ପାନମସଲାକୁ ନେଇ ଷ୍ଟାରଙ୍କୁ ଘେରିଲେ ‘ଶକ୍ତିମାନ’, କହିଲେ ଡମ୍ବୁରୁ ଧରି ମାଙ୍କଡ ନାଚ ନାଚୁଛନ୍ତି
ନୂଆଦିଲ୍ଲୀ: ପୁଣିଥରେ ଶକ୍ତିମାନ୍ ଓରଫ ମୁକେଶ ଖାନ୍ନା ବଲିଉଡର ବଡ ବଡ ସୁପରଷ୍ଟାରମାନଙ୍କୁ ଘେରିଛନ୍ତି । କଟାକ୍ଷ କରିବାରେ ଏହା ତାଙ୍କର ପ୍ରଥମ ଥର ନୁହେଁ, ବରଂ ଅନେକ ମାମଲାକୁ ନେଇ ସେ ଷ୍ଚାରମାନଙ୍କୁ ଆକ୍ଷେପ କରିଛନ୍ତି । କିନ୍ତୁ ଏବେ ସେ ଏକ ଲମ୍ବା ପୋଷ୍ଟ କରି ସମସ୍ତଙ୍କୁ ଅପମାନିତ କରିଛନ୍ତି । ଅଜୟ ଦେବଗନ, ଅକ୍ଷୟ କୁମାରଙ୍କଠୁ ନେଇ ମହେଶ ମଞ୍ଜରେକର ଭଳି ଷ୍ଟାରମାନଙ୍କୁ ସେ ଟାର୍ଗେଟ କରିଛନ୍ତି । ତମାଖୁ, ଗୁଟଖା, ରୁମି ଭଳି ନିଶାଜାତ ଦ୍ରବ୍ୟକୁ ପ୍ରମୋଟ କରିଥାନ୍ତି ଏହି ଷ୍ଟାର । ଏହି ବିଷୟକୁ ନେଇ ସେ ଇନଷ୍ଟାଗ୍ରାମରେ ଏକ ଲମ୍ବାଚଉଡା ପୋଷ୍ଟ କରିଛନ୍ତି । ଏଥିରେ ଅଜୟ ଦେବଗନଙ୍କ ପାନ ମସଲା ବିଜ୍ଞାପନ ଫଟୋ ଏବଂ ମହେଶ ମଞ୍ଜରେକର ଫଟୋ ଦେଖାଯାଇଛି । ଏହି ଫଟୋକୁ ନେଇ ସେ ଲେଖିଛନ୍ତି, ବହୁତ ହୋଇଗଲା ଆଦାବ, ବହୁତ ହୋଇଗଲା ଜଙ୍ଗଲିପଣ, କିଏ ଏହାକୁ ବନ୍ଦ କରିବେ କି ?
ପଇସା ରୋଜଗାର କରିବା କେବଳ ଷ୍ଟାରମାନଙ୍କର ଲକ୍ଷ୍ୟ- ମୁକେଶ ଖାନ୍ନା କ୍ୟାପ୍ସନରେ ଲେଖିଛନ୍ତି, କଣ ବିଜ୍ଞାପନ ଗ୍ଲାମରର ଦୁନିଆ କଣ ପଇସାର ଦୁନିଆ ସାଜିଛି । ପେସା ଫେକ୍ ତମାସା ଦେଖ । କଣ ଏହା ଆଧାର ହୋଇଛି ? ଟଙ୍କା ଦିଅ ଏବଂ କିଛିବି ଅର୍ଡର କର । କଣ ମଡେଲ ଏବଂ ଅଭିନେତାମାନଙ୍କର ଲକ୍ଷ୍ୟ କେବଳ ଟଙ୍କା କମାଇବା ।
ପାନ ମସଲା ବିଜ୍ଞାପନକୁ ନେଇ ଘେରିଲେ- ସେ ଆହୁରି ମଧ୍ୟ କହିଛନ୍ତି ଯେ, ସେଲିବ୍ରିଟିମାନେ ସେମାନଙ୍କର ବିବେକ, ସମାଜ ପ୍ରତି ତଥା ଯୁବପିଢିଙ୍କ ପ୍ରତି ସେମାନଙ୍କର ଦାୟିତ୍ୱକୁ ଅବହେଳା କରିଛନ୍ତି କି? କୌଣସି ଜିନିଷ ଖରାପ ହେଲେ ମଧ୍ୟ ସେମାନେ ସମାଜକୁ ଭଲ ବୋଲି କହୁଛନ୍ତି । କାରଣ ଏହା ସେମାନଙ୍କର ଧର୍ମ ହୋଇପାରିଛି । କାରଣ ସେମାନେ ମାଗିଥିବା ଟଙ୍କା ପାଇପାରିବେ । ଆପଣ କେତେ ଟଙ୍କା ରୋଜଗାର କରିବେ?
ବିଜ୍ଞାପନ ନିର୍ମାତାମାନେ ମଦାରୀ ହୋଇଗଲେ ଏବଂ କଳାକାରମାନେ ସେମାନଙ୍କର ଡମ୍ବୁରୁ ଆଧାରରେ ମାଙ୍କଡ଼ ନୃତ୍ୟ ପ୍ରଦର୍ଶନ କରୁଛନ୍ତି । ସେ ସାଫ୍ରନ୍, ଗୁଟଖା କିମ୍ବା ମଦ ହେଉ, ଏହି ଲୋକମାନେ ଉତ୍ପାଦର ବିଶ୍ୱସନୀୟତା ଯାଞ୍ଚ ନକରି ଖାଲି କହି ଯାଉଛନ୍ତି କାହିଁକି । କାରଣ ଏଥିପାଇଁ ସେମାନଙ୍କୁ ସେମାନଙ୍କ ଫି ନାମରେ ବିପୁଳ ପରିମାଣର ଅର୍ଥ ଦିଆଯାଉଛି ।
View this post on Instagram