ସରପଞ୍ଚଙ୍କୁ ମରଣାନ୍ତକ ଆକ୍ରମଣ, ଦୁର୍ବୃତ୍ତ ଫେରାର
କେନ୍ଦ୍ରାପଡ଼ା: ପାଟକୁରା ଅନ୍ତେଇ ପଞ୍ଚାୟତ ସରପଞ୍ଚଙ୍କୁ କିଛି ଦୁର୍ବୃତ୍ତ ସଂଘବଦ୍ଧ ଆକ୍ରମଣ କରିଥିବା ଘଟଣା ସାମ୍ନାକୁ ଆସିଛି । ସରପଞ୍ଚ ସଞ୍ଜୟ ସେଠୀଙ୍କୁ ମରଣାନ୍ତକ ଆକ୍ରମଣ କରିଛନ୍ତି କିଛି ଦୁର୍ବୃତ୍ତ । ତେବେ ସରପଞ୍ଚ ଜଣଙ୍କ ବାଇକରେ କେଉଁଆଡ଼େ ଯାଉଥିବା ସମୟରେ ବାଲିଘାଇରେ ତାଙ୍କ ଉପରେ ସଂଘବଦ୍ଧ ଆକ୍ରମଣ ହୋଇଥିଲା ।
ଦୃର୍ବୃତ୍ତମାନେ ସରପଞ୍ଚ ସଞ୍ଜୟ ସେଠୀଙ୍କୁ ଠେଙ୍ଗାବାଡ଼ିରେ ମରଣାନ୍ତକ ଆକ୍ରମଣ କରିଥିଲେ । ଏହା ପରେ ଗ୍ରାମବାସୀଙ୍କ ସହାୟତାରେ ତାଙ୍କୁ ପରିବାର ଲୋକେ ତୁରନ୍ତ କେନ୍ଦ୍ରାପଡ଼ା ହସ୍ପିଟାଲକୁ ନେଇଥିଲେ । ପରେ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଥିବା ଜଣାପଡ଼ିଛି । ତେବେ ଆକ୍ରମଣର କାରଣ ଜଣାପଡ଼ିନଥିବା ବେଳେ ପୋଲିସ ଅଧିକ ତଦନ୍ତ ଜାରି ରଖିଛି । ଏହି ଆକ୍ରମଣ ପରେ ଦୁର୍ବୃତ୍ତ ଫେରାର ଥିବା ଜଣାପଡ଼ିଛି ।
