ଜନସେବା ପ୍ରସାରଣ ବାଧ୍ୟତାମୂଳକ: ନିର୍ଦ୍ଦେଶାବଳୀ ଜାରି କଲେ କେନ୍ଦ୍ର ସରକାର
ନୂଆଦିଲ୍ଲୀ: ଭାରତରେ ଟେଲିଭିଜନ ଚ୍ୟାନେଲଗୁଡ଼ିକର ଅପଲିଙ୍କିଂ ଏବଂ ଡାଉନ ଲିଙ୍କିଂ ପାଇଁ ନିର୍ଦ୍ଦେଶାବଳୀ ଜାରି କରିଛନ୍ତି କେନ୍ଦ୍ର ସରକାର। ସୂଚନା ଓ ପ୍ରସାରଣ ମନ୍ତ୍ରଣାଳୟ ଗାଇଡଲାଇନ ଅନୁଯାୟୀ, ବ୍ୟକ୍ତିଗତ ପ୍ରସାରଣକାରୀଙ୍କୁ ପ୍ରତିଦିନ ୩୦ ମିନିଟ୍ ପାଇଁ ଜନସେବା ପ୍ରସାରଣ କରିବାକୁ ପଡିବ। ଏହି ପରିପ୍ରେକ୍ଷୀରେ, ବେସରକାରୀ ସାଟେଲାଇଟ ଟିଭି ଚ୍ୟାନେଲ ବ୍ରଡକାଷ୍ଟର୍ ଏବଂ ସେମାନଙ୍କ ଆସୋସିଏସନ୍ ସହିତ ମନ୍ତ୍ରଣାଳୟ ବ୍ୟାପକ ପରାମର୍ଶ ନେଇଥିଲା ଏବଂ ସେମାନଙ୍କ ଇନପୁଟ୍ ଉପରେ ଆଧାର କରି ସୋମବାର ସୂଚନା ଓ ପ୍ରସାରଣ ମନ୍ତ୍ରଣାଳୟ ଏକ ‘ଗାଇଡଲାଇନ’ ଜାରି କରିଛି।
‘ଗାଇଡଲାଇନ’ ମାଧ୍ୟମରେ ମନ୍ତ୍ରଣାଳୟ ସ୍ପଷ୍ଟ କରିଛି ଯେ ଟେଲିକଷ୍ଟ କରାଯାଉଥିବା ପ୍ରୋଗ୍ରାମରେ ସଂପୃକ୍ତ ବିଷୟବସ୍ତୁକୁ ଜନସେବା ପ୍ରସାରଣ ବ୍ରଡକାଷ୍ଟିଂ ପାଇଁ ହିସାବ କରାଯାଇପାରିବ। ଏହା ମଧ୍ୟ ସ୍ପଷ୍ଟ କରାଯାଇଛି ଯେ ବିଷୟବସ୍ତୁ ଏକ ଷ୍ଟ୍ରେଚରେ ୩୦ ମିନିଟର ହେବା ଆବଶ୍ୟକ ନୁହେଁ ଏବଂ ଏହା ଛୋଟ ସମୟ ସ୍ଲଟ୍ ଉପରେ ବିସ୍ତାର ହୋଇପାରିବ। ଏବଂ ବ୍ରଡକାଷ୍ଟର ସେବା ପୋର୍ଟାଲରେ ଅନଲାଇନରେ ମାସିକ ରିପୋର୍ଟ ଦାଖଲ କରିବା କରିବାକୁ ପଡ଼ିବି। ପ୍ରସାରଣ ପାଇଁ ଥିମ୍ ଜାତୀୟ ମହତ୍ବର ବିଷୟବସ୍ତୁ ଏବଂ ସାମାଜିକ ପ୍ରାସଙ୍ଗିକତାକୁ ଅନ୍ତର୍ଭୁକ୍ତ କରିବା ଉଚିତ ବୋଲି ମନ୍ତ୍ରାଳୟ କୁହାଯାଇଛି।
ସେହିପରି ବେସରକାରୀ ସାଟେଲାଇଟ ଟିଭି ଚ୍ୟାନେଲଗୁଡିକ ଦ୍ୱାରା ସ୍ବେଚ୍ଛାକୃତ ଅନୁପାଳନ ଏବଂ ଆତ୍ମ-ପ୍ରମାଣପତ୍ର ମାଧ୍ୟମରେ ଜନସେବା ପ୍ରସାରଣର ଉଦ୍ଦେଶ୍ୟ ହାସଲ କରିବାକୁ ‘ଗାଇଡଲାଇନ’ରେ କୁହାଯାଇଛି ଚେଷ୍ଟା କରେ। ଜନସେବା ପ୍ରସାରଣ ପାଇଁ ତାଲିକା ଗୁଡିକ ନିମ୍ନରେ ରହିଲା।
- ଶିକ୍ଷା ଏବଂ ସାକ୍ଷରତାର ପ୍ରସାର।
- କୃଷି ଏବଂ ଗ୍ରାମୀଣ ବିକାଶ।
- ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ।
- ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା।
- ମହିଳାମାନଙ୍କର କଲ୍ୟାଣ।
- ସମାଜର ଦୁର୍ବଳ ଶ୍ରେଣୀର କଲ୍ୟାଣ।
- ପରିବେଶ ଏବଂ ସାଂସ୍କୃତିକ ଐତିହ୍ୟର ସୁରକ୍ଷା; ଏବଂ ଜାତୀୟ ଏକୀକରଣ।
