ସତର୍କ କରାଇଲା ପାଣିପାଗ ବିଭାଗ, ମାର୍ଚ୍ଚରୁ ହିଁ ରେକର୍ଡ ଭାଙ୍ଗିବ ଲୁ

ନୂଆଦିଲ୍ଲୀ: ମାର୍ଚ୍ଚ ମାସ ଆରମ୍ଭରୁ ଗରମର ପ୍ରଭାବ ଦେଖିବାକୁ ମିଳୁଛି । ସାଧାରଣତଃ ଏହି ଦିନଗୁଡ଼ିକରେ ହାଲୁକା ଶୀତ ଥାଏ, କିନ୍ତୁ ଋତୁ ପରିବର୍ତ୍ତନ ଯୋଗୁଁ ଶୀତ ଉଭାନ ହୋଇଯାଇଛି ।

ସର୍ବନିମ୍ନ ଏବଂ ସର୍ବାଧିକ ତାପମାତ୍ରା ବୃଦ୍ଧି ପାଉଛି । ମାର୍ଚ୍ଚରୁ ମେ ମାସରେ ଦେଶର ଅଧିକାଂଶ ସ୍ଥାନରେ ସର୍ବାଧିକ ତାପମାତ୍ରା ସ୍ୱାଭାବିକଠାରୁ ଅଧିକ ରହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ଉପଦ୍ୱୀପୀୟ ଭାରତର ଦକ୍ଷିଣ ଅଂଶ ଏବଂ ଉତ୍ତର-ପୂର୍ବ ଭାରତର ବିଚ୍ଛିନ୍ନ ସ୍ଥାନ ବ୍ୟତୀତ ସର୍ବାଧିକ ତାପମାତ୍ରା ସ୍ୱାଭାବିକ ଠାରୁ କମ୍ ରହିବ ବୋଲି ଆଶା କରାଯାଉଥିବା କୁହାଯାଉଛି ।

ମାର୍ଚ୍ଚରୁ କଲବଲ ହେବେ ଲୋକେ- ପାଣିପାଗ ବିଭାଗର ସତର୍କତା ନେଇ ଲୋକମାନେ ଭୟଭୀତ ଅବସ୍ଥାରେ ରହିଛନ୍ତି । ମାର୍ଚ୍ଚରୁ ହିଁ ସବୁ ଜଳି ଉଠିବ । ପାଣିପାଗ ବିଭାଗର ଆକଳ ଅନୁସାରେ, ଏଭଳି ସ୍ଥିତି ମାର୍ଚ୍ଚ ମାସରୁ ହିଁ ଆରମ୍ଭ ହୋଇପାରେ ।

ପାଣିପାଗ ବିଭାଗ ଅନୁଯାୟୀ, ମାର୍ଚ୍ଚରୁ ମେ ମାସ ମଧ୍ୟରେ ଦେଶର ଅଧିକାଂଶ ସ୍ଥାନରେ ସ୍ୱାଭାବିକ ଠାରୁ ଅଧିକ ହିଟଓ୍ବେଭର ସମ୍ଭାବନା ରହିଛି । ମାର୍ଚ୍ଚ 9 ତାରିଖରୁ ପଶ୍ଚିମ ହିମାଳୟ ଅଞ୍ଚଳକୁ ଏକ ନୂତନ ପଶ୍ଚିମୀ ବିଶୃଙ୍ଖଳା ପ୍ରଭାବିତ କରିବାର ସମ୍ଭାବନା ଅଛି । ଏହାର ପ୍ରଭାବରେ ଜମ୍ମୁ-କାଶ୍ମୀର, ଲଦାଖ, ହିମାଚଳ ପ୍ରଦେଶ ଏବଂ ଉତ୍ତରାଖଣ୍ଡରେ ବର୍ଷା ଏବଂ ତୁଷାରପାତ ହେବାର ସମ୍ଭାବନା ରହିଛି । ଉତ୍ତର-ପୂର୍ବ ଆସାମ ଏବଂ ସଂଲଗ୍ନ ଅଞ୍ଚଳଗୁଡ଼ିକ ଉପରେ ନିମ୍ନ ଟ୍ରପୋସ୍ଫେରିକ୍ ସ୍ତରରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି ।