ସମସ୍ୟାରେ ଫସିଲା ଭାରତୀୟ ମସଲା ବ୍ରାଣ୍ଡ: ନେପାଳ ମଧ୍ୟ ଲଗାଇଲା ବ୍ୟାନ୍
ନୂଆଦିଲ୍ଲୀ : ଗତବର୍ଷ ଭାରତୀୟ ମସଲାକୁ ନେଇ ବିବାଦ ସୃଷ୍ଟି ହୋଇଛି ଯାହା ଥମିବାର ନାଁ ନେଉ ନାହିଁ । ସିଙ୍ଗାପୁର ଏବଂ ହଂକଂ ପରେ ବର୍ତ୍ତମାନ ନେପାଳରେ ଭାରତୀୟ ମସଲା ବ୍ରାଣ୍ଡ ଏଭରେଷ୍ଟ ଏବଂ MDH ମସଲା ବିକ୍ରି ଏବଂ ଆମଦାନୀ ଏବଂ ବ୍ୟବହାର ଉପରେ ପ୍ରତିବନ୍ଧକ ଲଗାଯାଇଛି।
ANI ରିପୋର୍ଟ ଅନୁଯାୟୀ, ଏହି ଦୁଇଟି କମ୍ପାନୀର ମସଲାରେ ରାସାୟନିକ ଇଥାଇଲନ୍ ଅକ୍ସାଇଡ୍ ଥିବା ସନ୍ଦେହ କରାଯାଉଛି ଯାହା ପରେ ନେପାଳ ଏହି ନିଷ୍ପତ୍ତି ନେଇଛି ।ନେପାଳର ଖାଦ୍ୟ ପ୍ରଯୁକ୍ତିବିଦ୍ୟା ଏବଂ ଗୁଣବତ୍ତା ନିୟନ୍ତ୍ରଣ ବିଭାଗ ଉଭୟ ବ୍ରାଣ୍ଡର ମସଲାରେ ଏହି ରାସାୟନିକ ପରୀକ୍ଷା ଆରମ୍ଭ କରିଛି ।
ନେପାଳର ଖାଦ୍ୟ ପ୍ରଯୁକ୍ତିବିଦ୍ୟା ମୁଖପାତ୍ର ମୋହନ କୃଷ୍ଣ ମହାରାଜନ କହିଛନ୍ତି ଯେ, ବର୍ତ୍ତମାନ ପର୍ଯ୍ୟନ୍ତ ଏହି ଦୁଇଟି ମସଲା ଯଥା MDH ଏବଂ ଏଭରେଷ୍ଟ ଆମଦାନୀ ଉପରେ ପ୍ରତିବନ୍ଧକ ଲଗାଯାଇଛି। ଏହା ସହିତ ଏହାର ବିକ୍ରୟ ଉପରେ ମଧ୍ୟ ନିଷେଧାଦେଶ ଦିଆଯାଇଛି। ଏହି ମସଲାରେ ଇଥିଲିନ ଅକ୍ସାଇଡ୍ ନାମକ କୀଟନାଶକ ମିଶିଥିବା ନେଇ ସୂଚନା ମିଳିବା ପରେ ସରକାରଙ୍କ ପକ୍ଷରୁ ଏପରି ନିଷ୍ପତ୍ତି ନିଆଯାଇଛି । ଯାଞ୍ଚ ରିପୋର୍ଟ ଆସିବା ପର୍ଯ୍ୟନ୍ତ ଏହି ନିଷେଧାଦେଶ ଜାରି ରହିବ ।
ଭାରତର ପ୍ରସିଦ୍ଧ ମସଲା ବ୍ରାଣ୍ଡ MDH ଏବଂ ଏଭରେଷ୍ଟ ଭାରତ, ବ୍ରିଟେନ, ନ୍ୟୁଜିଲ୍ୟାଣ୍ଡ, ଆମେରିକା ଏବଂ ମଧ୍ୟ ପୂର୍ବର ଅନେକ ଦେଶରେ ବିକ୍ରି ହୋଇଆସୁଛି । ନ୍ୟୁଜିଲ୍ୟାଣ୍ଡର ଖାଦ୍ୟ ନିରାପତ୍ତା ନିୟାମକ ଭାରତୀୟ ମସଲା ବ୍ରାଣ୍ଡର ବିଭିନ୍ନ ଉତ୍ପାଦର ଯାଞ୍ଚ କରିବା ଆରମ୍ଭ କରି ଦେଇଛି । ସେହିପରି ବ୍ରିଟେନରେ ମଧ୍ୟ ଯାଞ୍ଚ ଆରମ୍ଭ ହୋଇଯାଇଛି ।
