(Video) ସାଥୀକୁ ଝୁରୁଛି ସାଥୀ: ନେଉଳ ଆକ୍ରମଣରେ ଆଖି ବୁଜିଲା ନାଗୁଣୀ, ହୃଦୟ ଫଟାଇ ଝୁରୁଛି ନାଗ

ନୂଆଦିଲ୍ଲୀ: ସାପ-ନେଉଳକୁ ନେଇ ଅନେକ ସମୟରେ ସୋସିଆଲ ମିଡ଼ିଆରେ ଭିଡିଓ ସବୁ ଭାଇରାଲ୍ ହୋଇଥାଏ । ତେବେ ନିକଟରେ ଏଭଳି ଏକ ଭିଡିଓ ସାମ୍ନାକୁ ଆସିଛି । ଗୋଟିଏ ନାଗୁଣୀର ମୃତ୍ୟୁ ପରେ ତାକୁ ଝୁରୁଛି ନାଗ । ଅନେକ ସମୟରେ ଏଭଳି ଦୃଶ୍ୟ ଫିଲ୍ମରେ ଦେଖିବାକୁ ମିଳିଥାଏ । ମାତ୍ର ଏବେ ରିଅଲ ଲାଇଫରେ ଏହି କାହାଣୀ ଦେଖିବାକୁ ମିଳିଛି ।

ସୂଚନା ମୁତାବକ, ନେଉଳ ଆକ୍ରମଣରେ ଗୋଟିଏ ନାଗୁଣୀର ମୃତ୍ୟୁ ଘଟିଥିଲା । ନାଗୁଣୀର ମୃତ୍ୟୁକୁ ସହଜରେ ଗ୍ରହଣ କରିପାରି ନଥିଲା ନାଗ । ନାଗଟି ନାଗୁଣୀକୁ ଝୁରିଝୁରି ମୃତଦେହ ନିକଟରେ ଜଗି ରହିଥିଲା । ଏହାପରେ ଏହି ଦୃଶ୍ୟକୁ ଦେଖିବାକୁ ପ୍ରବଳ ଭିଡ଼ ଜମିଥିଲା । ଉତ୍ତରପ୍ରଦେଶର ବନ୍ଦାୟୁଁ ଜିଲ୍ଲା ବିଲସୀ ଥାନା ଅଞ୍ଚଳର ନଗଲା ଡବ୍ଲ୍ୟୁ ଗ୍ରାମରେ ଏହି ଘଟଣା ଦେଖିବାକୁ ମିଳିଛି ।

ଗ୍ରାମବାସୀଙ୍କ ମତରେ, ଉକ୍ତ ଅଞ୍ଚଳରେ କାହିଁ କେତେ ବର୍ଷରୁ ନାଗ-ନାଗୁଣୀ ଯୋଡ଼ି ରହୁଥିଲେ । ଏହି ଯୋଡ଼ି କାହାର କିଛି କ୍ଷତି ସାଧନ କରୁନଥିଲେ । ଦୁଇଦିନ ତଳେ ଏହି ଯୋଡ଼ିଙ୍କ ପଛରେ ଏକ ନେଉଳ ପଡ଼ିଥିଲା । ନେଉଳଟି ନାଗକୁ ଏକୁଟିଆ ଦେଖିଲେ ହମଲା କରୁଥିଲା । ମାତ୍ର ନାଗୁଣୀ ନାଗର ରକ୍ଷା କବଚ ସାଜୁଥିଲା । ହଠାତ୍ ନେଉଳଟି ନାଗୁଣୀ ଉପରେ ଆକ୍ରମଣ କରିବାରୁ ଘଟଣାସ୍ଥଳରେ ତା’ର ମୃତ୍ୟୁ ଘଟିଥିଲା । ନାଗୁଣୀର ମୃତ୍ୟୁ ପରେ ଅଥୟ ହୋଇ ଉଠିଥିଲା ନାଗ । ସେ ନିଜର ଫଣାକୁ ମାଟିରେ ଆଘାତ କରି ନିଜକୁ ନିଜେ ଲହୁଲୁହାଣ କରିଥିଲା । ଏହି ଦୃଶ୍ୟ ଦେଖି ଦେଖଣାହାରୀମାନେ ସ୍ତମ୍ଭିତ ହୋଇ ରହିଯାଇଥିଲେ ।

नाग और नेवले की लड़ाई आपने फिल्मों में बहुत बार देखी होगी। लेकिन ऐसा हकीकत में भी देखने को मिला है। यूपी में नेवले के हमले में नागिन की जान चली गई। नागिन की मौत से दुखी नाग ने खुद को भी लहूलुहान कर लिया। इसका वीडियो वायरल हो रहा है।#naagnagin #snakevideo #naagvideo pic.twitter.com/FO3l2UahRN

— Hindustan UP-Bihar (@HindustanUPBH) January 5, 2023