ରାଜଧାନୀରେ ପୁଣି ବୁଲିଲା ଖଣ୍ଡା; ୨ ଯୁବକ ଗୁରୁତର

ଭୁବନେଶ୍ବର: କମେଣ୍ଟ ମରାକୁ ନେଇ ତୁମୁଳ କାଣ୍ଡ । ଦିନ ଦ୍ବିପହରରେ ରାଜଧାନୀ ଭୁବନେଶ୍ବରରେ ବୁଲିଲା ଖଣ୍ଡା । ଖଣ୍ଡଗିରି ଥାନା ପାତ୍ରପଡ଼ାରେ ୨ ଯୁବକଙ୍କୁ ହାଣିଲେ ଦୁର୍ବୃତ୍ତ ।

କମେଣ୍ଟ ମରା ଓ ପୂର୍ବ ଶତ୍ରୁତାରୁ ସଂଘବଦ୍ଧ ଆକ୍ରମଣ କରାଯାଇଥିବା ନେଇ ସୂଚନା ରହିଛି । ତେବେ ଏହି ଖଣ୍ଡା ଚୋଟରେ ଆକ୍ରମଣ ଯୋଗୁଁଁ ୨ ଜଣ ଗୁରୁତର ହୋଇଥିବା ସୂଚନା ମିଳିଛି । ଉଭୟଙ୍କୁ ଏମ୍ସରେ ଭର୍ତ୍ତି କରାଯାଇଛି । ଖବର ପାଇ ଖଣ୍ଡଗିରି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ତେବେ ଏଭଳି ଘଟଣା କିଛି ନୂଆ କଥା ନୁହେଁ । ଅନେକ ବାର ରାଜଧାନୀରେ ଆକ୍ରମଣ ହୋଇଛି । ତେବେ ଦିନ ଦ୍ବିପହରରରେ ଖଣ୍ଡାରେ ଆକ୍ରମଣ କରି ପୋଲିସ ପାଇଁଁ ଏକ ଚାଲେଞ୍ଜ ସୃଷ୍ଟି କରିଛନ୍ତି । ବର୍ତ୍ତମାନ ସୁଦ୍ଧା ସେମାନଙ୍କର ଟେର ପାଇନି ପୋଲିସ । ତଦନ୍ତ ଜାରି ରହିଛି ।