ଅଧିକ ବର୍ଷ ବଞ୍ଚିବା ସହିତ ଅବିବାହିତଙ୍କ ତୁଳନାରେ ବିବାହିତଙ୍କ ମୃତ୍ୟୁ ହାର କାମ, ଅଧ୍ୟୟନରୁ ପ୍ରକାଶ ପାଇଲା ଆଶ୍ଚର୍ଯ୍ୟକର ତଥ୍ୟ
ନୂଆଦିଲ୍ଲୀ:କ୍ୟାରିୟର ଉପରେ ଧ୍ୟାନ ଥିବାରୁ ଯୁବକ ଏବେ ବିବାହ ପାଇଁ ଏତେଟା ରାଜି ହେଉ ନାହାଁନ୍ତି । ଅନେକ ଦେଶରେ ଯୁବକମାନଙ୍କ ମଧ୍ୟରେ ବିବାହ ନକରିବାର ଧାରା ଦ୍ରୁତ ଗତିରେ ବୃଦ୍ଧି ପାଉଛି । ତେବେ ଏହି ସମୟ ମଧ୍ୟରେ ଏକ ଆଶ୍ଚର୍ଯ୍ୟଜନକ ଅଧ୍ୟୟନ ପ୍ରକାଶ ପାଇଛି ଯେଉଁଥିରେ କୁହାଯାଇଛି ଯେ ବିବାହିତ ଲୋକମାନଙ୍କର ଜୀବନ ଏକାକୀ କିମ୍ବା ଛାଡ଼ପତ୍ର ଲୋକଙ୍କ ଅପେକ୍ଷା ଲମ୍ବା ଅଟେ। ଅଧ୍ୟୟନରେ କୁହାଯାଇଛି ଯେ ବିବାହିତ ଲୋକଙ୍କ ଶାରୀରିକ ଏବଂ ମାନସିକ ସ୍ବାସ୍ଥ୍ୟ ଭଲ।
ଗ୍ଲୋବାଲ୍ ଏପିଡେମୋଲୋଜିରେ ପ୍ରକାଶିତ ଏକ ନୂତନ ଅଧ୍ୟୟନ ଅନୁଯାୟୀ ବିବାହ ମହିଳାଙ୍କ ମୃତ୍ୟୁ ହାରକୁ ଏକ ତୃତୀୟାଂଶ ହ୍ରାସ କରିବାରେ ସାହାଯ୍ୟ କରିଥାଏ।ଅନୁସନ୍ଧାନକାରୀମାନେ କହିଛନ୍ତି ଯେ ବିବାହକୁ ନେଇ ଆମର ଯେଉଁ ଦୃଷ୍ଟିକୋଣ ରହିଛି ଏହି ଅଧ୍ୟୟନ ତାକୁ ବଦଳାଇ ଦେଇଛି , ଏହା ମାନବଙ୍କ ସାମଗ୍ରିକ ସ୍ୱାସ୍ଥ୍ୟରେ ବହୁତ ଉନ୍ନତି ଆଣିଛି।
ୱାଲ୍ ଷ୍ଟ୍ରିଟ୍ ଜର୍ଣ୍ଣାଲରେ ଥିବା ଏକ ଆର୍ଟିକିଲରେ, ଅଧ୍ୟୟନର ଦୁଇ ଲେଖକ, ଯେଉଁମାନେ ହାର୍ଭାର୍ଡ ବିଶ୍ୱବିଦ୍ୟାଳୟର ପ୍ରଫେସର, ସେମାନେ ଲେଖିଛନ୍ତି, ‘ଆମର ଅଧ୍ୟୟନର ଫଳାଫଳ ବିବାହର ମହତ୍ତ୍ୱକୁ ଆହୁରି ଦୃଢ କରିଛି । ଯେଉଁମାନେ ବିବାହର ଗୁରୁତ୍ୱକୁ ଅସ୍ୱୀକାର କରୁଛନ୍ତି ସେମାନେ ଏହାକୁ ବୁଝିବା ଆବଶ୍ୟକ ।
ଏହି ଅଧ୍ୟୟନରେ ୧୧,୮୩୦ ଆମେରିକୀୟ ମହିଳା ନର୍ସ ଅନ୍ତର୍ଭୁକ୍ତ ଥିଲେ, ସେମାନଙ୍କ ମଧ୍ୟରୁ ଅଧିକାଂଶ ଭଲ ସ୍ଥିତିରେ ଥିଲେ। ଏହି ସମସ୍ତ ନର୍ସମାନେ ୧୯୯୦ ଦଶକ ଆରମ୍ଭରେ ବିବାହ କରିବାକୁ ନିଷ୍ପତ୍ତି ନେଇଥିଲେ। ଅଧ୍ୟୟନରେ ନାମ ଲେଖାଇବା ପୂର୍ବରୁ କୌଣସି ମହିଳା ବିବାହିତ ନଥିଲେ।
ଦଶନ୍ଧି ପରେ, ୧୯୮୯ ରୁ ୧୯୯୩ ମଧ୍ୟରେ ବିବାହ କରିଥିବା ଅଂଶଗ୍ରହଣକାରୀ ନର୍ସମାନଙ୍କୁ ଯେଉଁମାନେ କେବେ ବିବାହ କରିନଥିଲେ ସେମାନଙ୍କ ସହିତ ତୁଳନା କରାଯାଇଥିଲା।
ଅନୁସନ୍ଧାନକାରୀମାନେ ପରୀକ୍ଷଣ କରିଥିଲେ ଯେ ପ୍ରାୟ ବିବାହ ପରେ ମହିଳାଙ୍କ ଜୀବନ କିପରି ଉନ୍ନତି କଲା? ଅନୁସନ୍ଧାନକାରୀମାନେ ବିବାହିତ ମହିଳାଙ୍କ ଶାରୀରିକ, ମାନସିକ ସ୍ୱାସ୍ଥ୍ୟ ଏବଂ ବୟସକୁ ଧ୍ୟାନରେ ରଖିଥିଲେ।
ଅନୁସନ୍ଧାନକାରୀମାନେ ଜାଣିବାକୁ ପାଇଲେ ଯେ ସେହି ସମୟରେ ବିବାହ କରିଥିବା ମହିଳାମାନଙ୍କର ଅବିବାହିତ ମହିଳାଙ୍କ ତୁଳନାରେ ମୃତ୍ୟୁ ହାର ୩୫% କମ୍ ଥାଏ। ଦେଖାଗଲା ଯେ ବିବାହିତ ମହିଳାମାନଙ୍କର ହୃଦଘାତ, ଉଦାସୀନତା, ଏକାକୀ ହେବାର ଆଶଙ୍କା କମ୍ ଥାଏ ଏବଂ ସେମାନେ ଅଧିକ ଆଶାବାଦୀ, ସେମାନେ ନିଜ ଜୀବନର ଉଦ୍ଦେଶ୍ୟ ଜାଣନ୍ତି। ଏଥିରୁ ଅନୁସନ୍ଧାନକାରୀମାନେ ସିଦ୍ଧାନ୍ତରେ ପହଞ୍ଚିଲେ ଯେ ବିବାହ କରିବାର ଅନେକ ଲାଭ ଅଛି।
