ପୁଣି ଇତିହାସ ରଚିଲେ ‘ଗୋଲଡେନ୍ ବଏ’ ନୀରଜ ଚୋପ୍ରା : ୮୭.୬୬ ମିଟର ଥ୍ରୋ ସହିତ ଜିତିଲେ ଡାଇମଣ୍ଡ ଲିଗ୍ ଟାଇଟଲ୍
ନୂଆଦିଲ୍ଲୀ: ‘ଗୋଲଡେନ୍ ବଏ’ ନୀରଜ ଚୋପ୍ରା ପୁଣି ଥରେ ଇତିହାସ ରଚିଛନ୍ତି । ସେ ଲୁସାନେ ଡାଇମଣ୍ଡ ଲିଗ୍ ଟାଇଟଲ୍ ନିଜ ନାଁରେ କରିଛନ୍ତିି । ନୀରଜ ୮୭.୬୬ ମିଟର ଥ୍ରୋ ସହ ସ୍ୱର୍ଣ୍ଣ ପଦକ ଜିତିଛନ୍ତି ।
ତେବେ ‘ଗୋଲଡେନ୍ ବଏ’ ନୀରଜଙ୍କର ଚଳିତ ବର୍ଷରେ ଏହା ହେଉଛି ଦ୍ୱିତୀୟ ସ୍ୱର୍ଣ୍ଣ ପଦକ । ଏହାପୂର୍ବରୁ ସେ ମେ ମାସରେ ଦୋହା ଠାରେ ଆୟୋଜିତ ଡାଇମଣ୍ଡ ଲିଗ୍ ଟାଇଟଲ୍ ଜିତିଥିଲେ ।
India's javelin ace Neeraj Chopra wins men's javelin throw title at Lausanne leg of prestigious Diamond League series; throws 87.66 metres to win the spot.
(File Pic) pic.twitter.com/TXVYk27bg9
— ANI (@ANI) June 30, 2023
ଆଘାତ ପରେ ନୀରଜ ଚୋପ୍ରା ଦମଦାର୍ ପ୍ରତ୍ୟାବର୍ତ୍ତନ କରିଥିଲେ । ପ୍ରାୟ ଏକ ମାସର ଆଘାତ ବିରତି ପରେ ସେ ପଡ଼ିଆକୁ ଓହ୍ଲାଇଥିଲେ । ପଞ୍ଚମ ରାଉଣ୍ଡରେ ସେ ୮୭.୬୬ ମିଟର ଥ୍ରୋ ସହ ଟାଇଟଲ ଜିତିଥିଲେ । ଏହା ହେଉଛି ନୀରଜଙ୍କ ଅଷ୍ଟମ ଅନ୍ତର୍ଜାତୀୟ ସ୍ୱର୍ଣ୍ଣ ପଦକ । ଏହାପୂର୍ବରୁ ସେ ଏସୀୟ ଗେମ୍ସ, ଦକ୍ଷିଣ ଏସୀୟ ଗେମ୍ସ, ଅଲିମ୍ପିକ ଗେମ୍ସ ଏବଂ ଡାଇମଣ୍ଡ ଲିଗ୍ ଭଳି ଟୁର୍ନାମେଣ୍ଟରେ ସ୍ୱର୍ଣ୍ଣ ପଦକ ଜିତିଥିଲେ ।
