‘ଅପରେସନ ସିନ୍ଦୂର’ ଲୋଗୋ ଡିଜାଇନ କରିଥିଲେ ଏହି ଦୁଇ ଯବାନ…

ନୂଆଦିଲ୍ଲୀ: ଏପ୍ରିଲ 22 ରେ ପହଲଗାମରେ ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣର ଜବାବ ଦେବାକୁ ଯାଇ ଭାରତୀୟ ସେନା ଆରମ୍ଭ କରିଥିବା ‘ଅପରେସନ୍‌ ସିନ୍ଦୂର’ । ଭାରତୀୟ ସେନା ନିଜର ବୀରତ୍ୱ ଏବଂ ସାହସ ଦେଖାଇ ମେ’ 7 ତାରିଖ ରାତିରେ ପାକିସ୍ତାନ ଏବଂ ପିଓକେରେ ଆତଙ୍କୀ ଆଡ଼ା ସ୍ଥଳ ଉପରେ ଆକ୍ରମଣ କରି ଆତଙ୍କବାଦୀ ଆଡ୍ଡାଗୁଡ଼ିକୁ ଧ୍ୱଂସ କରିଥିଲା ।

ଏହା ପରେ, ସେନା ‘ଅପରେସନ୍‌ ସିନ୍ଦୂର’ ର ଏକ ଲୋଗୋ ଜାରି କରିଥିଲା । ସେବେଠାରୁ, ‘ଅପରେସନ୍‌ ସିନ୍ଦୂର’ ର ଏହି ଲୋଗୋ ବହୁତ ଲୋକପ୍ରିୟ ହୋଇଛି। ତେବେ ଆପଣ ଜାଣିଛନ୍ତି କି ଏହି ‘ଅପରେସନ୍‌ ସିନ୍ଦୂର’ ଲୋଗୋ ଡିଜାଇନ ପଛର ମଣିଷ କିଏ ?

ଭାରତର ଅପରେସନ ସିନ୍ଦୂରର ସରଳ ଏବଂ ପ୍ରତୀକାତ୍ମକ ଲୋଗୋ ଦୁଇଜଣ ଯବାନଙ୍କ ଦ୍ୱାରା ଡିଜାଇନ୍ କରାଯାଇଛି। ଯାହା ସାରା ଦେଶବାସୀଙ୍କ ହୃଦୟକୁ ଛୁଇଁଥିଲା। ସେହି ଦୁଇ ଜଣ ଯବାନ ହେଉଛନ୍ତି, ଲେଫ୍ଟନାଣ୍ଟ କର୍ଣ୍ଣେଲ ହର୍ଷ ଗୁପ୍ତା ଏବଂ ହାବିଲଦାର ସୁରିନ୍ଦର ସିଂହ । ଯାହାକୁ ସାରା ଦେଶବାସୀ ପ୍ରଶଂସା କରିଥିଲେ ।

ବାସ୍ତବରେ ଭାରତୀୟ ସେନାର ଅପରେସନ ସିନ୍ଦୂରକୁ ନେଇ ଉତ୍ସର୍ଗୀକୃତ ପତ୍ରିକା ‘ବାତଚିତ୍’ର ସଦ୍ୟତମ ସଂସ୍କରଣରେ ଉଭୟଙ୍କ ଫଟୋ ମଧ୍ୟ ସ୍ଥାନ ପାଇଛି । ପତ୍ରିକାର 17 ପୃଷ୍ଠାର ପ୍ରଥମ ଭାଗରେ, ବଡ଼ ଅକ୍ଷରରେ ଲୋଗୋ ପ୍ରଦର୍ଶିତ ହୋଇଛି, ଯାହା ଉପରେ ଭାରତୀୟ ସେନାର ପ୍ରତୀକ ରହିଛି ।