ପ୍ରକାଶ ପାଇଲା ନିଟ୍ ୟୁଜି ସଂଶୋଧିତ ସ୍କୋରକାର୍ଡ ୨୦୨୪; nta.ac.inରେ କରନ୍ତୁ ଯାଞ୍ଚ୍
ନୂଆଦିଲ୍ଲୀ: ସଂଶୋଧିତ ନିଟ୍ ୟୁଜି ରେଜଲ୍ଟ ୨୦୨୪ ପ୍ରକାଶ କରିଛି ନ୍ୟାସନାଲ ଟେଷ୍ଟିଂ ଏଜେନ୍ସି। ସଂଶୋଧିତ ସ୍କୋରକାର୍ଡ ଲିଙ୍କ୍ ଏବେ ଅଫିସିଆଲ ୱେବସାଇଟରେ ଉପଲବ୍ଧ ଅଛି। ନିଟ୍ ୟୁଜି ପରୀକ୍ଷା ବିବାଦ ଉପରେ ସୁପ୍ରିମ୍ କୋର୍ଟଙ୍କ ଚୂଡ଼ାନ୍ତ ଶୁଣାଣି ଆଧାରରେ ସଂଶୋଧିତ ଫଳ ପ୍ରକାଶ ନିଷ୍ପତ୍ତି କାର୍ଯ୍ୟକାରୀ ହୋଇଛି। ଏହାବ୍ୟତୀତ ବିବାଦୀୟ ପଦାର୍ଥ ବିଜ୍ଞାନ ପ୍ରଶ୍ନ ୧୯ ଉପରେ ଆଇଆଇଟି ଦିଲ୍ଲୀର ରିପୋର୍ଟ ଆଧାରରେ ସୁପ୍ରିମକୋର୍ଟ ବିକଳ୍ପ ୪କୁ ସଠିକ୍ ବିକଳ୍ପ ଭାବେ ଗ୍ରହଣ କରିଛନ୍ତି। ଏହି ରିପୋର୍ଟ ଆଧାରରେ ନିଟ୍ ରେଜଲ୍ଟ ୨୦୨୪ରେ ସଂଶୋଧନ କରାଯିବ।
କେବଳ ସେତିକି ନୁହେଁ, ପ୍ରଶ୍ନପତ୍ର ଲିକ୍ ପ୍ରମାଣ କରିବା ପାଇଁ ପର୍ଯ୍ୟାପ୍ତ ପ୍ରମାଣ ନଥିବାରୁ ନିଟ୍ ୟୁଜିର ପୁନଃ ପରୀକ୍ଷା କରିବାକୁ ମଧ୍ୟ ସୁପ୍ରିମକୋର୍ଟ ମନା କରିଦେଇଛନ୍ତି। ସମସ୍ତ ପରୀକ୍ଷାର୍ଥୀଙ୍କୁ ପୁଣି ଥରେ ପରୀକ୍ଷା କରିବାକୁ ପରାମର୍ଶ ଦିଆଯିବ ନାହିଁ। ସଂଶୋଧିତ ନିଟ୍ ୟୁଜି ରେଜଲ୍ଟ ପ୍ରକାଶ ପାଇବା ପରେ ମେଡିକାଲ କାଉନସେଲିଂ କମିଟି ନିଟ୍ ୟୁଜି କାଉନସେଲିଂ ପ୍ରକ୍ରିୟା ଆରମ୍ଭ କରିବ। ଯୋଗ୍ୟ ପ୍ରାର୍ଥୀମାନେ mcc.nic.in ଅନଲାଇନରେ ପଞ୍ଜୀକରଣ କରିପାରିବେ ।
ନିଟ୍ ରେଜଲ୍ଟ ବିବାଦ ପରେ ଚଳିତ ବର୍ଷ ସର୍ବଭାରତୀୟ ରାଙ୍କଧାରୀଙ୍କ ସଂଖ୍ୟା ଯଥେଷ୍ଟ ବୃଦ୍ଧି ପାଇଛି। ନ୍ୟାସନାଲ ଟେଷ୍ଟିଂ ଏଜେନ୍ସି ନିଟ୍ ୟୁଜି ରେଜଲ୍ଟ ୨୦୨୪ ପାଇଁ ସଂଶୋଧିତ ମେରିଟ୍ ଲିଷ୍ଟ ପ୍ରକାଶ କରିବ। ସଂଶୋଧିତ ମେରିଟ୍ ତାଲିକାରେ ୪୪ ଜଣ ପରୀକ୍ଷାର୍ଥୀ ପ୍ରଭାବିତ ହେବେ କାରଣ ସେମାନଙ୍କ ରାଙ୍କ୍ ୮୮ ସ୍ଥାନକୁ ଖସି ଆସିପାରେ। ସଂଶୋଧିତ ନିଟ୍ ଫଳ ଅନଲାଇନ୍ exams.nta.ac.in/NEETରେ ପ୍ରକାଶ ପାଇଛି।
