(Video) ମେରା ରାମ୍, ମେରା ପ୍ରାଣ… ସଂଗୀତର ମୁର୍ଚ୍ଛନାରେ ମୋଦୀଙ୍କ ବାଣୀ: ‘ରାମ ମନ୍ଦିର’ ଭାଷଣକୁ ଗୀତରେ ଗାଇଲେ ତ୍ରିଚୁର ବ୍ରଦର୍ସ

ନୂଆଦିଲ୍ଲୀ: ନିକଟରେ ଶେଷ ହୋଇଛି ପବିତ୍ର ରାମ ନବମୀ ମହୋତ୍ସବ । ଏହି ଦିନ ଅଯୋଧ୍ୟା ରାମ ମନ୍ଦିରରେ ପ୍ରଭୁ ରାମଲଲାଙ୍କ ‘ସୂର୍ଯ୍ୟ ତିଳକ’ ଅନୁଷ୍ଠିତ ହୋଇଛି । ତେବେ ଏହାପୂର୍ବରୁ ଜାନୁୟାରୀ ୨୨ ତାରିଖରେ ଏହି ଭବ୍ୟ ମନ୍ଦିରର ପ୍ରାଣ ପ୍ରତିଷ୍ଠା ମଧ୍ୟ କରାଯାଇଛି । ପ୍ରଧାନମନ୍ତ୍ରୀ ମୋଦୀ ଏବଂ ଅନ୍ୟମାନଙ୍କ ଉଦ୍ୟମରେ ଏହା ସମ୍ଭବ ହୋଇପାରିଛି । ବର୍ତ୍ତମାନ ପ୍ରଭୁ ଶ୍ରୀରାମଙ୍କ ଉଦ୍ଦେଶ୍ୟରେ ଏବଂ କୋଟି ରାମଭକ୍ତଙ୍କ ପାଇଁ ଏକ ସଂଗୀତ ପରିବେଷଣ କରିଛନ୍ତି ତ୍ରଚୁର ବ୍ରଦର୍ସ । ତେବେ ରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବରେ ମୋଦୀଙ୍କ ଐତିହାସିକ ଭାଷଣ ଏହି ଗୀତରେ ଲିରିକ୍ସ ଭାବରେ ବ୍ୟବହାର କରାଯାଇଛି ।

ସଂଗୀତକାର ତଥା କଣ୍ଠଶିଳ୍ପୀ ତ୍ରିଚୁର ବ୍ରଦର୍ସ ତରଫରୁ ଖୁବଶୀଘ୍ର ରାମଭକ୍ତଙ୍କ ପାଇଁ ଏକ ଭକ୍ତିପୂର୍ଣ୍ଣ ଗୀତ ରିଲିଜ କରିବାକୁ ଯାଉଛି । ଏଥିରେ ଗୀତର ରଚନା ଦାୟିତ୍ୱରେ ରହିଛନ୍ତି ଖୋଦ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଅଯୋଧ୍ୟା ରାମ ମନ୍ଦିରର ‘ପ୍ରାଣ ପ୍ରତିଷ୍ଠା’ ଉତ୍ସବରେ ମୋଦୀଙ୍କ ଐତିହାସିକ ଭାଷଣକୁ ଏହି ଗୀତରେ ସ୍ୱର ଦିଆଯାଇଛି । ଏହି ଗୀତକୁ ତ୍ରିଚୁର ବ୍ରଦର୍ସ ହିଁ କମ୍ପୋଜ କରିଥିବା ବେଳେ ପ୍ରଯୋଜନାରେ ତ୍ରିଚୁର ବ୍ରଦର୍ସ ସହିତ ଅମ୍ରିତ କେ. ନାରାୟଣ ମଧ୍ୟ ରହିଛନ୍ତି । ଏହାସହିତ ନିର୍ଦ୍ଦେଶନାରେ ଅଛନ୍ତି ଭରଦ୍ୱାଜ ବାଲାଜୀ । ଏଭଳି ଏକ ଗୀତରେ କଣ୍ଠଦାନ କରିଛନ୍ତି ତ୍ରିଚୁର ବ୍ରଦର୍ସ ଏବଂ ରୀମା ରାମକୁମାର । ସେହିପରି ଅମ୍ରିତ କେ. ନାରାୟଣଙ୍କୁ ଏହାର ପ୍ରେଗ୍ରାମିଙ୍ଗ ଦାୟିତ୍ୱ ପ୍ରଦାନ କରାଯାଇଛି ।

This is an exceptional effort!

Prabhu Shri Ram embodies eternal righteousness and valour, inspiring generations with His deep commitment to Dharma and justice.

His greatness transcends time, guiding us with divine light and wisdom. https://t.co/RdoDmaUKcJ

— Narendra Modi (@narendramodi) April 18, 2024

 

ତେବେ ତ୍ରିଚୁର ବ୍ରଦର୍ସର ଏହି ଅଭିନବ ପ୍ରୟାସକୁ ଭୂରି ଭୂରି ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ମୋଦୀ । ତ୍ରିଚୁର ବ୍ରଦର୍ସକୁ ଧନ୍ୟବାଦ ଦେଇ ମୋଦୀ ଲେଖିଛନ୍ତି ଯେ, ଏହା ଏକ ଅସାଧାରଣ ପ୍ରୟାସ । ଧର୍ମ ଏବଂ ନ୍ୟାୟ ପ୍ରତି ତାଙ୍କର ଗଭୀର ପ୍ରତିବଦ୍ଧତା ସହିତ ପ୍ରଭୁ ଶ୍ରୀରାମ ଅନନ୍ତ ଧାର୍ମିକତା ଏବଂ ବୀରତ୍ୱର ପରିଚୟ ଦେଇଛନ୍ତି। ଏହି ଗୀତକୁ ପ୍ରଶଂସା କରିବା ସହ ଏହା ଦେଶର କୋଟି କୋଟି ରାମଭକ୍ତଙ୍କୁ ସମର୍ପଣ କରିଛନ୍ତି ପ୍ରଧାନମନ୍ତ୍ରୀ ମୋଦୀ ।

https://t.co/D3IiNUoo2q
Mera Ram || Mera Pran@narendramodi sir's historic speech is now the lyrics of our next production, dedicated to millions of Ram Bhakths.@narendramodi @PMOIndia @ShriRamTeerth @annamalai_k @nitin_gadkari @AmitShah

— Trichur Brothers (@TrichurBrothers) April 18, 2024