ହାଇଦ୍ରାବାଦର ଆପାର୍ଟମେଣ୍ଟରେ ଭୀଷଣ ଅଗ୍ନିକାଣ୍ଡ: ୬ଜଣଙ୍କର ଯନ୍ତ୍ରଣାଦାୟକ ମୃତ୍ୟୁ
ନୂଆଦିଲ୍ଲୀ: ହାଇଦ୍ରାବାଦରେ ଏକ ବଡ଼ ଦୁର୍ଘଟଣା ଘଟିଛି । ସେଠାରେ ଥିବା ଏକ ଆପାର୍ଟମେଣ୍ଟରେ ନିଆଁ ଲାଗିବାରୁ ୬ଜଣଙ୍କର ମୃତ୍ୟୁ ଘଟିଛି । ମାମଲାଟି ନାମପଲ୍ଲୀ ଅଞ୍ଚଳରେ ଥିବା ଏକ ଆପାର୍ଟମେଣ୍ଟରେ ଘଟିଛି । ପୋଲିସର ସୂଚନାନୁସାରେ, ନାମପଲ୍ଲୀ ପୋଲିସ ଷ୍ଟେସନ ଅଞ୍ଚଳରେ ବଜାର ଘାଟରେ ଅବସ୍ଥିତ ଚାରି ମହଲା ବିଶିଷ୍ଟ ଆପାର୍ଟମେଣ୍ଟ ତଳେ ଥିବା ଏକ କାର ରିପାରିଂ ଗ୍ୟାରେଜରେ ହଠାତ୍ ନିଆଁ ଲାଗିଯାଇଥିଲା । ନିଆଁ ଶୀଘ୍ର ଆପାର୍ଟମେଣ୍ଟରେ ବ୍ୟାପିଗଲା, ଫଳରେ ସେଠାରେ ଥିବା ଲୋକମାନେ ବାହାରକୁ ଆସିପାରି ନଥିଲେ ।
ପୋଲିସର ସୂଚନାନୁସାରେ, ଅଗ୍ନିକାଣ୍ଡରେ ଫସି ରହିଥିବା ୬ ଜଣଙ୍କର ମୃତ୍ୟୁ ଘଟିଛି । ଅନେକ ଲୋକଙ୍କୁ ଉଦ୍ଧାର କରାଯାଇଛି । ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ତିନୋଟି ଫାୟାର ଇଞ୍ଜିନ ଘଟଣାସ୍ଥଳରେ ନିଆଁ ଲିଭାଇବାକୁ ଚେଷ୍ଟା କରୁଛନ୍ତି ।
ଘଟଣାସ୍ଥଳରୁ ସାମ୍ନାକୁ ଆସିଥିବା ଭିଡିଓରେ ନିଆଁ କିପରି ବ୍ୟାପୁଛି, ତାହା ଦେଖିବାକୁ ମିଳିଛି । ପ୍ରବଳ ଧୂଆଁ ଉଠୁଛି ଏବଂ ଦମକଳ ଗାଡ଼ି ସହିତ ସ୍ଥାନୀୟ ଲୋକ ନିଆଁ ଲିଭାଇବାକୁ ଚେଷ୍ଟା କରୁଛନ୍ତି । ନିଆଁ ଏତେ ଭୟଙ୍କର ଥିଲା ଯେ, ଆକାଶକୁ ଉଠୁଥିବା ଧୂଆଁ ଦୂରରୁ ମଧ୍ୟ ଦେଖାଯାଇପାରେ । ଆଖପାଖରେ ଅନେକ ଘର ଅଛି କିନ୍ତୁ ବର୍ତ୍ତମାନ ନିକଟସ୍ଥ ଘରଗୁଡ଼ିକରେ କୌଣସି କ୍ଷୟକ୍ଷତି ହେବାର ଖବର ନାହିଁ ।
