ପୁଣି ଚମକିଲେ ନୀରଜ, ପୁଣି ଜିତିଲେ ସ୍ୱର୍ଣ୍ଣ ପଦକ (Video)
ନୂଆଦିଲ୍ଲୀ: ଭାରତୀୟ ଅଲିମ୍ପିକ ଗୋଲ୍ଡ ମେଡାଲିଷ୍ଟ ନୀରଜ ଚୋପ୍ରା ପୁଣି ଥରେ ଚମକିଛନ୍ତି । ଫିନଲ୍ୟାଣ୍ଡଠାରେ ଆୟୋଜିତ କୁଆର୍ତାନେ ଗେମ୍ସରେ ଜାଭେଲିନ୍ ଥ୍ରୋରେ ସେ ସ୍ୱର୍ଣ୍ଣପଦକ ହାସଲ କରିଛନ୍ତି । ଟୋକିଓ ଅଲିମ୍ପିକ ପରେ ଏହା ହେଉଛି ନୀରଜଙ୍କର ଦ୍ୱିତୀୟ ଗୋଲ୍ଡ ମେଡାଲ । କୁଆର୍ତାନେ ଗେମ୍ସରେ ସ୍ୱର୍ଣ୍ଣ ପଦକ ଜିତିବାରେ ନୀରଜ ହେଉଛନ୍ତି ପ୍ରଥମ ଭାରତୀୟ ।
ନୀରଜ ୮୬.୬୯ ମିଟର ପର୍ଯ୍ୟନ୍ତ ଜାଭଲିନ୍ ଫିଙ୍ଗି ଏହି ଗୌରବ ହାସଲ କରିଛନ୍ତି । ନିଜର ପ୍ରଥମ ପ୍ରୟାସରେ ସେ ସଫଳତା ହାସଲ କରିଥିବା ବେଳେ ବାକି ଦୁଇଟି ଥ୍ରୋକୁ ଫାଉଲ୍ କରି ଦିଆଯାଇଥିଲା । ଏହି ଇଭେଣ୍ଟରେ ନୀରଜ ନିଜର ବେଷ୍ଟ ପ୍ରଦର୍ଶନ କରିପାରିନଥିଲେ । ଦ୍ୱିତୀୟ ସ୍ଥାନରେ କେଶୋର୍ଣ୍ଣ ୱାଲକୋଟ ରହିଥିବା ବେଳେ ସେ ୮୬.୬୪ ମିଟର ଥ୍ରୋ କରିଥିଲେ । ସେହିପରି ତୃତୀୟ ରହିଥିବା ଆଣ୍ଡରସନ ପିଟରସ ୮୪.୭୫ ମିଟର ଥ୍ରୋ କରିଥିଲେ ।
ଏହି ଇଭେଣ୍ଟରେ ଥ୍ରୋ କରିବା ସମୟରେ ନୀରଜ ଆଘାତରୁ ସହଜରେ ବର୍ତ୍ତି ଯାଇଥିଲେ । ଥ୍ରୋ କରୁଥିବା ସମୟରେ ଅଚାନକ ତାଙ୍କର ପାଦ ଖସିଯାଇଥିଲା । ମାତ୍ର ସେ ପୁଣି ଥରେ ଉଠି ଛିଡ଼ା ହୋଇଥିଲେ । ତେଣୁ ସେ ଅବଶିଷ୍ଟ ଦୁଇଟି ଥ୍ରୋକୁ ନେବାକୁ ରିସ୍କ ନେଇନଥିଲେ । ଏହାପୂର୍ବରୁ ଗତ ୧୪ ତାରିଖରେ ଫିନଲ୍ୟାଣ୍ଡର ପାୱେ ନୁରମୀ ଗେମ୍ସରେ ସେ ୮୯.୩୦ ମିଟର ଜାଭଲିନ ଥ୍ରୋ କରି ଜାତୀୟ ରେକର୍ଡ ସ୍ଥାପନ କରିଥିଲେ ।
Tough conditions with the weather, but happy to get my first win of the season here at Kuortane. I'm feeling good and looking forward to kicking off my Diamond League season at @BAUHAUSGALAN on the 30th.
Thank you for all the messages and support. 🙏🏽🇮🇳 pic.twitter.com/C1ulI0mktN— Neeraj Chopra (@Neeraj_chopra1) June 19, 2022
