‘ମୋ ବାପା ସମସ୍ତଙ୍କ ହୃଦୟରେ ଅଛନ୍ତି, ପଥରରେ ନୁହେଁ’, ଜାଣନ୍ତୁ କାହିଁକି ବିଜୁଙ୍କ ସାମଧି ଭାଙ୍ଗିଥିଲେ ମୁଖ୍ୟମନ୍ତ୍ରୀ ନବୀନ
ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୨୦୧୯ ମାସିହାରେ ନିଜର ପିତା ଅର୍ଥାତ ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ସମାଧି ଭାଙ୍ଗିବା ପାଇଁ ଆଦେଶ ଦେଇଥିଲେ । ପୁରୀ ସ୍ୱର୍ଗଦ୍ୱାର ସ୍ଥିତ ସମାଧିକୁ ଭାଙ୍ଗିବା ପାଇଁ ସେ ମନସ୍ତ କରିଥିଲେ । ତେବେ ନବୀନ ପଟ୍ଟନାୟକ ଏପରି ନିଷ୍ପତ୍ତି କାହିଁକି ନେଇଥିଲେ ଏବଂ ଏହା ପଛରେ ତାଙ୍କର କେଉଁ ଉଦ୍ଦେଶ୍ୟ ଥିଲା ଆସନ୍ତୁ ଜାଣିବା ।
ମୁଖ୍ୟମନ୍ତ୍ରୀ ନବୀନ ପଟ୍ଟାନାୟକଙ୍କ ସହ ୧୩ ବର୍ଷ କାଳ ବ୍ୟକ୍ତିଗତ ସଚିବ ଭାବେ କାମ କରୁଥିବା ବି.କେ ପାଣ୍ଡିଆନ ମଙ୍ଗଳବାର ଦିନ ଦୁବାଇରେ ଓଡ଼ିଆ ସମୁଦାୟକୁ ସମ୍ବୋଧିତ କରୁଥିବା ବେଳେ ଏହି କଥାକୁ ପ୍ରକାଶ କରିଥିଲେ । ବର୍ତ୍ତମାନ ସ୍ମାରକପତ୍ର ବଦଳରେ ସ୍ୱାର୍ଗଦ୍ୱାରରେ ବିଜୁ ବାବୁଙ୍କ ନାମରେ ଏକ ଫଳକ ଅଛି । ବହୁ ହିନ୍ଦୁ ସ୍ୱର୍ଗ ଦ୍ୱାରରେ ନିଜ ପ୍ରିୟଜନ ମାନଙ୍କ ଶବଦାହ କରିବାକୁ ଆସନ୍ତି ।
ଲୋକମାନେ ବିଶ୍ୱାସ କରନ୍ତି ଯେ, ସ୍ୱର୍ଗଦ୍ୱାରରେ ଅନ୍ତିମ ସଂସ୍କାର କରାଗଲେ ବ୍ୟକ୍ତିର ଆତ୍ମା ମୋକ୍ଷପ୍ରାପ୍ତି ହୋଇଥାଏ । ବିଜୁ ପଟ୍ଟନାୟକଙ୍କ ନିଧନ ପରେ ସ୍ଥାନୀୟ ସଂସ୍ଥା ଦ୍ୱାରା ୧୯୯୭ ମସିହା ଏପ୍ରିଲ ୧୭ ତାରିଖରେ ସ୍ୱର୍ଗଦ୍ୱାରରେ ବିଜୁ ପଟ୍ଟନାୟକଙ୍କର ଏକ ପ୍ରତିମା ପ୍ରତିଷ୍ଠା କରାଯାଇଥିଲା । ପ୍ରତିମା ସମାଧିର ଏକ ବଡ କ୍ଷେତ୍ରରେ ନିର୍ମାଣ ହୋଇଥିଲା ।
ଏହାପରେ ପାଣ୍ଡିଆନ ମୁଖ୍ୟମନ୍ତ୍ରୀଙ୍କୁ ସ୍ୱର୍ଗଦ୍ୱାରର ସୌନ୍ଦର୍ଯ୍ୟକରଣର ଏକ ଚିତ୍ର ଦେଖାଇଥିଲେ । ସ୍ମାରକପତ୍ର ଯୋଗୂଁ ପ୍ଲଟର ଏକ କୋଣ ଅବରୋଧ ହୋଇଥିବାର ଲକ୍ଷ୍ୟ କରାଗଲା । ତେଣୁ ନବୀନ ପଟ୍ଟନାୟକ ତାକୁ ଭାଙ୍ଗିବା ପାଇଁ ନିଷ୍ପତ୍ତି ନେଇଥିଲେ । ମୁଖ୍ୟମନ୍ତ୍ରୀ କହିଛନ୍ତି ‘ତାଙ୍କ ବାପା ଲୋକମାନଙ୍କ ହୃଦୟରେ ଅଛନ୍ତି, ପଥରରେ ନୁହେଁ’ ପୁରୀର ସ୍ୱର୍ଗଦ୍ୱାର ରାଜ୍ୟର ପ୍ରଥମ ପରିବର୍ତ୍ତନ ପରିଯୋଜନା ଥିଲା । ପାଣ୍ଡିଆନ କହିଛନ୍ତି ଯେ, ମୁଖ୍ୟମନ୍ତ୍ରୀ ଲୋକମାନଙ୍କ କ୍ରୋଧକୁ ଏଡାଇବା ପାଇଁ ସ୍ମାରକୀ ଭାଙ୍ଗିବାକୁ ନିର୍ଦ୍ଦେଶ ଦେଇଥିଲେ ।
