟାଣ୍ଡେଲରେ ସେୟାର୍ କରାଯାଇଛି । ଯେଉଁଥିରେ ଯୁବକଙ୍କ ଆତ୍ମହତ୍ୟା ବେଳର ସମ୍ପୂର୍ଣ୍ଣ ଦୃଶ୍ୟ କଏଦ୍ ହୋଇଛି । ଏଥିରେ ଦେଖିବାକୁ ମିଳିଛି ଯେ, ଜଣେ ଯୁବକ ଟ୍ରେନ୍ ଆସିବାର ମାତ୍ର କିଛି ସେକେଣ୍ଡ ପୂର୍ବରୁ ଟ୍ରାକ୍ କୁ ଯାଇ ମଝିରେ ଶୋଇପଡ଼ୁଛନ୍ତି । ତେବେ କିଛି ମିଟର୍ ଦୂରରୁ ଟ୍ରାକ୍ ରେ ଯୁବକ ଶୋଇଥିବା ଦେଖି ଟ୍ରେନ୍ ରେ ଥିବା ମୋଟରମ୍ୟାନ୍ ଜଣକ ଏମର୍ଜେନ୍ସି ବ୍ରେକ୍ ଲଗାଇଦେଇଥିଲେ । ଯାହାଫଳରେ ତାଙ୍କ ଜୀବନ ବଞ୍ଚିଯାଇଛି । ଏହା କୌଣସି ଚମତ୍କାର ଠାରୁ କମ୍ ନୁହେଁ । ଭିଡିଓଟିକୁ ପ୍ରଥମରୁ ଯଦି କେହି ଦେଖେ ତେବେ ସେ ନିଶ୍ଚିତ ଭାବରେ କହିଥାନ୍ତା ଯେ, ଟ୍ରେନ୍ ଟି ସେହି କ୍ଷଣି ଯୁବକଙ୍କ ଉପରେ ଚଢ଼ି ଚାଲିଯିବ । ହେଲେ ଉପଯୁକ୍ତ ସମୟରେ ହିଁ ଏହି ଚମତ୍କାର ଘଟିଥିବା ଦେଖିବାକୁ ମିଳିଛି । ଟ୍ରେନ୍ ଟି ଅଟକିବା ପରେ ସେଠାରେ ଥିବା କିଛି ସୁରକ୍ଷା କର୍ମୀ ଯୁବକଙ୍କୁ ଉଠାଉଥିବା ଭିଡିଓରେ ଦେଖିବାକୁ ମିଳିଛି ।
मोटरमैन द्वारा किया गया सराहनीय कार्य : मुंबई के शिवड़ी स्टेशन पर मोटरमैन ने देखा कि एक व्यक्ति ट्रैक पर लेटा है उन्होंने तत्परता एवं सूझबूझ से इमरजेंसी ब्रेक लगाकर व्यक्ति की जान बचाई।
आपकी जान कीमती है, घर पर कोई आपका इंतजार कर रहा है। pic.twitter.com/OcgE6masLl
— Ministry of Railways (@RailMinIndia) January 2, 2022
